Jerimaya 4:20 - FỊAFỊA BAỊBỤLỤ

²⁰ Gbọrụ opu ḅụụ-fụka jen pono ḅoarị; bebe yọ mẹ kaan-sara simearị. Ḅiotọn-a ḅara ḅụ ịn wamịna akpụrụ-awarị ma kaan-guluguluma tẹẹ; kẹ kiki-pẹlẹ-aḅịtẹ ma sọ ịn kanị-sara tẹẹ.

Jerimaya 4:20 Iomraidhean Croise

Devidi-Anume 42:7

mu owolo mẹ suku-ḅio la tẹ tọrụ mẹ wọlọgịarị, pẹlẹ-pẹlẹ sararị minji ma ḍụrụkụarị ḅara mẹ ḅụ ị́ ọnụngọ ma ḍarị-ḍarị ḅo ị̀ gbaịn-arị.

Devidi-Anume 72:19

Ọmịnị ori ebube ẹrẹ mẹ tokini mu ḅẹẹ-sakị ḅẹẹ-sakị la! Yee ori ebube bebe tomikiri mẹ ḅin. Amẹnị! Amẹnị!

Paka-so 33:5

Gbala KỊNỊNYANAḄỌ ḅe Mozizi ḅẹẹ tẹ, “Izirẹlịapụ ma ḅẹẹ, ‘Ọmịnị anie kọngọ kụrọtẹ atomi; arị ọmịna ogbo-ḅio ọmịnị na boowa kala sakị kẹ mu kụma arị ọ́ ḅaa fama ḅa. Anie ḅụ mịọkụ ọmịnị ọmịna oju ọmịna ḅiriaị ma sin, mịẹtẹ arị à kẹ ọmịnị na mịẹ ḅarị ḅara nimi ḅarị ḅara.’ ”

Ayịzaya 13:6

Akụye ḅụ olokuu! KỊNỊNYANAḄỌ ḅe eneḅaka ḅo kpeki tẹ, KỊNỊNYANAḄỌ ḅe ye guluguluma ḅẹ ene mẹ.

Ayịzaya 15:5

Ị̀ ḅioḅẹngbọ owu pakama Mohabụ pịrịarị. Tomi ma mangị-so Zoha ama mu tẹ, pịkị Sẹlisiya ḅẹ Egilati na. Japụ owu-owu tẹ etela mẹ kpọlị iwo Luhiti muarị; jen-apụ pụkọ-pakaḅo Horona-imu muarị, owu-owu pakama ḅụ.

Ayịzaya 33:20

Zayọnị ama mẹ ḍiki, wa Tamụnọ alalị fịarị opu ama mẹ! Jeruselemu mẹ ḍiki! Gberie sọ anị ḅio anga ḅarị apụ la ḅịa ḅara ḍiki! Anị kịka ḅarịye akpụrụ-warị tẹ siin so jen yọ mu-mu-a ye, anị ḅẹ adolịa ma so-soa, anị ḅẹ aḍigi ma gbala-gbala pẹlẹ-pẹlẹ-a.

Ayịzaya 47:9

Kụma tọrụ-gbaịn finji ḅụ, kpọkpọ gbọrụ ene ḅụ, ma maaịn mamgba paka ḅa. Í pile ḅarị agba mẹmgba ḅụ sọ, í di na ị́ awọmẹ na paa fịị ḅa.

Ayịzaya 54:2

Ị́ angarị akpụrụ-warị mẹ mịẹ ḍụḅama anị la ḅara nẹngị; anị ḅẹ aḍigi ma nangwọma tẹ dọlịa ma ḅakụ kụrọmaa.

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 4:21

À nwẹn ḍụrụkụarị ọmụ mẹ ẹrị mu tọ-sakị la ḅẹ, pịkị fie-siin-fiearị ọdụ poki mẹ naa?

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 9:18

Tomi ma mẹẹ, “Ḍuko ịn pịrị tẹ ịn fọnya gbọrụ ḍụẹịn owu nume-su wa pịrị, nwenii tẹ owu minji wamịna atọrụngbọ ḅio ḅin tẹ wamịna atọrụngbọ gbaịn apara ma pisi fama owu ḅụ.”

Kururu Owu-apọkọ 3:47

Bẹkẹ tẹmẹ-naịn-naịn na, ọkpaị-na-okuro-na, sima na, guluguluma na ḅo wamịna ọgọnọ gbanam.

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Lẹvitikọsị 26:18

“Miemẹ ḅụ sọ ọmịnị ì poki ḍụkụ ḅịa ḅẹḅẹ, anịrẹ à pịkị sin miemẹ ḅe sọnọma akiri kẹ ó fomu ḅa ọmịna asi ma gotẹ.

Lẹvitikọsị 26:21

“Anịtẹso ọmịnị ị̀ na tụḅụrụ ḅara mẹnjị tẹ ì poki ḍụkụ ḅịa ḅẹḅẹ, à ja tọnwa fomu-ḅara, ọmịna asi ma ḅin la ḅara ḅẹ sọnọma akiri ọkị-ḅo ọ́ pịrị ḅa.

Lẹvitikọsị 26:24

anịrẹ yẹrị sọ ọmịnị na tụḅụrụ ḅara mẹnjị ḅa, tẹ yẹrị ḅarana ọmịna asi ma gotẹ arịḅẹ sọnọma akiri kẹ ó fomu ḅaa ḅa.

Lẹvitikọsị 26:28

anịrẹ owi ịganị ḅụ arị ọmịnị na tụḅụrụ ḅara mẹnjị ḅa, tẹ ọmịna asi gotẹ ḅarana arịḅẹ sọnọma akiri kẹ ó fomu ḅa.

Habakọkụ 3:7

Àrị ẹrịm Kusani ḅẹ apụ ḅalafaam tẹ Midiya ḅẹ apụ oju sẹkịm.

Kịẹn-aḅịḅị 16:21

“Mị tomina-ogbo mẹ ḅụ ọmịnị ọmịna aḅụụ sikima ḅelemaa, mịẹtẹ gbọrụ sakị kịngẹ ḅụ àrị ịn ḅaa guluguluma ḅarị ḅara.”

Kịẹn-aḅịḅị 16:45

“Mị tomina-ogbo ogbo-ḅio ó sikimaa, mịẹtẹ gbọrụ sakị kịngẹ ḅụ arị ịn ḅaa guluguluma ḅarị ḅara.” Ini maa apụ ma nwẹnị ịna atọrụ-kuḅu kẹ ḅịkị kiri koro.

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

2 Tẹsalonịka 1:9

Ịn la ḅarị fomu-ḅara anie fịị-faa gbamaso, tẹ KỊNỊNYANAḄỌ ḅe tọrọkọ na ori opu ebube kụrọ mẹ na ḅụ ini in sikima ḅa,