Jerimaya 4:27 - FỊAFỊA BAỊBỤLỤ

²⁷ KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 4:27 Iomraidhean Croise

2 Paka-aị 36:21

kẹ KỊNỊNYANAḄỌ ḅe Jerimaya ḅịḅị ḅụ kọn ẹkwẹn mẹ mịẹ ḅinma, “Anị fatẹ ḅara simearị tẹ ene mamgba anị Ịnyọsara-Ene kokoarị, nwenii ama mẹ anị ḅẹ ịnyọsara kụra atesi oyi finji (70) ma karamam.”

Nehimaya 9:31

Anịsọ í gburo-gburotẹ ọkụrụkụrụ ḅụ, ị́ ịn ḅa fama-a anịanịa ịn sịkị-a. Gbala ị́yẹrị anie ḍiki-ḅụụjịrị na ọkụrụkụrụ na Tamụnọ ẹrẹsị.”

Ayịzaya 17:6

“Boowa kala apụ kịngẹ mie fịị-a so ḅarịye, tẹ Izirẹlị ḅo olivu sịn kịka ḅa, anie ini olivu mgbọlụ mamgba kaịn tẹ maaịn anịanịa tẹrẹị kịngẹ ọgọnọ-jụ ḅio kirikọn-ye, anịanịa boowa aị tẹ suku-jụ ḅẹ aḅara ma ḅụ ịn kaịn-a so aị. Yẹrị KỊNỊNYANAḄỌ, Izirẹlịapụ tẹkẹarị Tamụnọ ḅe ḍuko tẹ.”

Ayịzaya 24:1

KỊNỊNYANAḄỌ ḅe tomikiri mẹ sima fama tẹ gbọrụ tomḅọ sọ ofori ḅara kẹ anị kẹ gbin koroma ḅa. Ori anị kẹ pikiri, pikiri ḅara wẹrị tẹ anị ḅẹ atomi ma gala-galama ḅa.

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 25:11

Mị bebe amakiri mẹ si tẹ koro-sime ḅa, tẹ ḍiki-tọrụ ḅụ kpọma ḅụụ-gbiripuma ye sọ ḅa, tẹ anị na kpeki wararị asịẹ ma na nwẹnị kụra atesi oyi finji kẹ fịrịmẹnjị Babịlonịya ḅẹ amadaḅọ ḅe pịrị ḅa.

Jerimaya 30:11

Àrị ọ́ ḍọkụma-ḅo tẹ ọ́ ḅọrọma ḅa. Tomikiri ḅẹ asịẹ tẹ arị ọ́ gala-galama mu anga mamgba arị ịn ḅaa guluguluma ḅa, kụma arị ọ́ ḅaa guluguluma ḅịa. À mịẹ tẹ ó fomu-ḅara da ḅa; kụma arị ó fomu ḅẹ sakị, à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 4:20

Gbọrụ opu ḅụụ-fụka jen pono ḅoarị; bebe yọ mẹ kaan-sara simearị. Ḅiotọn-a ḅara ḅụ ịn wamịna akpụrụ-awarị ma kaan-guluguluma tẹẹ; kẹ kiki-pẹlẹ-aḅịtẹ ma sọ ịn kanị-sara tẹẹ.

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 44:6

Mie ḅụ arị ị̀ ịganị na ì owi-ịganị na ọsụma Juda ḅẹ ama ma na Jeruselemu ḅẹ etela ogbo ma na ọgọnọ sara tẹ fịnị kẹ arị ḅụ sụam. Arị kan-sara sime tẹ sịḅị-kanakanama ye sọ ḍiki apụ pịrịm, ḅo mịmgba la sọ arị simearị ḅara mẹ.

Jerimaya 46:28

Àrị ọ́ ḍọkụma-ḅo tẹ ọ́ ḅọrọma ḅa. À sịẹ-sịẹ mamgba guluguluma ḅa, àrị ọ́ gala-gala mu tẹ ayọ ma, kụma ọmịnị rẹ arị ó guluguluma ḅịa. À fomu-ḅara kẹ ọ́ pịrị-a ḅara kẹ ọ́ wẹrịso tẹ ó so ḅịa, kụma àrị ó fomu ḅẹ sakị à fomu na-iḅi ḅara kẹ ó fomu ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 5:10

Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Jerimaya 5:18

KỊNỊNYANAḄỌ ḅe mẹẹ, “Arị ene ma ḅụ kịngẹ sọ à gbọrsịḅị ị̀ atomi ḅaa guluguluma fama ḅịa.

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Izikẹlị 11:13

Àrị ịkịan mẹ koroarị ogbo, Pẹlataya wẹrẹwẹrẹ sara tẹ fịịm. À nwẹnị ị̀ ḅụụ sẹma-kiri-gbin tẹ iḅo tẹ oloku, “Ẹn-ẹn, Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ ḅọrọ Izirẹlị ḅụ kirikọnḅọ goḅọ-goḅọ ḅaa ḅẹ mụnọọ?”

Izikẹlị 20:17

“Kụma anịsọ àrị in ḍiki sịḅị-kụrụkụrụm. À tọn-pẹlẹm àrị ịn ḅaa ḅịa ịkpa mẹ ḅio.

Izikẹlị 33:28

À bebe amakiri mẹ mịẹ tẹ anị fa tẹ koro-sime ḅa, tẹ ịn kẹ ḅụụ-bomarị kụrọ mẹ ḅo kuno ḅa. Izirẹlị ḅẹ tụndụ ma kịnị la-laa piri sọ ḅarị ḅara ḅụ gbọrụḅọ-sọ inetẹ ye-muarị tẹ arị ḅụ mẹnjị-toluḅọrọ ḅịa.

Izikẹlị 6:14

Inn, àrị ì opu kụrọ kẹ ịna bebe amakiri mẹ guluguluma ḅa. Anị kẹ fa tẹ yọ sọma ḅa, abajị-suku da ịkpa mẹ ḅụ saakị mu Ribila opu ama mẹ la ọgọnọ-jụ mẹ ḅụ, Izirẹlịapụ angarị gbọrụ anga sọ kẹ tọrụ gbarịma-a ḅara. Anịtẹso ḅẹḅọ-ḅẹḅọ nimi ḅa nimi ḅa mịnẹ yẹrị anie KỊNỊNYANAḄỌ ḅe.”

Lẹvitikọsị 26:31

Anịsakị arị ọmịna opu ama ma kẹ gulugulu fatẹ ye ayọ ḅara wẹrị ḅa, tẹ ọmịna fịafịa ayọ ma mịẹtẹ arị faa ḅa, anịsakị ọmịna ḅụụ-ḅẹlẹma akụnụ ḅarị ḅo ì nini la ḅịa.

Lẹvitikọsị 26:44

Anịsọ, aniemẹ mgba ḅụ, ini ini na fịya-a apụ ama ḅụ emi sakị sọ, arị ịn sịkị ḅịa, ịn pịkị ì ḅioḅuma tẹ mịẹtẹ arị ịkatakirikọn-a-ḅara kẹ ịn ḅaa guluguluma tẹ arị ini na fị ọḅọkụ kan ḅịa; kẹ gotẹ ọkọ ḅẹẹarị, Yẹrị anie KỊNỊNYANAḄỌ ịna Tamụnọ ḅee;

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.