Jerimaya 4:19 - FỊAFỊA BAỊBỤLỤ

¹⁹ Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 4:19 Iomraidhean Croise

Suku-saakị 49:6

Ịn ḅọị anga kọn-arị ẹkwẹn ma ḅụ à ḅịḅị suu ḅịa, Ịna kobiri sọ à mu ḅịa, Ịna ịganị ḅụ ịn kịnị ḅaam ẹrẹsị, Tẹ ịna tii tọrụ-ḅẹlẹ ḅụ nambulo aḅụọ pẹlẹ-siinm.

2 Amadapụ 4:19

Ọ̀ nwẹnị bẹkẹma oloku, “yei, ị̀ sịḅị ye, ị̀ sịḅị ye!” Ḍaḅọ ḅe nwẹnị ọ̀ fịrịmẹnjịḅọ ḅẹẹ, “Ò dogi-mu ori iyingi pịrịị.”

2 Amadapụ 8:11

Anịtẹso Ịlayịsa nwẹnị Azẹlị tọrụ-ḅio ḍiki nwenii tẹ ọ̀ nwẹnị ḅụụ-jịrị. Tamụnọ tomḅọ ḅe nwẹnị owu.

Devidi-Anume 103:1

Ị̀ tẹmẹ, KỊNỊNYANAḄỌ ḅe tokinii! Ì bebe ḍumo mamgba, ọ̀ fịafịa ẹrẹ mẹ tokinii!

Devidi-Anume 116:7

Ì ḅioḅẹngbọ, ḅiokpọ nyana-a, KỊNỊNYANAḄỌ ḅe iḅi ḅara kẹ ị̀ na mịẹ tẹ ẹrẹsị.

Devidi-Anume 119:136

Owu-minji ị̀ tọrụkuḅu sararị, tọrụ ọgọnọ ḅẹ minji pẹlẹ-pẹlẹ sara ḅara, kịnị í oloko mẹ poki tẹ mịẹ-a ẹrẹsị.

Devidi-Anume 119:53

Si-sịḅịḅio-sụa apụ ma í oloko kan-arị tẹ àrị ẹrị sakị, ịganị ị̀ ḅụụ ḅio sọ ḅin-arị.

Devidi-Anume 146:1

Ọ́ KỊNỊNYANAḄỌ ḅe tokinii! Ị̀ tẹmẹ KỊNỊNYANAḄỌ ḅe tokinii!

Devidi-Anume 16:2

À KỊNỊNYANAḄỌ ḅe ḅẹẹarị, “Ị́yẹrị ị̀ Nyanaḅọ; à nyana iḅi aị mamgba ị́ ḅara ḅom.”

Ayịzaya 15:5

Ị̀ ḅioḅẹngbọ owu pakama Mohabụ pịrịarị. Tomi ma mangị-so Zoha ama mu tẹ, pịkị Sẹlisiya ḅẹ Egilati na. Japụ owu-owu tẹ etela mẹ kpọlị iwo Luhiti muarị; jen-apụ pụkọ-pakaḅo Horona-imu muarị, owu-owu pakama ḅụ.

Ayịzaya 16:11

Mohabụ gotẹ arị iningiarị tẹ ḅioḅẹlẹ-a; à kururu Kiri Herisi pịrịarị.

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Ayịzaya 21:4

Ị̀ tọrụ-maarị, ḅalafa pịkị ì oju-sẹkịmarị. À ḅoḅiri-so ḅo ye ḍiki simem, kụma anị kẹ ḅo ye jen-a kụma tẹmẹ-naịn-naịn.

Ayịzaya 22:4

Mịọkụ ọ̀ wẹrịso tẹ arị ngẹrị sime tẹ tẹmẹ-akụ ḅara kẹ ị̀ atomi mamgba tẹ fịtẹ apụ owu. Ọmịnị ì dedema ma.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 23:9

Ì ḅioḅẹngbọ kọsị-sara tẹẹ, ì oju sẹkịarị. KỊNỊNYANAḄỌ ḅe gotẹ, Ọ̀ fịafịa ẹkwẹn ma gotẹ, Arị iru ḅuu tọrụ-ḅaamatẹ tomḅọ kịkarị, iru ḅuu ḅụlụ-ḅụlụmatẹ tomḅọ.

Jerimaya 4:21

À nwẹn ḍụrụkụarị ọmụ mẹ ẹrị mu tọ-sakị la ḅẹ, pịkị fie-siin-fiearị ọdụ poki mẹ naa?

Jerimaya 4:5

Ọdụ mẹ ofuro bebe amakiri mẹ ikelemaa! Gele-pọkọ kẹ giregirema olokuu! Ḍuko Juda na Jeruselemu na ḅẹ apụ ma pịrịị ịn mangị kụrọnị opu ama ma muu.

Jerimaya 42:14

tẹ ḅẹẹarị, ‘ẹn-ẹn, wa so Ijiputi ama mẹ mu ḅa, wa ọmụ ẹrị ḅịa anga, anịanịa ọdụ fiearị ye naa, anịanịa fịye gotẹ ḅuru pọkọ-tarị; anịsakị wa anịanga anga ḅa.’

Jerimaya 49:2

Kụma sakị mẹ ḅoarị, anie à mịẹ tẹ sịḅịda opu ama, Raba mẹ, ọmụ yeke-yeke naa ḅa, tẹ ini anị kan-sara tẹ so ḅa, tẹ anị ḅẹ kala-ama ma dọkịma kiri lama ḅa. Tẹ Izirẹlị ịna kiri ọkị apụ ma ḅara siin amịna kiri ọkị ḅa.

Jerimaya 50:22

Amakiri mẹ ḅụ ini ọmụ yeke-yeke naarị, tẹ opu guluguluma emi.

