Jerimaya 4:30 - FỊAFỊA BAỊBỤLỤ

³⁰ Jeruselemu, ị́ ḅọrọma ḅẹ ọkụ ḅarị ofori! Í tiegotẹ yela pọkọsụaye ḅiri tẹ ye kẹ ị́ atọrụngbọ ḅọrọma? Ị́ papaa ị́ ḅụụ mịẹ iḅimarị ḍiki-tọrụ ḅụ! Ị́ ḅẹlẹmapụ ma ị́ sịkị tẹ ị́ ḅaa ḅẹ ḍọkịarị.

Jerimaya 4:30 Iomraidhean Croise

2 Amadapụ 9:30

Jehu ḅo Jẹzirili la tẹso, Jezibẹlị nwẹnị ori ḅẹ ḅo mẹ naa tẹ á ḅụụ ḅirima tẹ ye kẹ á tọrụngbọ suku ọmbị tẹ á sịḅị-ḅẹ-inume tẹlẹma, tẹ ikiḅa-ḅọkọ ḅụ toluma ḍiki.

Egberima-Ẹkwẹn 6:25

Ḍụkụ tẹ ḍiki-tọrụ ḅụ ịna iḅi mẹ í toluma fama ma; ḍụkụ tẹ ịn tọrụngbọ-tọrụngbọ kẹ ị́ da-mu ḍiein ḅio suu ma.

Egberima-Ẹkwẹn 7:10

Anie ḅụ á nwẹnị ori na bịama; ama-mẹnjị-ẹrẹḅọ ḅara mie á kẹ ye-ḅiri yee, tẹ á mịẹ ḅẹ ye kẹ ḅiokoromarị.

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Ayịzaya 20:6

Anị sakị mẹ ḅụ, Filisiteni ḅẹ tọrụ akaka ḅụ angarị apụ ḅẹẹ ḅa, “Wa ḅụụ ḅụ sịrẹrẹm mịnẹ Asiriya tomikiri mẹ daarị opuḅọ ḅe kụrọ ḅụ ịn wa gbaịn ḅọrọma nwẹn ḅẹẹ ye mẹ paka ye ḅara ḍikii! Ndẹẹ wa inetẹ fịị-a sọ ḅẹ ḅara.”

Ayịzaya 33:14

Zayọnị ḅẹ si-mịẹapụ ma tẹmẹ-naịn-naịn ḅụ oju-sẹkịarị. Ini mẹẹ, “Tamụnọ ḅẹrẹkọn kịkarị ye kọrị gbamasoarị fịnị. Wamịna ḅụ ọkọ kịka kọrị-fịnị ḅio sọ tẹ inetẹ fịị-a tẹ paka-ḅo ḅẹ ḅọ tụḅọ?”

Jerimaya 13:21

Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 22:23

Ọ́ gbala-ḅọrọ Lẹbanọnị asida ma ogboku ḅo aị ḅara kẹ ye-ḅụụ-la-a ḅara kẹ ịnyọsara simearị, kụma anị kpọma sịḅị-jịrịmaye sọ ọ́ pịrị ḅa ḅo ọ́ la ḅarị akụ ye ḅụ, anị iyiarị ẹrẹḅọ daarị akụye kịka ḅa.

Jerimaya 30:14

Ọmịna ḅẹlẹmapụ mamgba ọ́ kẹ ḅioḅọrọma tẹ; ịn ḅarị jen kẹ ó gboloma ye kẹ ye-sịn-a. À si kẹ ọ́ tọn ḅọ ḅara kẹ owu kẹ ọ́ pakam; ọ́ da fomu-ḅara mẹ kụrọ ḅakam ọmịna asi ḅakam ẹrẹsị ọmịna si-sịḅịḅio sọ ḍụḅam.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Kururu Owu-apọkọ 1:19

Àrị ị̀ na ḅẹlẹma sime apụ ma lam, kụma in oḅori kẹ ị̀ sịnm; ị̀ agbamịẹapụ na ì omongiapụ na, opu ama mẹ ḅio fịị gulugulu famam kẹ mịẹ tẹ ini ịnyọ nyana ḅụ, ini ịn fị ḅẹ fịye ḍọkịarị ogbo.

Kururu Owu-apọkọ 1:2

Ḍin ḅụ árị akụ ḅara kẹ tẹmẹ-la owu kọnm, owu aminji á tọrụ ḅụ puu-puu saram. Á ḅẹlẹma apụ mamgba ogbo-ḅio ḅụ, gbọrụḅọ-sọ kọn tẹ á dedema-a; árị ikiapụ mamgba oḅori kẹ á sịn ḅara kẹ árị na mịẹ tẹẹ; ịn ḅo árị na fịya-a apụ sọ tẹẹ.

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Izikẹlị 28:13

Ideni, Tamụnọ Ḍụọ mẹ ḅio ị́ angam, tẹ yela-aị goyegoye ḅirim: awụ tọrụ sụa aị na, damịnị na, tọpazị na, bẹrịlị na, kanẹlịyanị na, jasịpa na; safahasị na, ẹmịralidisi na, ganẹtisi na. Í golu ḅiriaị nyanam. Ịn ị́ tẹmẹ ene ḅụ ini arị mịẹ ị́ pịrịm.

Izikẹlị 28:9

In ḅo ị́ ḅaa ḅarị sakị mẹ sọ ị́ paa ọkị ḅẹ mịnẹ tamụnọọ? Ị́ tọrụ kẹ ị́ ḅaa ḅẹ apụ ma na dama-dama sakị ị́ fịị-fịị tomḅọ sọ ḅa, ḅọkọ-ḅọkọ mamgba ḅụ ị́ tamụnọ ḅara sime ḅịa.

Obadaya 1:7

Ị́ jụ ḅẹ apụ ma oḅori kẹ ị́ sịn tẹẹ; ini í bebe amakiri mẹ ḅụ í dee-siin tẹẹ. Ị́nịna ḅẹrẹ ofori ḅara sime apụ ma owu kiri ị́ nẹngịma tẹẹ; Ị́nịna fị gboloma-gboloma ikiapụ ma ḍiein tuu ị́ pịrị tẹẹ, kụma í nimi-a; Ini ị́ kẹ fiearị, “Ori opu ye-nimi mẹmgba ndẹẹ anị?” Mie KỊNỊNYANAḄỌ ḅe ḅẹẹ yee:

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Mịẹfinji 17:13

Mịna oyi apụ mamgba gbọrụ ye mie ịn mịẹ ḅẹ tẹ ịna ḅioḅẹngbọ simearị ye, tẹ ịn nwẹnị ịna opu na kụrọ na kẹ kịnị-ḅaaḅa opu nama ḅe pịrịarị.

Mịẹfinji 17:2

Tomikiri ḅẹ asịẹ ma ḅẹ amadapụ ma, arị na, ama-mẹnjị-ẹrẹḅọ na kọn, kọn si mẹnjị kọnm, tẹ tomikiri ḅẹ atomi ma pịkị arị ama-mẹnjị si mẹ ḅẹ iru ḅuu tọrụ-ḅaamam.”

Mịẹfinji 17:4

Ẹrẹḅọ ma sọ awụ tọrụ sụa ḅiriye ḅiri wararị, tẹ á pịkị golu na, ye la aḍụḅarị na, palị nwẹn-sịn aị na, ḅiri ḅụlụ-ḅụlụ wararị. Árị á ḅara ḅụ golu bọlị ọlọm, tẹ anị ḅio ḅụ ḍiki na-iḅi-a, ịlọlị aị na, arị ama-mẹnjị amịẹaị ḅụ ḅo aị na sikima jen ofori.