Jerimaya 4:15 - FỊAFỊA BAỊBỤLỤ

¹⁵ Danị opu ama mẹ na Iferemu atụndụ ma na ḅụ oku-mẹnjịapụ si-oku mẹ ḍuko wasamarị.

Jerimaya 4:15 Iomraidhean Croise

Ayịzaya 52:7

Tụndụ ma saḅa-koro saḅa-koro tẹ iḅi-oku kẹ ḅo ḅọ ḅe ẹrị mẹ kpọma ḅụụ-buama ḅara ḍikii, ori iḅi-oku ọkị-ḅoarị, dein oku mẹ! Ori owu-ḅara-iḅi ḍuko wasama tẹ Zayọnị, ḅẹẹarị, “Ị́ Tamụnọ anie amadaḅọ!”

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jọsụwa 17:15

Jọsụwa nwẹnị ịn ḅẹẹ, “Ọmịnị ma nwẹnị kịẹnkịẹn-ọkụ-ofori atomi ḅẹḅẹ, ọmịnị iwo opu piri mẹ muu, tẹ anịjụ kiri pẹlẹ ọmịna aḅụụ pịrị Pẹrịzayịtị apụ ma na, Rẹfayimu ḅẹ apụ ma na ama ḅụ, Iferemu tụndụ ọgọnọ ḅẹ opu sịẹ mẹ ọmịna aḅụụ kpasị ḅakam ḅẹẹ-sakị.”

Jọsụwa 20:7

Anieḅụ ịn nwẹnị Nafutali tụndụ ọgọnọ ḅẹ opu sịẹ mẹ ḅio, Galili ḅụ Kẹdẹsị na, Iferemu tụndụ ọgọnọ ḅẹ opu sịẹ mẹ ḅio, Sẹkẹmụ na, Juda tụndụ ọgọnọ ḅẹ opu sịẹ mẹ ḅio, Kiriyati-aba (anie Hẹbụrọnị) na, sẹlẹ sikima.

Ḅẹrẹkọn-apụ 18:29

Ịn nwẹnị ịna atẹngịḅọ Danị ẹrẹ kẹ anị kuro, tẹ Danị kẹ ẹrẹ kẹ anị sịn, oriḅe tẹ Izirẹlị ḅụ ini iyi ḅọ ḅe; kụma tarị sakị ḅụ opu ama mẹ ẹrẹ anie Lahisi.

Ḅẹrẹkọn-apụ 20:1

Anịtẹso Izirẹlịapụ mamgba Danị ḅụ ọkị mu Biyasẹba la, Gilẹdị ḅẹ ama mẹ kẹ sụa, nwẹnị paka-ḅo, tẹ gbọrụ tomḅọ ḅara kẹ Mizipa ḅụ kobiri KỊNỊNYANAḄỌ ḅe pịrị.