Jerimaya 39:9 - FỊAFỊA BAỊBỤLỤ

⁹ Kunoma ḅụ, Nebuzaradanị, ḅẹrẹtọn ọmụ-ogbo mẹ pịrị ọmụ-alaḅọ ḅe ikoliapụ ḅara kẹ opu ama mẹ ḅio kirikọn atomi ma, pịkị mangị paka mu ịna ḅụụ sọ apụ kẹ sụa, ọkị so Babịlonịya mum.

Jerimaya 39:9 Iomraidhean Croise

Suku-saakị 37:36

Mịọkụ Midiyanị ḅẹ apụ ma ọ̀ kẹ mu Ijiputi ḅụ Fero opu fịrịmẹnjịḅọ Pọtifa ye-yọ ḍikiḍiki ọmụapụ ma sịḅịdaḅọ ḅe dẹrị tẹ.

2 Amadapụ 20:18

Anịsakị ini iyi ị́ pịrị í soku-ḅẹ awọmẹ ma ḅẹ ja apụ ịn nwẹn dogi-so ḅa; tẹ ịn pootẹ apụ sọ ḅa Babịlọnị ḅe amadaḅọ ḅe ama-da warị mẹ ḅio.”

2 Amadapụ 25:11

Nebuzaradanị ḅụụ-ḍikiḍiki apụ ma ḅụ ḅẹ ọmụ-alaḅọ ḅe opu ama mẹ ḅio sime kọn apụ ma na, ama mẹ koroma-so Babịlọnị ḅẹ amadaḅọ ḅe ḍọkụma-mu apụ ma na kịẹnkịẹn-ọkụ-ofori atomi ma ḅẹ kirikọn atomi ma dogi-so Babịlọnị mum.

2 Amadapụ 25:20

Nebuzaradanị ḅụụ-ḍikiḍikiapụ ma ọmụ-alaḅọ ḅe ini ọkịm, tẹ ịn ọkị-ḅo Babịlọnị ḅe amadaḅọ pịrịm Ribula ḅụ.

Ayịzaya 5:13

tẹ mie ḅụ ịn ó kun so ḅa. Ọmịna sịḅịdapụ fịye ẹrị fị-a ḅụ fịị ḅa, tẹ ama ḅẹ atomi ma minji pọkọ-tarị ḅụ fịị ḅa.

Jerimaya 10:18

KỊNỊNYANAḄỌ mị amakiri mẹ ḅio ọ́ kẹ gbin pakama ḅẹ-ḅiiarị; ori ọ́ mịẹ nwenii tẹ ọmịna ḅụ gbọrụḅọ-sọ kiri kọn ḅịa. KỊNỊNYANAḄỌ ḅe ọkọ ḅẹẹm.

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 24:8

“Zẹdẹkaya, Juda ḅẹ Amadaḅọ ḅe, ò gbori wararị ama-ḅịḅị kẹ ẹkwẹn-arị apụ ma, na Jeruselemu ḅụ kirikọn-apụ ma na kịngẹ kụma, tẹ ama mẹ ḅio sime apụ ma, anịanịa so Ijiputi mu apụ ma, yẹrị, KỊNỊNYANAḄỌ ḅẹ, kẹ mịna si ḅaka tẹ ḅarị fị-fị ḅara sime figi-asịnmgbọlụ ma na mịẹ ḅara kịka ḅara kẹ inimgba na mịẹ ḅa.

Jerimaya 38:19

Kụma amadaḅọ ḅe pakịrịm, “À wamịna ama ḅẹ apụ ma tẹ mangị mu Babịlonịya ḅẹ apụ ma jụ sọ tẹ apụ ma ḍiki-ḅalafarị. Ẹbịsịya ini ị̀ saḅama ịn pịrị tẹ ini ì meni-oju mẹ kẹ tọrụsiẹrịma ḅa.”

Jerimaya 40:1

KỊNỊNYANAḄỌ ḅe ẹkwẹn ị̀ pịrịm, Nebuzaradanị, ḅẹrẹtọn ọmụ-ogbo mẹ pịrịarị ọmụ-alaḅọ ḅe ị̀ ḅụụ ḅara-siin tẹso, Rama ḅụ. Ini ikoli kẹ ị̀ ịkasị tẹ ị̀ ọkị osi apụ ma tẹ Jeruselemu na Juda na ḅụ ịn kun apụ ma ḅụ sụa tẹ kẹ so Babịlonịya mu simem.

Jerimaya 40:7

Juda ḅẹ fịrịmẹnjị-opuapụ na ọmụapụ na ḅẹ jen-apụ amụ ḅara saakị Babịlonịya ḅẹ ọmụapụ ma pịrị-a. Ịn naam mịnẹ Babịlonịya ḅẹ amadaḅọ ḅe Gedalaya kẹ ḅẹrẹtọnḅọ sọma tẹ ọ̀ kẹ ama mẹ ḅụ ini ọkị so Babịlonịya mu-a apụ ma ḍikiḍikiḅọ mịẹ tẹ ama mẹ ḅio igoin-tẹịn apụ ma.

Jerimaya 52:26

Nebuzaradanị ini ọkị-so mu Babịlonịya ḅẹ amadaḅọ ḅe pịrịm, Ribila ḅụ emi ḅọ ḅe, anị sakị mẹ ḅụ,

Jerimaya 52:27

Hamatị amakiri mẹ ḅụ. