Jerimaya 4:16 - FỊAFỊA BAỊBỤLỤ

¹⁶ In ḅo sịẹ-sịẹ ma ḅeri nụnụ tẹ ḍuko Jeruselemu pịrị ḅa mịnẹ kịnị na fịya-a apụ ala-lamatẹ yọ ḅụ sime tẹ ḅoarị. Mịna kịnị-na-fịya-a apụ ma oloku Juda ḅẹ opu ama mẹ da ḅa,

Jerimaya 4:16 Iomraidhean Croise

Ayịzaya 34:1

Tomikiri ḅẹ opu asịẹ ma ḅẹ apụ mamgba, ó ḅoo! Ó ḅo kobiri ikelema tẹ pokii. Yee bebe tomikiri mẹ na anị ḅio angarị apụ mamgba na mịanga ḅo tẹ poki.

Ayịzaya 39:3

Anịtẹso Ịkịankoro Ayịzaya nwẹnị Amadaḅọ ḅe dama-mu tẹ ò gbela, “Mịna tomi ma ịn tọ-anga sime tẹ ḅo, tẹ in tiye ḍuko ị́ pịrị?” Hẹzịkaya nwẹnị pakịrị, “Kpọma alatẹ ama ḅụ in sime tẹ ḅom, Babịlonịya ḅụ.”

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Jerimaya 39:1

Zẹdẹkaya Juda da tẹ eseni karama kụra mẹ ḅẹ oyi karama akalụ mẹ ḅụ anie Ama-da Nebukadineza, Babịlonịya ḅẹ amadaḅọ ḅe ò bebe ọmụ-ogbo na ḅo tẹ owu kẹ Jeruselemu paka ye.

Jerimaya 4:17

tẹ ịn Jeruselemu ikelema-koro ḅa, gbala tomi ḍụọ ḍiḅi kiri ẹbịarị ye ọkụ, anie árị atomi kọngọ-kụrọma KỊNỊNYANAḄỌ ḅe pịrị tẹẹ ẹrẹsị. KỊNỊNYANAḄỌ ḅe ọkọ ḅẹẹm.

Jerimaya 5:15

Izirẹlịapụ, KỊNỊNYANAḄỌ ḅe ala-lamatẹ anga ḅụ gbọrụ sịẹ kẹ owu kẹ ọ́ paka ḅẹ ḅoarị. Anie kpọma kụrọtẹ elemu sakị ḅẹ sịẹ, ọmịnị ịna ẹkwẹn-ḅịḅị nimi-a sịẹ.

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 50:2

Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!

Jerimaya 6:18

Mie ḅụ KỊNỊNYANAḄỌ ḅe ḅẹẹm, “Ọmịnị sịẹ-sịẹ ma, ó pokii, tẹ ì atomi ḅụ paka ḅẹ-yearị ye mẹ ḅụ ye ḍawọọ.

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Jerimaya 6:23

Ini ịna iboli ma na okologie ma na saakị tẹẹ; ini anie guda-guda apụ, ini ọkụrụkụrụ nyana-a. Ịna asụ aḅụọ fiearị ḅara ḍụrụkụarị abajị ọkụ, ini asụ ma kpọlị tẹ ḅọrọarị sakị. Ịn tẹlẹma wararị ọmụ kẹ kpọma-ḅẹlẹmarị Jeruselemu paka.”

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Izikẹlị 21:22

Mịọkụ! Ori ori ama-ḅara in ‘Jeruselemu’ ẹrẹ kẹẹ wararị ḍiein mẹ ọlọ wararị! Anị ḍuko ọ̀ pịrịarị ò mu onu jine gbin ḅẹ ejimina ma kẹ kirikiri ḅụ sịẹma wẹrị onu aḅọkọ ma ḅụ, ọmụ oloku kọn, pịkị lịka sarasara gelema, pịkị nkọrọ soku-soku sara.