Jerimaya 4:1 - FỊAFỊA BAỊBỤLỤ

¹ KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Jerimaya 4:1 Iomraidhean Croise

Suku-saakị 35:2

Mie ḅụ Jekọbụ ọ̀ warị-kpo na, inimgba tẹ ori na sime apụ mamgba ḅẹẹm, “Ọmịnị ọmịna ogbo-ḅio simearị igoni atamụnọ ma, tan nguma, tẹ ọmịna aḅụụ mịẹ fịafịamaa, tẹ ọmịna opu akapa ḍimaa;

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

2 Amadapụ 23:24

Anie sikima, Josaya Juda ḅẹ ama ḅio na, Jeruselemu na ḅụ ịn tọrụngbọ kẹ ẹrị fụḅara-ḍiki-ḅịrịapụ na, tẹmẹ sịn apụ na deem, tẹ warị wẹrịma ye ḅii-aị na, ḅara kẹ tẹmẹ oru na, tọn-tọn aị mamgba na tan siin famam, Hilikaya Sịḅịda-Agbamịẹḅọ ḅe KỊNỊNYANAḄỌ ḅe warị mẹ ḅio ḍọkị-ẹrị ḍiri mẹ ḅio kẹẹ wararị oloko mẹ ẹkwẹn-ḅịḅị ma ọ̀ wẹrịtẹ giregirema ḅẹẹ ḅara.

2 Paka-aị 15:8

Asa mịna ẹkwẹn-aḅịḅị ma anie Azaraya, Odẹdị owiḅọtụḅọ ḅe koro ịkịan mẹ naa tẹso, ọ̀ nwẹnị ḅiokpọ tẹ tọn-tọn oru ma tan-siin fama Juda na Benijamịnị na ama mamgba ḅụ, pịkị opu ama ma tẹ Iferemu tụndụ opu sịẹ mẹ ori ọkị tẹ ama ma na ḅụ, tẹ ọ̀ nwẹnị KỊNỊNYANAḄỌ ḅe agbamịẹ-anga mẹ tẹ Tamụnọ-warị ḅẹ mẹnjị-toluḅọrọ-anga mẹ tọrọkọ simearị ye mẹ tẹlẹma.

2 Paka-aị 33:8

“anị sakị à ḅarị jen-maaịn kẹ Izirẹlị ḅụọ saakị siin ḅịa anị ama mẹ tẹ à tọn tẹ kẹ ọmịna aḍapụ ma pịrị tẹ ama mẹ, ini ma paa ḅụụ ẹbị tẹ à Mozizi ḅụụ ḅọrọtẹ tọn kẹ in pịrị aị mamgba mịẹ, tẹ oloko mẹmgba na, kẹẹ wararị oloko ma na, kụrọ-ḅara ḅụ sime apụ sụa oloko ma na kokom ḅẹḅẹ.”

2 Paka-aị 34:33

Josaya nwẹnị ye-yọ mẹmgba tẹ sime Izirẹlịapụ pịrị anga mẹ ḅụ tọn aị mamgba tan siin fama. Tẹ Izirẹlị ḅụ sime apụ mamgba mịẹ tẹ in fịrịmẹnjị KỊNỊNYANAḄỌ ịna Tamụnọ ḅe pịrị. Ori ene mamgba ḅụ in KỊNỊNYANAḄỌ ịna aḍapụ ma Tamụnọ ḅe ḍukamẹnjị ḅụ pịkị so-a.

Ayịzaya 31:6

KỊNỊNYANAḄỌ ḅe ḅẹẹm, “Izirẹlịapụ, ó si kẹ ị̀ mịẹtẹ ị̀ na tụḅụrụ tẹ. Kụma mịọkụ, ọ́ pịkịma ị̀ ḍọkụma-ḅoo!

Jerimaya 15:19

Miemẹ KỊNỊNYANAḄỌ ḅe pakịrịm, “Ị́ pịkị-ḅo ḅẹḅẹ, à siin ị́ ọkị ḅa, tẹ ị́ pịkị siin ị̀ fịrịmẹnjịḅọ sọ ḅa. Ị́ nwẹnị nimi ofori ẹkwẹn kọn-a tẹ kọn na-iḅi ẹkwẹn kọn-arị ḅẹḅẹ, í siin ị̀ ịkịankoroḅọ sọ ḅa. Tomi ma pịkị ị́ dama-ḅo ḅa, anịsakị ị́yẹrị rẹ gotẹ ịn dama-mu mu ye ofori.

Jerimaya 15:4

À mịẹ tẹ tomikiri ḅẹ apụ mamgba in gotẹ sịḅị kanakana ḅa, Hẹzịkaya owiḅọtụḅọ Manasẹ Juda sịẹ mẹ daarị sakị ḅụ Jeruselemu ḅụ mịẹ ye ẹrẹsị.

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 24:9

Arị ọkị-ḅo ịna ọgọnọ gbana ḅarị opu ḅụụ-fụka mẹ sime ḅarị ḅara gotẹ tomikiri ḅẹ asịẹ mamgba tẹmẹ-naịn-naịn ḅa. Kịnị in kombo tẹ ḅịḅịkpọ-kpọ ịn pịrị ḅa, ịn kẹ kpọọtii-tii tẹ ịna ẹrẹ kẹ siye karị kịnị pịrị ḅa, arị ịn gala-gala mu la ḅarị anga mamgba ḅụ.

Jerimaya 25:5

In ḍuko ọ́ pịrịm ọmịnị ọmịna si-sịḅịḅio-sụa ḍumo etela mẹ na ọ́ mịẹarị si-aị ma na ḅụ pịkịị, mịẹ tẹ ọmịnị inetẹ paa KỊNỊNYANAḄỌ ḅe kẹ ọmịnị na ọmịna elemu aḍapụ ma na pịrị amakiri mẹ anga tọrọkọ-tọrọkọ mu ḅẹ ḅara, sime ọ́ pịrị gbamaso ye ḅara ḅụ.