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Jerimaya 8:18

Ì kururuu, inetẹ gwọ ḅịa; Ḅioḅẹngbọ ḅụ àrị obiarị.

Jerimaya 8:21

Ì ḅioḅẹngbọ kan kọsị tẹẹ, ini ị̀ atomi kọsịma tẹẹ ẹrẹsị; à kururuarị, ì ḅioḅẹngbọ ḅịkị fama tẹẹ.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Kururu Owu-apọkọ 1:16

“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”

Kururu Owu-apọkọ 1:20

Yei KỊNỊNYANAḄỌ, ḍikii, gbala à ḅụụ-ḅalaḅala ḅụ emi ẹrẹsị ị̀ tẹmẹ sule owu kọn-arị apụ ogbo-ḅio emi ì ḅioḅẹngbọ ị̀ ḅụụ ḅio ḅụ inwima tẹ, gbala à sịḅị-kụrọma lama tẹ ẹrẹsị. Etela-ogbo ḅụ okologie mẹ mịnapụ ma ḅaarị, warị mẹ ḅio anị nwẹnị gbala fị kịka.

Kururu Owu-apọkọ 2:11

Owu ḅụ ị̀ atọrụngbọ agụnkwọ ḅịya tẹ foin tẹẹ; ị̀ ḅala sịḅịḅio pikiri tẹ owuarị inweni-ogbo ḅio emi ḅioḅu ḅụ ì ḅioḅẹngbọ ḅịkị koro tẹ, ị̀ atomi ma ẹrẹḅọtụḅọ ma gulugulu mẹ ẹrẹsị, gbala ḍọkọḍọkọ-awọmẹ na, ndo-ndoarị awọmẹ na naịn-naịn-ḅọrarị opu ama mẹ ḅẹ etela-ogbo ḅụ.

Danẹlị 4:19

Miemẹ ḅụ, Danẹlị, ịn pịkị Bẹlịtisaza kẹ sịn ḅọ ḅe, ḅaka ḅara kẹ ḅụụ-buam tẹ inetẹ gberie-sọ ḍuko-a. Amadaḅọ ḅe nwẹnị ọ̀ ḅẹẹ, “Bẹlịtisaza, ḍụkụ tẹ ḍawọ mẹ na anị fiearị ye na ị̀ tẹmẹ-naịn-naịnma ma.” Bẹlịtisaza nwẹnị pakịrị, “Gburo-gburo Opuḅọ, mimgbe mị ḍawọ mẹ na anị fiearị ye na sime ị́nịna fịya-a apụ pịrị tẹẹ, kụma ị́yẹrị-a.

Danẹlị 7:15

Àrị ẹrị ịkịan ma kpọma ị̀ ḅalafama lamam, tẹ ị̀ ḅụụ-ḅalaḅala mu la jụ ḅakam.

Danẹlị 7:28

Mie ḍukoye mẹ kunoma mẹ. Ị̀ ḅalafa la ḅara mịẹ tẹ à bosolo ḅara simem, tẹ à ye goyegoye kẹ ị̀ ḅụụ ḅio wẹrịm.

Danẹlị 8:27

Tọnwa aḍin à nwẹn kẹ ḅioḅẹngbọ si tẹ obim. Anịtẹso à saakị tẹ amadaḅọ ḅe kẹ ị̀ pịrị fịrị mẹnjịm, kụma à paa ḅioḅẹngbọ fụka nyanam àrị inetẹ ịkịan mẹ fie ye nimi-a ẹrẹsị.

Emọsị 3:6

Gbọrụ opu ama ḅio ọmụ ọdụ fie kụma, tomi ma in ḅalafaa ḅịa? Opu ḅụụ-fụka ḅo la-la opu ama emi, KỊNỊNYANAḄỌ ḅe anị kẹ fịrịma sikima?

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.

Kịẹn-aḅịḅị 10:9

Ọmịnị ọmịna ama ḅio mu ọmịnị na fịya-a ọmụapụ tẹ ó ponomarị apụ ma na ọmụgbin ḅarị sakị mẹ ḅụ, ọ́ ḅẹrẹ paka tẹ ḅara mẹ kẹ ọdụ ma ofuro ḅa, mịẹtẹ KỊNỊNYANAḄỌ ọmịna Tamụnọ ḅe tọrọkọ ini ọ́ kẹ ḅiokoroma ḅarị ḅara, anịsakị ini ọmịnị na fịya-a apụ ma ḅara ḅio ọ́ ḅọrọma ḅa.

Romu 10:1

Ị̀ amịnapụ, arị ì ḅioḅẹngbọ mẹmgba kẹ ḅiiarị mịnẹ ị̀ ama ḅẹ apụ ma paa ḅọrọma. Arị ịn gotẹ kpọma tẹmẹ-la ḅara kẹ Tamụnọ tẹkẹarị.

1 Kọrịntị 14:8

Anịsakị ọdụ ofuro ḅọ giregirema ọmụapụ jike ḅẹ ḅara ofuro-a kụma, tụḅọ tẹlẹma ọmụ pịrị ḅẹ?

Galesiya 4:19

Ị̀ ḅụụ yela awọmẹ, gbala iyi laarị ẹrẹḅọ pembe ḅara, à pịkị siin iyi akụ ḅụ sọ tẹ, nwenii Kịrayịsị sime-ḅara ọmịna ḅụụ ḅio tọn sakị la ḅa.

Ḅẹrẹkọn-apụ 5:21

Kisiyọnị ofion-minji mẹ in ọfịn som; seri ḅoarị ofion-minji mẹ, Kisiyọnị ofion-minji mẹ. Mẹnjị muu, ị̀ tẹmẹẹ; kụrọ kẹ mẹnjị muu!