Jerimaya 4:24 - FỊAFỊA BAỊBỤLỤ

²⁴ À tụndụ ma ḍikim — arị jike simem, tẹ tụndụ ma nwẹnị yọngọ ama-ḅara na ere-ḅara na da.

Jerimaya 4:24 Iomraidhean Croise

1 Amadapụ 19:11

KỊNỊNYANAḄỌ ḅe nwẹnị ọ̀ ḅẹẹ, “Paka tụndụ mẹ ọgọnọ mu tẹ ị̀ tọrọkọ sịẹ, à mẹnjị-ḅọrọ ḅẹ-ḅiiarị.” KỊNỊNYANAḄỌ ḅe nwẹnị ḅo mẹnjị-ḅọrọ tẹ gburo-gburotẹ kụrọ fẹrụ nwẹnị tụndụ ma na ịkụ ma na kan pakịrị-pakịrị ḍiema KỊNỊNYANAḄỌ ḅe tọrọkọ — kụma KỊNỊNYANAḄỌ ḅe ori ofori fẹrụ mẹ ḅio. Kụrọ fẹrụ mẹ ḅọrọ tẹso, kiri mẹ nwẹnị jike tẹ puu — kụma KỊNỊNYANAḄỌ ḅe kiri mẹ jike tẹ puu mẹ ḅio ofori.

Devidi-Anume 18:7

Anịtẹso kiri mẹ gwẹ-gwẹ tẹ jikem; tụndụ ma suku-ḅio ma gwẹ-gwẹ tẹ jikem, Tamụnọ ịganịm ẹrẹsị.

Devidi-Anume 77:18

Í so-alagba mẹ ḍụrụkụ ye mẹ wasamam, tẹ so-ḅalapụ ye mẹ pịkị bele kẹ tomikiri mẹ pịrịm; tẹ kiri mẹ jịpụma sọ ḅẹ ḅara kẹ jikem.

Devidi-Anume 97:4

Ò so ḅalapụ-ḅalapụma tẹ kẹ tomikiri mẹ belemarị; kiri mẹ anị ẹrị tẹ jikearị.

Paka-so 19:18

Onwi nwẹnị bebe Sayịnayị Tụndụ mẹ gbaịn, gbala KỊNỊNYANAḄỌ ḅe fịnị ḅio ideri anị ọgọnọ ḅom ẹrẹsị; tẹ anị ḅụ soarị onwi mẹ nwẹnị gbala ikulele orumo ḅụ soarị onwi turee-tureema iwo ḅara iwo, tẹ bebe tụndụ mẹ nwẹnị ye sima ḅara kẹ jike.

Ayịzaya 13:13

Yẹrị Kụrọmamgba nyana KỊNỊNYANAḄỌ ḅe ịganị ḍie pakama ḅarị eneḅaka mẹ, à mịẹ tẹ So ma jike ḅa, tẹ Kiri mẹ jike nwenii tẹ amịna sime yọ ḅụ sikima ḅa.

Ayịzaya 24:20

Kiri mẹ ḅioju sọ pụmbụma-pụmbụma ḅara jike ḅa, iru ḅuu tọrụ-ḅaama wararị tomḅọ ọkụ, tẹ opu erise fẹrụ jikearị kala warị kịka ḅa. Tomikiri mẹ anị ḅẹ asi ma anị jịjịma ḅaarị; anị paịn-sara ḅa, tẹ gbala-gbala jen kẹ saakị ḅịa.

Ayịzaya 5:25

KỊNỊNYANAḄỌ ḅe ịganị ori atomi pịrịarị tẹ ọ̀ ḅara sụn pakama tẹ, kẹ in fomu, tụndụ ma jike ḅa, tẹ ḍụẹịn-ḍụẹịn-ḍụẹịn etela ma ḅụ sara-sime ḅa, fun sara ḅara. Anị nwẹnị ọkọ mịẹ tẹso, KỊNỊNYANAḄỌ ḅe ịganị kuno ḅịa, kụma ọ̀ ḅara paa sụn paka ḅa, kẹ in fomu.

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Izikẹlị 38:20

Inji na feni na goyegoye, nama goyegoye, opu ye ma kala ye na, tomikiri ḅụ ḍumo wararị tomḅọ goḅọ-goḅọ, oju sẹkị ḅa ì gotẹ ḅalafa ḅụ. Tụndụ ma ḅịkị ḅa, sịẹ-gele-gele wararị ịkụ ma paịn-sara ḅa, tẹ onu goyegoye ḅịkị ḅa.

Mayịka 1:4

Anịsakị tụndụ ma ò suku-ḅio ḅẹlẹkị fịnị ḅio sanị ḅara sanị sara ḅa, tẹ tụndụ ogboku ma gẹẹ ḅa, tẹ minji ọsụma tuma kiri ḅụ ideri ḅara kẹ tụndụ ogboku ma ḅụ ideri ḅa.

Habakọkụ 3:10

Tụndụ ma ị́ ẹrị sakị arị jikem; minji paịn-saram So-tọrụ ma ḅụ. Kiri suku-ḅio ḅẹ aminji ma ḍarịm, arịḅẹ ọnụngọ ma gele-faam.

Habakọkụ 3:6

Ọ̀ daasịẹarị sakị kiri jikearị; ọ̀ tọrụ pịkị sịẹ ma ḍiki kụma ini oju sẹkịarị. Sime gbamaso tụndụ ma puu-puu sararị; ḅụọ fa ḅụọ atụndụ ma kiri sọ faarị, ọ̀ mẹnjị-mẹnjị tụndụ ma, elemu sakị ḅụ.

Mịẹfinji 6:14

So-tọrụ mẹ nwẹnị abịlala tẹ ini ikoarị ye kịka tẹ iko so, tẹ ini tụndụ goyegoye na, sọọ goyegoye na, sime akiri ḅụ arị saakị sikimam.