Jerimaya 4:29 - FỊAFỊA BAỊBỤLỤ

²⁹ Asụ na iboli na ọmụapụ ma yoko-yokoarị ye mẹ ḅụ ḅẹḅọ-ḅẹḅọ mangị-soarị. Japụ mangị opu piri-ḅio mu ḅa, osi-apụ kpọlị iwo ḅa ịkụ ma ogboku ḅụ. Ama goyegoye ḅụ gbọrụḅọ-sọ kirikọn ḅịa, tẹ gbọrụḅọ-sọ ḅarị jen kẹ arị ḅio anga ḅịa.

Jerimaya 4:29 Iomraidhean Croise

2 Paka-aị 33:11

Anị ẹrẹsị KỊNỊNYANAḄỌ ḅe nwẹnị Asiriya ḅẹ amadaḅọ ḅe ọmụ-ogbo mẹ ḅẹ ḅẹrẹtọn-apụ ma kẹ ḅo in la, ịn nwẹnị inji-ḅaa-arị kẹ Manasẹ kpara, tẹ ojo ikoli kẹ ọ̀ sụa tẹ ọ̀ kẹ Babịlọnị ḅo.

Ayịzaya 30:17

Ọmịna ḅụ ḅẹ kịnị maa ẹndẹ oyia asi finji ọmịnị na fịya-a apụ ma ḅẹ gbọrụ ọmụḅọ ẹrị tẹ mangị fa ḅa, tẹ sọnọ ọmụapụ ngẹrị ḅo tẹ, mịẹ tẹ ọmịna atomi mamgba mangị fa ḅa. Ọmịna ọmụ-ogbo ḅụ gberie-sọ kiri kọn ḅịa, tụndụ ọgọnọ-jụ ngẹrị pike wararị arụ pike ḅịtẹ sịn sikima.

Ayịzaya 6:12

À tomi ma kẹ ala-lamatẹ yọ fịrịma ḅa tẹ mịẹ tẹ amakiri mẹ papaa koro-sime ḅa.

Jerimaya 16:16

KỊNỊNYANAḄỌ ḅe mẹẹ, “À tọnwa inji-ḅaapụ kẹ fịrịmarị in ḅo mịna atomi ma kun. Anịtẹso à tọnwa piri-deeapụ kẹ fịrịma ḅa, tẹ in mu ịn ḍọkị-ḍọkị tẹ in kun ḅa tụndụ goyegoye na gele-akiri goyegoye na ḍọkị ideri koro ḅụ, pịkị ịkụ ma ḅụ ḅẹ afukuru ma ḅio.

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 52:7

ịn nwẹnị opu ama mẹ ḅẹ onu ma kan tolu. Karakaraye Babịlonịya ḅẹ apụ ma opu ama mẹ ikelema-korom sọ, ọmụ apụ mamgba mangị-so famam ḍin ḅụ. Ama-da warị mẹ akaka mẹ ḅẹ etela mẹ ḅụ mie ịn ḅọrọ-so yee, tẹ nwẹnị onu mẹ ḅẹ maa apakịrị gboloma ḅọkọ mẹ ḅụ ḅọrọ, tẹ mangị Jodanị akaka ḅẹ lẹsẹrẹ-kiri mẹ da-mu.

Jerimaya 6:23

Ini ịna iboli ma na okologie ma na saakị tẹẹ; ini anie guda-guda apụ, ini ọkụrụkụrụ nyana-a. Ịna asụ aḅụọ fiearị ḅara ḍụrụkụarị abajị ọkụ, ini asụ ma kpọlị tẹ ḅọrọarị sakị. Ịn tẹlẹma wararị ọmụ kẹ kpọma-ḅẹlẹmarị Jeruselemu paka.”

Emọsị 9:1

À KỊNỊNYANAḄỌ ḅe ẹrịm ori agbamịẹ-anga mẹ akaka sịẹ wararị. Ọ́ nwẹnị kụrọ pịrị, “Kụrọma Tamụnọ warị mẹ ḅẹ ḅeriye ma ọgọnọ-jụ ḅakụ tẹ bebe mẹnjị ḅọrọ sọ mu tarị ḅio mẹ jike. Arị kan-siin tẹ arị ḅịkị tomi ma asịḅị ọgọnọ sara. À kirikọn apụ ma ḅaa ḅa ọmụ ḅio ḅụ. Mangị-so ḅẹ gbọrụḅọ-sọ ofori; gbọrụḅọ-sọ pụkọ-so ḅịa.

Luku 23:30

Ḅo ọkọ la sakị tomi tụndụ ma sịn ḅa, ‘Ọ́ paịn wa ponomaa!’ ịn pịkị tụndụ ma ḅẹẹ ḅa ‘Ọ́ wa ḅọị!’

1 Samụẹlị 13:6

Izirẹlịapụ ma in kpasị tẹ ẹrị tẹso, (kẹ gotẹ ọkọ ḅẹẹarị, in mịẹ ḅẹ ọkụ ḅarị ofori) tomi ma nwẹnị fukuru na, olulu na, ịkụ na, ịḅụkụ na, suḅe na ḅio ịna aḅụụ ḅọị,