Jerimaya 4:10 - FỊAFỊA BAỊBỤLỤ

¹⁰ Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”

Jerimaya 4:10 Iomraidhean Croise

Paka-so 5:22

Anịtẹso Mozizi nwẹnị sin pịkị KỊNỊNYANAḄỌ ḅe da, tẹ ḅẹẹ, “Yei KỊNỊNYANAḄỌ, í tiegotẹ ị̀ kẹ fịrịma?

Paka-so 9:14

Kẹ gotẹ ọkọ ḅẹẹarị, mị-dọkụ, ì si obi fomu-ḅara mamgba à kẹ ị́yẹrị na, ị́ afịrịmẹnjịapụ na, ị́ atomi na ọgọnọ gbana ḅa, mịẹtẹ ó nimi ḅa mịnẹ tomikiri mẹmgba ḅụ ị̀ kịka gbọrụḅọ-sọ ofori.

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Ayịzaya 37:35

À mịẹ ama mẹ ḍụa tẹ anị gbaịn ḅọrọma ḅa, ị̀ kụn na à minini ị̀ fịrịmẹnjịḅọ Devidi pịrị ye mẹ na ẹrẹsị.”

Ayịzaya 63:17

Tiye ẹrẹsị ị́ wa wẹrịso tẹ wa ị́ ḅụụ ḅụ iri-faa? Tiye ẹrẹsị ị́ wa mịẹ tẹ wa kọngọ-kụrọma nwenii tẹ wa ọḅụ pịkị ì gbin? Fịrịmẹnjị ị́ pịrịarị apụ ma sịḅị ẹrẹsị pịkị-ḅoo, sakị mamgba sime ị́ pịrị apụ ma gotẹ.

Jerimaya 1:6

À nwẹnị pakịrị, “Tẹịn-Ḅẹrẹtọn-Kụrọ-Nyana KỊNỊNYANAḄỌ, àrị ẹkwen-ẹkwẹn ḅara nimi-a; àrị asambịrịma ḅakam.”

Jerimaya 23:17

Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 32:17

“Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị So mẹ na Kiri mẹ na tẹmẹm í opu kụrọ ḅụ; ị́ ḅụụ ḅụụ-fụkama ḅaka gberie sọ ofori.

Jerimaya 4:18

Juda, í miemẹ ọkị-ḅo ị́ ọgọnọ gbanam, ị́ wẹrịtẹ ḍumo kọn ḅara na ị́ mịẹ tẹ aị na ḅụ. Í si mịẹ tọrụsiẹrị mẹ dogi-ḅom; anị gbala-ḅọrọ ogie sọ tẹ í ḅioḅẹngbọ temi tolu-ḅọrọtẹ.

Jerimaya 5:12

KỊNỊNYANAḄỌ atomi ma ò pịkị tẹ ḅẹẹ tẹẹ, “Karakaramatẹ ọ̀ mịẹ ḅẹ ye ofori. Wa kụrọ-kụrọ sakị nyana ḅịa. Wa ọmụ, anịanịa ḅuru-ḅa sakị nyana ḅịa”

Jerimaya 6:14

Ịn mịẹarị ḅara gbala ì atomi ma la aị ma papaa ọgọnọ-ọgọnọ ye oju-kiri gọrọrọ ye ọkụ. Ini mẹẹ, ‘Ye-mẹmgba iḅi wararị’, ye-mẹmgba iḅi-a ogbo ḅụ.

Jerimaya 8:11

Ịn mịẹarị ḅara gbala ị̀ atomi ma la aị ma papaa oju kiri ḅụ ọgọnọ-ọgọnọ gọrọrọ ye ọkụ. Ịn ḅẹẹarị, ‘Ye mamgba iḅi wararị’, ye mamgba iḅi-a sakị ḅụụ.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Izikẹlị 11:13

Àrị ịkịan mẹ koroarị ogbo, Pẹlataya wẹrẹwẹrẹ sara tẹ fịịm. À nwẹnị ị̀ ḅụụ sẹma-kiri-gbin tẹ iḅo tẹ oloku, “Ẹn-ẹn, Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ ḅọrọ Izirẹlị ḅụ kirikọnḅọ goḅọ-goḅọ ḅaa ḅẹ mụnọọ?”

Romu 1:24

Mie ḅụ Tamụnọ arị atomi ma ḍiki-tọrụsin sịḅị-ngụngụnma aị pịrị tẹ ini ịna aḅioḅẹngbọ sọlịma aị, sọlịma aị mịẹarị, tẹ ḅụụ-jịrịma amịẹaị anie ịn kẹ jụmọ-jụmọ na mịẹarị.

Romu 1:26

In miemẹ mịẹarị ẹrẹsị Tamụnọ ịn wẹrịso tẹ kẹ ḅụụ-jịrịma amịẹaị sọlịma pịrị tẹ. Ereme sọ mịẹ mịẹ-a ḅara kẹ ịna pembema ereme na gbolomarị.

Romu 1:28

Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.