Jerimaya 4:14 - FỊAFỊA BAỊBỤLỤ

¹⁴ Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Jerimaya 4:14 Iomraidhean Croise

Devidi-Anume 119:113

À ḅioḅẹngbọ mẹmgba kẹ sịḅị-tuu ị́ pịrị-a apụ ma ḍiki-ḅioḅuarị, kụma àrị í oloko ḅẹlẹmarị.

Devidi-Anume 51:2

Ì si mẹmgba sịkịrị siin tẹ mịẹ tẹ à fịafịa ì si ḅụ!

Devidi-Anume 66:18

Àrị à mịẹ asi ma kẹ ye-sịn-a namịna, KỊNỊNYANAḄỌ ḅe ori ì poki-a so tẹ.

Egberima-Ẹkwẹn 1:22

Oḅori-sọarị atomi! Tọ sakị na gbasị ye ọ́ nwẹn kẹ oḅori-sọ ḅẹ? Tọ sakị na gbasị ye ọ́ nwẹn kẹ ḍawọye ḍiki-iderima ḅụ ḍereku ḅẹ? Gbala-gbala ó minini tẹ ye ḍawọ ḅịa?

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Jerimaya 13:27

Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 17:1

KỊNỊNYANAḄỌ ḅe mẹẹ, “Juda ḅẹ apụ, ọmịna si mẹ ikulele ḍiri kẹẹ ye mie ịn kẹ anị kẹẹ yee; damịnị ḅịḅị nyana ye-kẹẹ-ye mie ịn kẹ anị kẹ ọmịna aḅioḅẹngbọ ḅụ kẹẹ ye, pịkị ọmịna agbamịẹ-anga ma ịkọlị ma ḅụ na.

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 2:22

Ị́ nwẹnị kụrọ-tẹịn ọsọn kẹ í oju sịkịrị sọ à paa ị́ ḅẹrẹ-ḅarasii mẹ ḅẹ elekima ẹrị ḅa.

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Izikẹlị 18:31

Ọmịnị ọ́ mịẹarị siye mẹmgba ḅụ ḅara-siin, tẹ ịwọ akuroma na ịwọ aḅioḅẹngbọ na nyana ọmịna aḅụụ pịrị. Ọmịnị Izirẹlịapụ, tiye ẹrẹsị ọ́ fịị ḅẹ-ḅiiarị?

Zẹkaraya 8:17

Ó ye kẹ jụmọ-jụmọ lama ḅẹ aḅọkọ ḅẹ ḅẹrẹ-ḅiya ma. Ó ye karị tẹrẹmẹ iruo witinẹsị sọ ma. Àrị iruoye ḍuko na, inoma na kụrọ-kụrọ mịẹ na ḍiki-ḅioḅuarị.”

Matiyo 12:33

“Í iḅi sịnmgbọlụ nyana ḅẹ-ḅiiarị ḅẹḅẹ, iḅi sịn ḍiḅi; í si sịn ḍiḅi ḅẹḅẹ, si sịnmgbọlụ mie ị́ nyana ḅarịye. Sịn sụarị mgbọlụ ḅụ mie tomi ḅọrọ tẹ anị lekiriarị ye.

Luku 11:39

Mie ḅụ KỊNỊNYANAḄỌ ḅe nwẹnị ọ̀ ḅẹẹ, “Mịọkụ ọmịnị Farịsiiapụ, ọmịna akọpụ ma na ẹfẹrẹ ma na ọḅụjụ mịẹ ọ́ kẹ ye sịn tẹ sịkịrị, sịkịrị ye, kụma ọmịna aḅụụ ḅio ḅụ ọ́ ḅụrụ kọsị wararị, kụrọ-kụrọ amịẹaị na, si na, ọmịna aḅụụ ḅio ḅin wararị!

Jọnị 13:9

Sayịmọnị Pita nwẹnị pakịrị, “KỊNỊNYANAḄỌ, ọkọ ḅẹḅẹ, ị̀ aḅụọ ngẹrị sịkịrị ma! Ị̀ aḅara na ị̀ sịḅị na sọ kẹ sụa sịkịrịị!”

Fịrịmẹnjịapụ 8:22

Ọkọẹrẹsị, í ḅiotọn-arị siye mẹ ḅụ pịkị, tẹ KỊNỊNYANAḄỌ ḅe tẹkẹ tẹ ori í kuromarị siye mẹ wẹrịso ị́ pịrị.

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

1 Kọrịntị 3:20

tẹ jen anga ḅụ Fịafịa Ḍiri mẹ pịkị ḅẹẹarị, “KỊNỊNYANAḄỌ ḅe nimi wararị mịnẹ nwẹn ḅẹẹ ye-nimi apụ ma akuroma mamgba gberie-sọ la-a.”

Jemụsị 4:8

Ó ḅo Tamụnọ kpekii, ori sọ ḅo ó kpeki ḅa. Si apụ, ọ́ ḅara sịkịrịị! Ọmịnị mịẹ tomi ḍie apụ, ọmịnị ọmịna aḅioḅẹngbọ wẹrị fịafịamaa!