Jerimaya 4:11 - FỊAFỊA BAỊBỤLỤ

¹¹ Sakị mẹ ḅoarị, anie in ḍuko Jeruselemu ḅụ ḅẹ apụ ma pịrị ḅarị sakị mẹ mịnẹ oju dọkịma ḅara kẹ ọfịrịarị fẹrụ ịkpa mẹ ḅio sime tẹ fiema ịn dama-ḅoarị. Anị mẹmẹ fẹrụ tẹ fun dogi-soarị ye ngẹrị sọ ḅịa;

Jerimaya 4:11 Iomraidhean Croise

Devidi-Anume 11:6

Ori ọgọnọ sime tẹ kọrịarị anyịmgbọ na ọpọlị kịkaye na kẹ si-sịḅịḅio-sụapụ ma fịrịmarị: oju dọkịmarị fẹrụ mie ọ̀ kẹ in fomuarị.

Ayịzaya 22:4

Mịọkụ ọ̀ wẹrịso tẹ arị ngẹrị sime tẹ tẹmẹ-akụ ḅara kẹ ị̀ atomi mamgba tẹ fịtẹ apụ owu. Ọmịnị ì dedema ma.

Ayịzaya 27:8

KỊNỊNYANAḄỌ ḅe fomu-ḅara kẹ ori atomi pịrịm, mịẹ tẹ ini in kun so ḅụ. Ịrụa mẹ saakịarị pakịrị anga mẹ ḅụ mie ò si kụrọ fẹrụ fịrịma ḅo ịn dogi-so ye.

Ayịzaya 41:16

Ị́ arị kẹ So-tọrụ wakị ḅa; fẹrụ mẹ arị kẹ fiin so ḅa, tẹ erise nwẹnị arị gala-galama ḅa. Anịtẹso í ḅioḅẹlẹ ḅa, yẹrị ị́ Tamụnọ ẹrẹsị; í ì tokini ḅa, yẹrị Izirẹlị tẹkẹarị Fịafịa Ḅọ ḅẹ.

Ayịzaya 64:6

Wamịnị-mgba si-mịẹapụ sọ tẹ, wa mịẹ tẹ kẹ iḅi tẹịn ye sịn-arị aị ma ḅụrụtẹ aị famam; wamịna asi ma ẹrẹsị wa ḅo samụnọtẹ ịnyịnya tẹ fẹrụ kẹ fiin soarị aị kịkarị.

Jerimaya 13:24

KỊNỊNYANAḄỌ ḅe kẹ ị́ gala-galama ḅarị ḅara ịkpa ḅio fẹrụ samụnọtẹ asịra gala-galama ḅara kịka ḅa.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 23:19

Ori ịganị mẹ anie erisee, opu ḅara fiearị fẹrụ tẹ fie mu si-sịḅịḅio-sụapụ ma asịḅị sara ḅa,

Jerimaya 4:12

KỊNỊNYANAḄỌ ḅe tọn ḅara kẹ ḅoarị fẹrụ mẹ kụrọ anie nẹngị ḅa! KỊNỊNYANAḄỌ ḅe ḅioju mị ḅẹrẹ-ḅarasii mẹ pẹlẹ ori atomi ọgọnọ gbanarị.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:7

Miemẹ gotẹ Kụrọmamgba nyana KỊNỊNYANAḄỌ ḅe mẹẹ, “Àrị ì atomi tẹlẹma ḅa, kiri ḅio soku pakama-ḅo ye la ye ọkụ tẹ ịn tọn-ḍiki ḅa. À pịkị tiye kẹ ini na mịẹ ḅẹ?

Kururu Owu-apọkọ 2:11

Owu ḅụ ị̀ atọrụngbọ agụnkwọ ḅịya tẹ foin tẹẹ; ị̀ ḅala sịḅịḅio pikiri tẹ owuarị inweni-ogbo ḅio emi ḅioḅu ḅụ ì ḅioḅẹngbọ ḅịkị koro tẹ, ị̀ atomi ma ẹrẹḅọtụḅọ ma gulugulu mẹ ẹrẹsị, gbala ḍọkọḍọkọ-awọmẹ na, ndo-ndoarị awọmẹ na naịn-naịn-ḅọrarị opu ama mẹ ḅẹ etela-ogbo ḅụ.

