Jerimaya 4:31 - FỊAFỊA BAỊBỤLỤ

³¹ Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 4:31 Iomraidhean Croise

Suku-saakị 27:46

Anịtẹso Ribeka nwẹnị Ayịzịkị ḅẹẹ, “Itayịti ḅẹ ereme ma gotẹ ì ḍumo mẹ ịnyọ kẹ ị̀ tama tẹ. Jekọbụ nwẹnị mịna Itayịti ḅẹ ereme ma sime ọkụ sime Itayịti ḅẹ ẹrẹḅọ, ama mẹ ḅẹ gbọrụḅọ sime kụma, ì ḍumo mẹ tọ iḅi ḅara sime ị̀ pịrị ḅẹ?”

Jobu 10:1

“Ị̀ ḍumo ịnyọ kẹ ị̀ tama tẹẹ! Kiki ofori ḅara à nwẹn kẹ ì ḍuko-sụaye mẹ ḍuko ḅa; ị̀ tẹmẹ akụ mẹ ḅụ àrị ẹkwẹn ḅa.

Devidi-Anume 120:5

Ọmịnị ogboku sime tẹ anga mẹ, si Mẹsẹkị ḅio anga na gbasịm, anịanịa Keda ḅẹ apụ ogboku anga.

Ayịzaya 1:15

“Ọ́ ḅara saakị so da tẹ tẹkẹ ḅarị sakị arị ó ḍiki ḅịa. Ọ́ tẹkẹ mu laa ḅara laa ḅara sọ, à poki ḅịa, kẹ gotẹ ọkọ ḍukoarị, ọmbie ọmịna aḅara ọmbịma fama wararị.

Ayịzaya 13:8

Inimgba tẹmẹ-naịn-naịn tẹ akụye ịn nẹngịma ḅa, iyiarị ẹrẹḅọ da-da akụye kịkaye. Ịn jụmọ-jụmọ tọrụ ḅio ḍiki ḅa, ḅalafa ḅụ, tẹ ịna atọrụ ḅịya ḅa ḅụụ-jịrị ḅụ.

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Ayịzaya 26:17

Ị́yẹrị, KỊNỊNYANAḄỌ, mịẹtẹ wa owu pakam, anie iyi la tẹ ẹrẹḅọ akụye ḅụ owu pakama ḅara.

Ayịzaya 42:14

Tamụnọ mẹẹ: Kpọma alatẹ sakị à nwẹn kẹ gbọsime tẹẹ; àrị ị̀ atomi ḅịḅị ọkị-a. Kụma à ye mịẹ ḅẹ sakị ḅo tẹẹ; àrị iyi la tẹ ẹrẹḅọ kịka tẹ oloku pakamarị.

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Jerimaya 10:19

Jeruselemu ḅẹ apụ ma nwẹnị owu pakama, “Anị kpọma wamịna ḅụ fụka tẹ ḅara ḍikii! Wamịna ịnọ ma ḅịya ḅịa. Wa sịnm miemẹ wa inetẹ inema alama ḅẹ ye!

Jerimaya 13:21

Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 14:18

À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.

Jerimaya 15:18

Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 22:23

Ọ́ gbala-ḅọrọ Lẹbanọnị asida ma ogboku ḅo aị ḅara kẹ ye-ḅụụ-la-a ḅara kẹ ịnyọsara simearị, kụma anị kpọma sịḅị-jịrịmaye sọ ọ́ pịrị ḅa ḅo ọ́ la ḅarị akụ ye ḅụ, anị iyiarị ẹrẹḅọ daarị akụye kịka ḅa.

Jerimaya 30:6

Mịọkụ daasịẹ tẹ kuromaa! Owiḅọ inetẹ tụḅọ iyi pakama-ḅo ḅẹ? Tiye ẹrẹsị arị owiḅọ goḅọ-goḅọ ẹrịarị ori amịna aḅara kẹ ò furo gbana wararị iyi la tẹ ẹrẹḅọ ọkụ? Tiye ẹrẹsị ḅẹḅọ-ḅẹḅọ bosolo wararị?

Jerimaya 45:2

mịnẹ KỊNỊNYANAḄỌ Izirẹlịapụ tẹkẹarị Tamụnọ ḅe ḅẹẹ tẹẹ, “Baruku,

Jerimaya 48:41

tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Jerimaya 49:22

Ini na fịya-a apụ ma owu kẹ ịn paka ḅarị ḅara gbala igo pamba finji sara tẹ fiin ideri-ḅo ḅara. Anị eneḅaka ḅụ Idọmụ ḅẹ ọmụapụ ma ḅalafa ḅarị ḅara iyi la tẹ ẹrẹḅọ ọkụ.”

