Jerimaya 4:5 - FỊAFỊA BAỊBỤLỤ

⁵ Ọdụ mẹ ofuro bebe amakiri mẹ ikelemaa! Gele-pọkọ kẹ giregirema olokuu! Ḍuko Juda na Jeruselemu na ḅẹ apụ ma pịrịị ịn mangị kụrọnị opu ama ma muu.

Jerimaya 4:5 Iomraidhean Croise

Ayịzaya 28:19

Anị ḅo ọ́ bịan siin ọ́ bịan ḅa, dede-ḅio goyegoye. Ọmịnị anị dogi ḅa eneḅaka na ḍin na ḅụ, gbarị-a ḅara. Ịwọ oku tẹ Tamụnọ ḅara ḅo ye, ḅo ye ịwọ tẹmẹ-naịn-naịnmaye kẹ ḅo ḅa!

Jerimaya 11:2

“Ọmịnị ọḅọkụ mẹ sịẹ pịrị aị ma pokii. Ḍuko Juda na Jeruselemu na ḅẹ apụ ma pịrịị

Jerimaya 35:11

Kụma Nebukadineza, Babịlonịya ḅẹ amadaḅọ owu kẹ mị ama mẹ paka sakị wa tọn pẹlẹm wa so Jeruselemu mu tẹ Babịlonịya na Siriya na ḅẹ apụ ma ọmụ-ogbo-ogbo ma aḅara gbarị. Anie wa gotẹ Jeruselemu ḅụ angarị.”

Jerimaya 5:20

KỊNỊNYANAḄỌ ḅe mẹẹ, “Ḍuko Jekọbụ furo paka apụ ma pịrị, ḍuko Juda ḅẹ apụ ma pịrị.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 8:14

Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Jerimaya 9:12

À nwẹnị ḅẹẹ, “KỊNỊNYANAḄỌ, tiye ẹrẹsị ị́ amakiri mẹ sima kọsịma tẹ anị kẹ ịkpa samụnọ ḅara samụnọmatẹ gbọrụḅọ-sọ ye-muarị tẹ ḅarị anị ḅụ mẹnjị tolu-ḅọrọ-a? Tụḅọ ye-nimi ḅo anị fiearị ye naa ḅiri la ḅẹ? Ị́ anị ḍuko finji pịrị tẹ inetẹ anị ḍuko jen-apụ pịrị ḅẹ ḅọ tụḅọ?”

Izikẹlị 7:14

Ọdụ mẹ fiearị, tẹ ḅẹḅọ-ḅẹḅọ ḅụụ-tẹlẹmarị. Kụma paka ọmụ muarị gbọrụḅọ-sọ ofori, Tamụnọ ịganị gbọrụ ḅara kẹ ọrụḅọ-ọrụḅọ ọgọnọ gbana ḅa gotẹ.

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Jowẹlị 2:1

Ọdụ mẹ ofuroo; oloku Zayọnị ikelemaa, Tamụnọ fịafịa tụndụ mẹ. Juda ḅẹ apụ, yee ọmịna oju sẹkị! KỊNỊNYANAḄỌ ḅe ḅẹrẹkọn ama mẹ pịrị ḅarị ene mẹ kpeki tẹẹ.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Emọsị 3:8

Idum ekirearị sakị ḅụ tụḅọ inetẹ ḅalafaa ḅịa? Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn-arị sakị tụḅọ inetẹ ori oku ḍuko wasama kọkọrọ ḅẹ?

Kịẹn-aḅịḅị 10:2

Maa seleḅa ọdụ tẹmẹẹ; ị̀ amana kẹ ḅakụ-ḅakụ arị kọrị ḅa; ị̀ arị ofuro-ofuro tẹ kẹ tomi ogbo mẹ kobiri ḅa, pịkị kẹ kobiri mẹ kan ḅa.

Kịẹn-aḅịḅị 10:3

In maaịn mamgba ofuro sakị ofuro sakị, tomi ogbo mẹmgba ịna ḅụụ kobiri tẹ mẹnjịị, kobiri Akpụrụ-warị mẹ sọarị ḅọkọ mẹ ḅụ ị́ ḍọkụma-ḅo ḅa,

Jọsụwa 10:20

Jọsụwa na, Izirẹlị ḅẹ owiapụ ma na gburo-gburo lama ḅara mẹ kẹ ịn ḅaa nwenii ini ọfịn pakama fama tẹ, tẹ ịna aḅụụ boowa kọn apụ ma tẹ ini ọmụ gotẹ nama kụrọma wararị opu ama ma ḅio sọ-mu apụ ma sọ-mu tẹso,