Jerimaya 4:28 - FỊAFỊA BAỊBỤLỤ

²⁸ Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 4:28 Iomraidhean Croise

Ayịzaya 24:4

Kiri mẹ samụnọ-kpakịkị tẹ anị ḅụ so-paka aị kpatụarị; ịnyọ bebe tomikiri mẹ ḅụ faarị; kiri mẹ na So-tọrụ mẹ na, ma maaịn ma, si tọrọkọ, tọrọkọ muarị.

Ayịzaya 34:4

Ịrụa mẹ na, akalụ mẹ na, lolia ma na kọrị sara tẹ fọọn sọ ḅa. So-tọrụ mẹ kịnị ḅarị ẹrị ḅịa, anị abịlala kịka tẹ iko iwo ḅa, tẹ lolia ma ḅịkị koro ḅa, gbala ịnyịnya kụrọ sịn, anịanịa figi sịn, ḅụ siin-sara ḅara.

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Ayịzaya 50:3

Àrị inetẹ mịẹ tẹ So-tọrụ mẹ kanakana ḅa, gbala kịnị fịị apụ ḍuuarị ye ọkụ.

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 14:2

Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 23:20

tẹ anị fie pẹlẹ ḅịa nwenii ò ḅiotọn-arị ọ̀ mịẹ ḅa nwẹn ḅẹẹ ye goyegoye mịẹ fama ḅa. Ḅo ḅarị ene ma ḅụ ori atomi giregire ḅara kẹ miemẹ fiearị ye naa ḅa.”

Jerimaya 30:24

KỊNỊNYANAḄỌ ḅe owi ịganị mẹ ọḅụ da ḅịa nwenii ò ḅin tẹ ḅara kẹ ò ḅioḅẹngbọ ọ̀ tọn wẹrị aị ma mịẹ fama ḅa. Tọrọkọ-jụ ḅo ḅarị ene ma ḅụ anie ó mie fiearị ye naa ḅarịye.

Jerimaya 51:12

In kẹ owu kẹ Babịlọnị onu ma paka ḅẹ elekima kẹ ịn ḍiee. Ama-koru anga mẹ mịẹ kụrọmaa! Anga-anga ḅụ, ye-yọ mẹ ḍikiḍiki ḅẹ ọmụapụ koromaa. Pịkị owiapụ kẹ ḅọị ini ọmụapụ ẹbị!” KỊNỊNYANAḄỌ ḅe ḍukom ọ̀ kẹ Babịlonịya mịẹ ḅẹ ye mẹ ọ̀ mịẹ tẹ.

Jerimaya 7:16

KỊNỊNYANAḄỌ ḅe ḅẹẹm, “Jerimaya, tẹkẹ mịna atomi ma pịrị ma. In gotẹ owu ma pịkị tẹkẹ ma; ịna iḅi gotẹ ị́ na ẹkwẹnma, kẹ gotẹ ọkọ ḍukoarị, àrị í poki ḅịa.

Kururu Owu-apọkọ 2:17

KỊNỊNYANAḄỌ ḅe ọ̀ mịẹ ḅẹ tọn ye mẹ mịẹ tẹẹ, ori ẹrẹma ye mẹ ọ̀ mịẹ tẹ; ọ̀ wẹrịtẹ ala tẹ sakị ḅụ tọn kuroma ḅara, ori ọkụrụkụrụ nyana-a ḅara kẹ kan-sara tẹ; ọ̀ mịẹ tẹ kịnị-na-fịya-a ḅọ ḅe í gotẹ ḍerekum, tẹ ị́ ọmụḅọ ḅe kụrọ saakị-gelemam.

Izikẹlị 24:14

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn tẹẹ. À ye mịẹ ḅẹ sakị mẹ ḅo laa tẹẹ. Àrị ọmịna asi ma kẹ ẹrị-a mị ḅịa, anịanịa ḍiki-tọrụ-kụrụkụrụ ḍie anịanịa ọkụrụkụrụ nyana. Ó fomu-ḅara da ḅa ọ́ mịẹ tẹ ye ẹrẹsị.” Tẹịn ḅẹrẹtọn kụrọ nyana KỊNỊNYANAḄỌ ḅe ẹkwẹn tẹẹ.