Jerimaya 49:24

Damasịkọsị ḅẹ apụ ma ịn kụrọ-a, tẹ ịn mangị tẹẹ opu ḅalafa ḅụ. Ini akụye na ḅioḅẹngbọ-si na ḅio emi, iyi la tẹ ẹrẹḅọ ọkụ.

Jerimaya 50:43

Babịlonịya ḅẹ amadaḅọ ịba mẹ naarị, tẹ ori angagbasa kpịlasaịma koro-sime wararị. Akụ ye ḅo ọ̀ la tẹẹ, ḅo iyi laa tẹ ẹrẹḅọ la-la akụye ọkụ.

Jerimaya 6:2

Kpọma-ḅẹlẹmarị Jeruselemu mẹ anị iḅi wararị, kụma ini anị kan guluguluma ḅa;

Kururu Owu-apọkọ 1:17

Zayọnị árị aḅara sụn-pakamam, kụma á dedema ḅẹ gbọrụḅọ-sọ ofori KỊNỊNYANAḄỌ ḅe Jekọbụ na tụḅụrụ ḅara kẹ tọn tẹ, mịnẹ ori na kpeki tẹ angarị apụ ori ọmụapụ sọọ Jeruselemu ḅo ịna ogbo-ḅio muno-muno-muno ye sọ tẹẹ.

Kururu Owu-apọkọ 1:20

Yei KỊNỊNYANAḄỌ, ḍikii, gbala à ḅụụ-ḅalaḅala ḅụ emi ẹrẹsị ị̀ tẹmẹ sule owu kọn-arị apụ ogbo-ḅio emi ì ḅioḅẹngbọ ị̀ ḅụụ ḅio ḅụ inwima tẹ, gbala à sịḅị-kụrọma lama tẹ ẹrẹsị. Etela-ogbo ḅụ okologie mẹ mịnapụ ma ḅaarị, warị mẹ ḅio anị nwẹnị gbala fị kịka.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Hosiya 13:13

Izirẹlị ḍumo ḅẹ sakị nyana wararị, kụma oḅori-sọ ḅụra mịẹ tẹ arị inetẹ anị kẹ ye mịẹ-a — gbala iyi pakama-ḅo ḅẹ-yearị tụḅọ tẹ ḅarị paka-ḅo ḍụkụ-a ye furo ḅio ḅụ.

Mayịka 4:10

Yei kpọma-ḅẹlẹmarị Jeruselemu, iyiarị ẹrẹḅọ fangala tẹ iningi ḅara kẹ fangala tẹ iningii; gbala mịọkụ ị́ ama mẹ koroma so tẹ mu ama mẹ akaka ḅụ sime ḅa ẹrẹsị; í so Babịlọnị mu ḅa. Anịjụ mie ini ị́ ḍụa ḅọrọma ḅarịye, anịjụ mie KỊNỊNYANAḄỌ ḅe ị́ na fịya-a apụ ma ḅara ḅụ ị́ pakịrị ọkị ḅarịye.

Mayịka 4:9

Í tiegotẹ mịọkụ peema-peema oloku-oloku owuarị? Ị́ ḅarị amadaḅọ nyana-a? Nimi ẹkwẹn kọn í tolumarị apụ ma fịị fa tẹ ẹrẹsị, ị́ iyiarị ẹrẹḅọ iyi akụ da ḅara kẹ tọrụsiẹrị aro?

Mayịka 7:1

Yei, ḅẹrẹ ị̀ la tẹẹ! À kịkarị ḅo anie, ḅuru-pọkọtarị ḅọ tẹ fịye-soku sakị ḅụ ịn sịnmgbọlụ kaịn fama tẹ gberie-sọ ẹrị-a ḅọ. Girepu-asịnmgbọlụ mamgba na, Figi-asịnmgbọlụ mamgba na gberie-sọ ḅarị ofori.

Matiyo 21:5

“Ḍuko kpọma-ḅẹlẹmarị Jeruselemu ḅẹ apụ ma pịrịị, Ḍikii, ọmịna amadaḅọ ọ́ ḍọkụma-ḅoarị! Ori ḅe anie ḅụụ-iderima ḅọọ, tẹ ò yedogi-nama ọgọnọ kpọlị tẹ ḅoarị, pịkị kala yedogi-nama ọgọnọ, asambịrịma ye ḅe.”

1 Kọrịntị 9:16

À kụrọ nyana-a à kẹ ḅụụ boma, arị Iḅi Oku mẹ ḍukoarị ye mẹ kịngẹ gotẹ. Anị sime-ḅara ḅụ, ịn tọn ị̀ pịrị ye mie à mịẹarị ye. Àrị Iḅi Oku mẹ ḍuko-a kụma à tẹkẹlẹ tẹẹ!

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.