Jerimaya 4:2 - FỊAFỊA BAỊBỤLỤ

² anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Jerimaya 4:2 Iomraidhean Croise

Suku-saakị 22:18

tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

1 Amadapụ 3:6

Sọlọmọnị nwẹnị pakịrị, “Ị́ sakị mamgba gburo-gburotẹ ḅẹlẹma nyanatẹ kẹ ị́ fịrịmẹnjịḅọ ị̀ ḍa Devidi pịrịm, anịsakị ori sọ pịkị ị́yẹrị na ori na gboloma ḅụ iḅi ḅara na, ḅẹlẹma na, minini na, kịnị-inoma-a, furu-a pịkị iruo-a ḅara kẹ ị́nịna simem. Ị́yẹrị sọ pịkị sịkọpẹlẹ-a ḅara kẹ sakị mamgba í gburo-gburotẹ ḅẹlẹma nyana ọ̀ pịrịm, gbọrụ owiḅọtụḅọ kẹ ọ̀ pịrị tẹ mịmgbaa ḅụ ori ò kiri ḅụ ḅẹrẹtọn-arị.

Devidi-Anume 72:17

Yee gbala-gbala kịnị amadaḅọ ḅe ẹrẹ kẹ ḅioḅọrọma ma; yee ori ereso mu ịrụa ḅịya mu la ene, la ene la. Yee sịẹ-sịẹ mamgba ò tokini, yee ịn Tamụnọ ḅẹ ori in boma tẹ yee in ḅii, mịnẹ amadaḅọ ḅe ḅioḅẹlẹ.

Devidi-Anume 99:4

Opu kụrọ nyana Amadaḅọ, í kuraye ḅẹlẹmarị; ị́ tọn kuroma tẹ Izirẹlị ḅụ jụmọ-jụmọ inoma paka ma; ị́ karakara mịẹ na kuraye mịẹ na oloko tọn wa pịrị tẹẹ.

Ayịzaya 45:23

À minini kịnị pịrị ye mẹ karakaram tẹ anị ḍima ḅịa. Yẹrị sime-ḅara ḅụ à mininiarị tẹmẹ-la ḅara ḅụ: Ḅẹḅọ-ḅẹḅọ ḅo tẹ ị̀ tọrọkọ kparakị ḅa tẹ ye karị ḅa mịnẹ mḅọ amadaḅọ kụn kẹ ị̀ pịrị ḅa.

Ayịzaya 45:25

Yẹrị, KỊNỊNYANAḄỌ ḅe, Jekọbụ furo-ḅẹ-apụ mamgba pụkọ-pakamaḅo, tẹ ini ì tokini ḅa.

Ayịzaya 65:16

Ḅẹḅọ-ḅẹḅọ tẹ amakiri mẹ ḅụ emi tẹ boma ḅiiarị ḅọ, mḅọ ḅioḅẹngbọ-kẹ-sịrẹrẹ-niḅi Tamụnọ ḅe ḅara ḅụ ḅii. Ye karịarị ḅọ goḅọ-goḅọ, mḅọ ḅioḅẹngbọ-kẹ-sịrẹrẹ-niḅi Tamụnọ ḅe ẹrẹ ḅụ karịị. Ḅọrọtẹ sakị mẹ ḅẹ ḅụụ-fụka ma ḅọrọ tẹ ḅioḅọrọmatẹ aị sọ ḅa.”

Jerimaya 10:10

Kụma ị́yẹrị KỊNỊNYANAḄỌ, anie karakara Tamụnọ ḅee, anie ḍumo wararị Tamụnọ ḅee pịkị sime gbamaso amadaḅọ ḅee. Ị́ ịganịarị sakị tomikiri mẹ jikearị; tomikiri ḅẹ asịẹ ma inetẹ ị́ ịganị mẹ da alama ḅịa.

Jerimaya 12:15

Àrị ini ọkị so tẹ sọ àrị ọkụrụkụrụ nyana ịn pịrị ḅa; à sịẹ goyegoye kẹ pịkị-ḅo ịna ḅara-kuḅu ḅẹ amakiri lama ḅa, pịkị anị sime-sime yọ na.

