Jerimaya 4:6 - FỊAFỊA BAỊBỤLỤ

⁶ Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 4:6 Iomraidhean Croise

Ayịzaya 62:10

Jeruselemu ḅẹ apụ, ọmịnị opu ama mẹ ḅio paka mu Tẹ etela mịẹ ọmịna atomi pịkịma-ḅoarị apụ pịrị! Opu etela tẹlẹmaa; anị ḅẹ aḍụḅarị ma kolokolo siin! Kẹ elekima sụa ḅẹ ye kẹ pikee, mịẹ tẹ sịẹ-sịẹ ma inetẹ nimi ḅẹ ḅara.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 22:7

À tomi kẹ fịrịmarị in ḅo anị kan gulugulumaa. Inimgba ịna akumbu ọkị-ḅo tẹ kẹ anị ḅẹ iḅi sida asịn ḅeriye ma pẹlẹ-pẹlẹ-gbin ḅa, tẹ arị kẹ fịnị ḅio wakị suu ḅa.”

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 4:21

À nwẹn ḍụrụkụarị ọmụ mẹ ẹrị mu tọ-sakị la ḅẹ, pịkị fie-siin-fiearị ọdụ poki mẹ naa?

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 50:22

Amakiri mẹ ḅụ ini ọmụ yeke-yeke naarị, tẹ opu guluguluma emi.

Jerimaya 51:12

In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 51:27

“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.

Jerimaya 51:54

KỊNỊNYANAḄỌ ḅe mẹẹ, “Owu-pọkọ pokii Babịlọnị ḅụ, amakiri mẹ gulugulu mẹ kururu ḅụ.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Izikẹlị 9:1

Anịtẹso à Tamụnọ oloku ye naam, “Ọ́ mịanga ḅoo, ọmịnị fomu-ḅara kẹ opu ama mẹ pịrị ḅẹ muarị owiapụ. Ọmịnị ọmịna owuna-aị na ḅoo.”

Izikẹlị 9:2

Anị-gbọrụ-kirikiri sonio owiapụ Tamụnọ-warị mẹ ḅẹ ọgọnọ-jụ da tẹ mu nụngọ koro-koro ogigo-ḅọkọ ḅụ sime tẹ ḅo tẹ, ọrụḅọ-ọrụḅọ owuaị dogim. Ferefere pịna kapa sụa gbọrụ owiḅọ ịna ḅụ ḅom, ò ye-kẹẹ-ye dogim. Inimgba ḅo ojo agbamịẹ-anga mẹ akaka sịẹsimem.

Zẹfanaya 1:10

KỊNỊNYANAḄỌ ḅe ḅẹẹarị, “Anị ene mẹ ḅụ, Jeruselemu ḅụ Inji Ogigo-ḅọkọ mẹ ḅụ ọmịnị owu fiearị ye naa ḅa. Opu ama mẹ ḅẹ ịwọ-polo mẹ ḅụ ọ́ kịnị pee-peema owuarị ye naa ḅa, gbala tụndụ ma opu ama paịn-sararị tẹ anị fie ḅara.

Zẹkaraya 6:6

Kurukuru asụ ma fọnọ mẹnjịarị kirimẹnjị-ọmụarụ mẹ so ọgọnọ-jụ Babịlonịya muarị, pịna-pịna asụ ma ịrụa-ideriarị-anga muarị, tẹ gbọọn-gbọọn oju sụa asụ ma abajị-suku da bebe amakiri mẹ muarị.