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:12

Ò ḍuko ị́ pịrịm àrị Izirẹlị ḅẹẹ, “Ḅioḅẹngbọ kẹ ḅụụ ḅụ gbana na-iḅi-a Izirẹlị, pịkịma ị̀ ḍọkụma-ḅoo. Àrị ọkụrụkụrụ nyana wararị, tẹ arị ịganị ḅịa, arị ịganị ị́ pịrị mu ḅẹẹ-sakị ḅẹẹ-sakị la ḅịa.

Jerimaya 3:14

Ḅioḅẹngbọ kẹ ḅụụ ḅụ gbana na-iḅi ḅara sime-a apụ, ọ́ pịkị-ḅoo; yẹrị ọ́ nyanam. Arị ọmịna ḅụụ ama gbọrụḅọ-gbọrụḅọ na maa apụ maa apụ na ọkị Zayọnị tụndụ ḅo ḅa.

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 7:3

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍukoarị ye. Ọmịnị ọmịna etela ma na mịẹ-aị ma na ḍima, anịsakị à ḍụkụ tẹ ọ́ mịẹ anga anga ḅa.

Jerimaya 7:5

Ọmịnị ó ḍumo kọn-arị ḅara ḍimaa, pịkị ọ́ mịẹarị aị ma dasịẹmaa. Ọmịnị inoma ofori ḅara kẹ Jụmọ-jụmọ na mị.

Jerimaya 7:7

Ó ḍimam ḅẹḅẹ, à ḍụkụ tẹ ọ́ mị amakiri mẹ anga tọrọkọ-tọrọkọ mu ḅa, anie à kẹ ọmịna elemu aḍapụ ma pịrị ye mẹ, mịnẹ anị ịna nye sọ gbamasoo.

Izikẹlị 11:18

Ịn pịkịma-ḅo sakị in pino-pino sịḅị-ngụngụnma oru-afụḅara ma tẹ ini ẹrị aị ma kẹ nguma ḅa.

Izikẹlị 18:13

tẹ sọye fị ḅara kẹ igbigi kẹ kịnị ḅọlọarị. Anị ḅọ ḅe ò ḍumo ḅẹ? Ẹn-ẹn, ò ḍumo ḅịa. Ọ̀ mịna sịḅị-ngụngụnmarị aị mamgba mịẹ tẹ, anie ḅụ ọ̀ fịị ḅa. Ọ̀ fịị ḅẹ ḅẹrẹ mẹ, ọ̀ sịḅị ọgọnọ gbana ḅa.

Izikẹlị 43:9

Mịọkụ in sunsin oru-atamụnọ pịrị dasịẹma nyanam, tẹ ịna amadapụ ma fịtẹ oju akpakpa ma soku-siin. Ini ọkọ mịẹ-mịẹ àrị ịna ogboku anga ḅa.”

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 7:16

Ini ị̀ ḅụụ pịkị so-so tẹ kụrọ nyana-a tamụnọ dama-muarị. Ḅioḅẹngbọ kẹ ịna ḅụụ ḅụ gbana na-iḅi-a ḅara mẹ gbala fangala-fangalatẹ iboli ḅụ ḅioḅẹngbọ kẹ gbana na-iḅi-a ḅara ọkụ. Ịna sịḅịdapụ ma opu ẹkwẹn opu ẹkwẹn kọn-arị ye mẹ ẹrẹsị ịn kụrọ-kụrọ fịị kọn ḅa, tẹ Ijiputi ḅẹ apụ ma ḍẹrị ḅa.”

Jowẹlị 2:12

KỊNỊNYANAḄỌ ḅe ḅẹẹm, “Kụma mịọkụ mẹ ḅụ sọ ọ́ tẹmẹ-la ḅara kẹ si ḅụ pịkị tẹ pịkịma ị̀ ḍọkụma-ḅoo; ó ḅuru-ịmọ tẹ owuu, pịkị kururuu.”

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Ditẹrọnọmị 27:15

Wori-nume sime oriḅe tẹ ḅara kẹ ye kịkama kara, anịanịa tẹmẹ amịna ḅụụ pịrị ḅọ ḅe pịrị, KỊNỊNYANAḄỌ ḅe ḅụụ tọn-tọn-pịrịye, ḅara akanịḅọ aḅara mịẹ gberie, tẹ ḅọị ḅara kẹ saakị sịẹma ye. Anịsakị tomi mamgba pakịrị tẹ ḅẹẹ ḅa, “Amẹnị.”

Ditẹrọnọmị 4:30

Ọ́ ḅụụ-fụka ḅio sọ, tẹ mịna aị ma kunoma ene ma ḅụ ḅo ọmịna ọgọnọ gbana sakị, ọ́ pịkịma KỊNỊNYANAḄỌ ọmịna Tamụnọ ḅe ḍọkụma-ḅo tẹ ọ̀ pọkọ poki ḅa,

Jọsụwa 24:14

“Anịẹrẹsị mịọkụ ọ́ KỊNỊNYANAḄỌ ḅe ḍiki-ḅalafaa tẹ karakara ḅara na, minini na kẹ fịrịmẹnjị ọ̀ pịrịị ọmịnị oru-atamụnọ ma tẹ ọmịna aḍapụ ma Tọrụ mẹ saḅa anga ḅụ na, Ijiputi ḅụ na fịrịmẹnjị pịrị aị ma kẹ ngumaa, tẹ fịrịmẹnjị KỊNỊNYANAḄỌ ḅe pịrịị.

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”