Jerimaya 12:16

Ịn nwẹnị ịna ḅioḅẹngbọ mẹmgba kẹ ị̀ atomi Tamụnọ-nimi ḅara mẹ ọkị, tẹ in ye karị ḅẹ sakị ḅẹẹ ḅa, ‘KỊNỊNYANAḄỌ ḅe ḍumo wararị ogbo’ anie gbọrụ sakị ḅụ ini ị̀ atomi toluma tẹ in Balị ḅụ karị-karị ḅara mẹ — anị sakị rẹ mie ini ị̀ atomi ma ḅẹ apụ sọ ḅarịye, tẹ pịkị lolo ḅa.

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 33:9

Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Jerimaya 5:2

Ọmịnị ọkịarị ó sunsin KỊNỊNYANAḄỌ ḅe pịrịarị sọ, ó ḍukoarị ye na ó fiearị ye na gberie-a.

Jerimaya 7:5

Ọmịnị ó ḍumo kọn-arị ḅara ḍimaa, pịkị ọ́ mịẹarị aị ma dasịẹmaa. Ọmịnị inoma ofori ḅara kẹ Jụmọ-jụmọ na mị.

Jerimaya 9:24

Gbọrụḅọ nwẹnị ḅụụ-boma ḅarị ḅẹḅẹ, yee mḅọ ḅụụ-boma mịnẹ mḅọ ì nimi tẹ à fie ye naarị, gbala ị̀ ḅẹlẹma kuno-kuno-a ẹrẹsị, tẹ à pịkị inoma ofori ye na kuraye na mịẹarị. Mịna aị ma mie ì ḅio ḅẹlẹmarị. Yẹrị, KỊNỊNYANAḄỌ ḅe ọkọ ḅẹẹm.”

Hosiya 2:19

Izirẹlị, àrị ị́ kẹ ị̀ ta mịẹ ḅa. À karakara na ḅioḅẹngbọ-kẹ-sịrẹrẹ-niḅi ḅara na sime ḅa. À kuno-kuno-a ḅẹlẹma na ọkụrụkụrụ na nyana ị́ pịrị ḅa, tẹ í sime ị̀ pịrị mu ḅẹẹ-sakị ḅẹẹ-sakị la ḅa.

Jowẹlị 2:12

KỊNỊNYANAḄỌ ḅe ḅẹẹm, “Kụma mịọkụ mẹ ḅụ sọ ọ́ tẹmẹ-la ḅara kẹ si ḅụ pịkị tẹ pịkịma ị̀ ḍọkụma-ḅoo; ó ḅuru-ịmọ tẹ owuu, pịkị kururuu.”

Zẹkaraya 8:8

tẹ àrị ịn kẹ pịkịma-ḅo ḅa ịrụa-saakịarị-anga mẹ ḅụ na anị tuuideriarị pakịrị mẹ ḅụ na tẹ in Jeruselemu ḅụ anga ḅa. Ini ị̀ atomi sọ ḅa, yẹrị ịna Tamụnọ sọ ḅa, nwẹnị ḅioḅẹngbọ-kẹ-sịrẹrẹ-niḅi ḅara na inoma ofori ḅara na kẹ ḅẹrẹtọn ịn pịrị.”

Malakayị 1:11

Tomikiri mẹ ḅẹ gbọrụ ịkọlị ḅụ ọkị mu osi ịkọlị la tomi ị̀ kụn-arị. Anga-anga ḅụ ịn kụnụaị dọkịma ị̀ pịrị tẹ kẹ agba mịẹ-mịẹ ị̀ pịrịarị. Inimgba ị̀ kụn-arị!

1 Kọrịntị 1:31

Miemẹ ẹrẹsị, Fịafịa Ḍiri mẹ ḅẹẹm, “Ḅụụ-boma ḅẹ ḅọ sime, sime, mḅọ KỊNỊNYANAḄỌ ḅe kọrịnama mẹ kịngẹ gotẹ.”

2 Kọrịntị 10:17

Kụma Fịafịa Ḍiri mẹ ḅẹẹarị ḅara ḅụ, “Ḅụụ-boma ḅẹ ḅọ goḅọ-goḅọ, mḅọ KỊNỊNYANAḄỌ ḅe kọrị tẹ kọrịnama mẹ gboloma ye ḅẹ ḅụụ bomaa.”

