Jerimaya 4:17 - FỊAFỊA BAỊBỤLỤ

¹⁷ tẹ ịn Jeruselemu ikelema-koro ḅa, gbala tomi ḍụọ ḍiḅi kiri ẹbịarị ye ọkụ, anie árị atomi kọngọ-kụrọma KỊNỊNYANAḄỌ ḅe pịrị tẹẹ ẹrẹsị. KỊNỊNYANAḄỌ ḅe ọkọ ḅẹẹm.

Jerimaya 4:17 Iomraidhean Croise

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Nehimaya 9:30

Ị́ tọnwa kụra kẹ inoma fị in pịrịm, tẹ ị́ ịkịankoroapụ ḅụụ ḅụ ị́ Tẹmẹ kẹ fịrịmatẹ ịna ḅeri nụnụm. Anịsọ in poki-a. Anịẹrẹsị ị́ ịn kẹ ama ma ḅio ḅẹ atomi ma ḅara-ḅio sunm.

Ayịzaya 1:8

Kpọma-ḅẹlẹmarị Jeruselemu kịngẹ kọn tẹẹ, ama kan ọmụapụ ikelema-koro tẹ ama. Anị sime-ḅara gbala ḍụaye ofori tẹ papaa simearị kụrọ-ḍụọ-koruḅọ kala warị ọkụ, anịanịa kukumba nwẹn-sịn sịnmgbọlụ sụarị sịn ḅẹ ḍụọ ḅio nama koroma sịḅị-kikima-yọ.

Ayịzaya 30:9

Sakị mamgba ịn kọngọ kụrọma Tamụnọ pịrịarị, sakị mamgba ini iruoarị, sakị mamgba ịn ḍụkụ tẹ KỊNỊNYANAḄỌ ḅe toluma-aị ma poki-a.

Jerimaya 5:23

Kụma ọmịnị tomi! Ọ́ kọngọ kụrọma tẹ ḅio tọnye-tọnye mịẹarị. Ọ́ pịkị sikima tẹ ì koroma so tẹẹ.

Jerimaya 52:4

anịtẹso Nebukadineza nwẹnị ò bebe ọmụ-ogbo kẹ owu kẹ Jeruselemu paka ḅẹ ḅo, Zẹdẹkaya ama-da tẹ eseni karama kụra mẹ ḅẹ oyi karama akalụ mẹ ḅụ oyi karama ene mẹ ḅụ. Ịn nwẹnị in sime tẹ ọmụ mẹ gbin ḅẹ yọ nama onu mẹ ọḅụjụ ḅụ, pịkị in sime tẹ ama mẹ ọkị ḅẹ ayọ nama onu mẹ ikelema-koro,

Kururu Owu-apọkọ 1:18

KỊNỊNYANAḄỌ ḅe ọ̀ mịẹ kuramam, kẹ gotẹ ọkọ ḅẹẹarị, yẹrị ori ẹkwẹn-ḅịḅị na tụḅụrụm; kụma ọ́ naa, ọmịnị tomi-kụlọkụlọ mamgba, tẹ ị̀ ḅụụ-fụka mẹ ḍikii; ị̀ iriawọ na ị̀ asawọ na, kun-ḅara ḅụ so fama tẹẹ.

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Ditẹrọnọmị 9:24

Ene mẹ tẹ à saakị ọ́ nimi kụra-ḅio ọ́ sịḅị-kụrọma KỊNỊNYANAḄỌ ḅe pịrịarị.