Kururu Owu-apọkọ 3:48

Ị̀ atomi ma ẹrẹḅọtụḅọ ma gotẹ, owu-minji nwẹnị ị̀ atọrụngbọ ḅụ tọrụkuḅu ḅẹ minji sara ḅara kẹ sara.

Kururu Owu-apọkọ 4:10

Ḍiki-ḅụụjịrị nyana kịnị pịrịarị ereme, ini ḅarana iyi awọmẹ kẹ ḅẹlẹ ḅio sụa sọọm ini ḅo ịna fịye sọm ị̀ atomi ma ẹrẹḅọtụḅọ ma fịị mẹ ḅụ.

Kururu Owu-apọkọ 4:3

Jakalị nwẹn-sịn obiri kịkarị piri-ḅio-ḅẹ nama ḅe sọ ndo pịrịarị, tẹ ndo kẹ ịna awọmẹ pịrịarị, kụma ị̀ atomi ma ẹrẹḅọtụḅọ ḅo guda-guda ḅara sime tẹẹ, ịkpa ḅio okpo ma sime-ḅara.

Kururu Owu-apọkọ 4:6

Gbala ị̀ atomi ma ẹrẹḅọtụḅọ ma fomu-ḅara mẹ ḍụḅa Sọdọmụ tẹ gbọrụ sakị ngẹrị ḅụ fa ye mẹ fomu-ḅara nẹngị tẹ ẹrẹsị, ḅara kẹ anị ọgọnọ gbana jụmọ ofori.

Izikẹlị 17:10

Inn, ini anị ḍiḅi tẹ, kụma anị ḍumo tẹ so-paka ḅẹ? Anị kpatụ ḅịa ịrụa saakịarị pakịrị anga ḅoarị fẹrụ fie anị sarama sakị? Anị so-pakarị yọ mẹ ḅụ anị sime tẹ kpatụ ḅịa?’ ”

Izikẹlị 19:12

Kụma ịganịarị aḅara kuno ma anị nụnụ pakama-ḅom tẹ anị kẹ kiri ọgọnọ gbin koromam. Okiringa fẹrụ ḅo anị ḅẹ mgbọlụ ma samụnọmam. Ini anị ḅẹ aḅara ma anyịma siinm arị samụnọ tẹ ịn dọkịmam.

Hosiya 13:15

Karakaraye Izirẹlị nwẹnị osuka berebere ḅara bereberearị sọ, àrị ịkpa mẹ ḅio ịrụa-saakịarị-anga ḅụ ọfịrịarị fẹrụ fịrịma mu tẹ ịna ngụngụḅa ma na suḅe ma na samụnọma ḅa. Anị yela ye goyegoye dogi-so ḅa, ịna ngọ-koko-aḅio ḅio.

Hosiya 13:3

Tẹ mie ḅụ arị atomi ma dede oḅuto kẹ ḅo kiri la wararị ye kịka tẹ kaan-so ḅa, igirigi tẹ dede-funfun ḅụ ịmaịn-faarị ye ọkụ. Ịn pẹlẹ sara tẹ fẹrụ kẹ fiin soarị asịra kịka ḅa, onwin sọma ye ḅụ paka-ḅoḅo tẹ wasamarị onwin ọkụ.

Hosiya 4:19

Fẹrụ fun fọnọ so ḅara mie ịn kẹ ịn fọnọ so ḅarị ḅara, tẹ ịna oru nimi apụ agba ma nwẹnị ịna aḅụụ jịrịma ḅa.

Habakọkụ 1:11

Anịtẹso ịn fẹrụ kịka tẹ fie ḅo la tẹ pịkị so tẹẹ, mịna atomi ma ịna kụrọ anie ịna tamụnọ.”

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Luku 3:17

Ori mbịaka gugu kana ọ̀ ḅara emi, ọ̀ kẹ ẹsịma tẹ mbịaka ma gugu tẹ kobiri fịye koko anga suu ḅa, kụma ò fun ma kẹ biin-biin-a fịnị ḅio dọkịma ḅa.”