Galesiya 3:8

Fịafịa Ḍiri mẹ tọrọkọ tarị ḍuko wẹrị tẹ, mịnẹ minini ḅụ mie Tamụnọ ḅọrọ tẹ ja asịẹ ḅẹ apụ ma kẹ ọ̀ ḅụụ kura ḅara wẹrị ḅarịye. Tẹ mie ḅụ Fịafịa Ḍiri mẹ nwẹnị Iḅi Oku mẹ ḍuko Ebira-amụ pịrị: “Tamụnọ ị́ ḅụụ ḅọrọ tẹ tomikiri ḅẹ atomi mamgba boma ḅa.”

Ditẹrọnọmị 10:20

Ọ́ KỊNỊNYANAḄỌ ọmịna Tamụnọ ḅe ḍiki ḅalafa ḅa, ọ́ fịrịmẹnjị ọ̀ pịrị tẹ ọ̀ fịnama ḅa anịsakị ori ẹrẹ ḅụ mie ọ́ ḅụụ pikima ḅarịye.

Ditẹrọnọmị 4:30

Ọ́ ḅụụ-fụka ḅio sọ, tẹ mịna aị ma kunoma ene ma ḅụ ḅo ọmịna ọgọnọ gbana sakị, ọ́ pịkịma KỊNỊNYANAḄỌ ọmịna Tamụnọ ḅe ḍọkụma-ḅo tẹ ọ̀ pọkọ poki ḅa,

Ditẹrọnọmị 6:13

Ọ́ KỊNỊNYANAḄỌ ọmịna Tamụnọ ḅe mangịma ḅa; ọ́ fịrịmẹnjị ọ̀ pịrị ḅa, tẹ ori ẹrẹ ngẹrị ḅụ ḅụụ-pikima ḅa.

Filipayị 3:3

Wamịnị ma rẹ anie karakaramatẹ tarị-ḅụụ sin tẹ apụ, inia, kẹ gotẹ ọkọ ḍukoarị, wamịnị wa Tẹmẹ ḅe ḅụ ḅọrọ tẹ sunsin Tamụnọ pịrịarị, tẹ wa Kịrayịsị Jizọsị na gbọrụ ḅụ sime tẹ kọn-arị ḍumo mẹ ḅẹ ḅioḅẹlẹ kọn-arị. Wa ọgọnọ, ọgọnọ tomi ẹrị ḅẹ amịẹaị kẹ ḅiokpọma-a.

Rufu 3:13

Mị ḍin mẹ kẹ sime ene ḅaa, tẹ dede-ḅio ọ̀ nwẹnị ḅụụ-palị-mịnaḅọ ye mẹ mịẹ ị́ pịrị-pịrị, iḅim, yee ori anị mịẹ; kụma ọ̀ nwẹnị ḅụụ-palị-mịnaḅọ kiri mẹ mịẹ ị́ pịrị ḅẹ-ḅii-a ḅẹḅẹ, à ḍumo sime wararị KỊNỊNYANAḄỌ ḅe ẹrẹ kẹ karịm, à ḅụụ-palị-mịnaḅọ kiri mẹ mịẹ ị́ pịrị ḅa. Ḅọlọlọ sime nwenii anị ḅo dede-ḅio mẹ la.”

1 Samụẹlị 20:3

Kụma Devidi nwẹnị pakịrị, “Ị́ ḍa nimi lama wararị mịnẹ arị ị́ tọrụ ḅụ ḍiki-ḅụụjịrị nyana wararị; tẹ ọ̀ sịn-arị, ‘Yee Jonatanị miemẹ nimi ma, anieofori ò ḅofa ḅioḅu.’ Kụma karakaraye ḍuko ḅụ, KỊNỊNYANAḄỌ ḅe ḍumo-sime wararị, tẹ ị́ tẹmẹ sọ ḍumo-sime wararị ogbo, yẹrị na fịị na ogboku gbọrụ mẹnjị-ḅụọ kịngẹ anie simearị ye.”