Hosiya 13:14

Ma tomi ma àrị ịn ḅọrọma ḅịa ḍuḅu ḅio ḅụ, anịanịa ịn pụkọ-pakamaḅo fị kụrọ ḅụ. Fị, ị́ ama-fama obi ma kẹ ḅoo! Ḍuḅu, í guluguluma mẹ kẹ ḅoo! À ḅarị jen kẹ sịḅị-kụrụkụrụ nyana mịna tomi ma pịrị ḅịa.

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Jowẹlị 1:10

Ḍụọ-akiri ma gulugulu tẹẹ, kiri mẹ ḅarị fịaị pakama-a; anịẹrẹsị mgbọlị-fịye ḅarị ofori. Ịwọ iru fa tẹẹ, Pulo sọ fa tẹẹ.

Zẹkaraya 8:14

Kụrọmamgba nyana KỊNỊNYANAḄỌ ḅe ḅẹẹarị, “Ọmịna elemu aḍapụ ma ị̀ ịganịma sakị, à tọn pẹlẹ tẹ opu ḅụụ-fụka kẹ ịn pịrịm tẹ àrị ì kuroma ḍima-a, kụma à tọn ḅara mie à mịẹ ḅara.

Kịẹn-aḅịḅị 23:19

Tamụnọ anie tomḅọ-a, mịnẹ ori iruo na-iḅim, anịanịa tomḅọ iyi tụḅọ, mịnẹ ọ̀ ḅịḅị ḍima na-iḅim, Jene ò ye ḍuko tẹ amụ anị mịẹ-a? Anịanịa, ò ye ẹkwẹn tẹ ori anị mịẹ ḅinma ḅịa?

Matiyo 27:45

Anị ḅo eneḅaka ogbo la sakị, kanakana ḅo bebe ama mẹ gbaịn tẹ, sonio aso ọkị mu esenia aso la anị nwẹn kẹ ọkọ simem.

Makị 15:33

Anị ḅo eneḅaka ogbo la sakị kanakana ḅo bebe ama mẹ gbaịn tẹ ọkọ sime nwenii ḅo tẹra awa lam.

Luku 23:44

Ḅo ene-ogbo la sakị ịrụa ḅarị ḅịya-a, tẹ kanakana bebe Judiya mẹ gbaịn nwenii tẹra so lam,

Ẹfisọsị 1:11

Ye mamgba Tamụnọ tọn-pẹlẹ ḅara mie arị mịẹarị, tẹ ori Tamụnọ ḅe nwẹnị wa sẹlẹ-ọkị, mịnẹ wa ori atomi sọọ, Kịrayịsị na gbọrụ ḅụ sime ḅụ, anie ọ̀ tọn wẹrị ḅara mẹ ẹrẹsị, sukuyọ-saakị ḅụ tọn-pẹlẹ ye mẹ ḅụ.

Ẹfisọsị 1:9

Tamụnọ nwẹnị ò ḅioḅẹngbọ sime tẹ ọ̀ mịẹ ḅẹ ye mẹ mịẹ, tẹ nwẹnị ọ̀ mịẹ ḅẹ tẹ tọn wẹrị tẹ ḅọị sime ye mẹ, tẹ ọ̀ Kịrayịsị ḅụ ḅọrọ tẹ kọrị busunuma ḅẹ ye mẹ kẹ wa ḍie.

Hiburu 7:21

Kụma Jizọsị ḅo agbamịẹḅọ sọ sakị, Tamụnọ karịm, “KỊNỊNYANAḄỌ ḅe karị tẹ à pịkị ì kuroma ḍima ḅịa: ‘Ị́ agbamịẹḅọ sọ gbamaso ḅa.’ ”

Mịẹfinji 6:12

Tẹ à nwẹnị ẹrị Anana Tụḅọ ḅe sonio karama ye-oḅoloye mẹ kpẹngbẹ finjim. Kiri nwẹnị kpọma jike, tẹ ịrụa mẹ ḅo kurukuru tẹ sọ ḅintẹ ono ḅịtẹ kịka, tẹ akalụ mẹ nwẹnị gbọrsịḅị ḅịya ḅo ọmbie tọrụ sụa.

1 Samụẹlị 15:29

Anịsakị Izirẹlị ḅẹ Ebube ḅe sọ iruo anịanịa ḅioḅẹngbọ ḍima ḅịa, kẹ gotẹ ọkọ ḅẹẹarị, ori tomḅọ tẹ amịna ḅioḅẹngbọ ḍimarị ḅọ-a.”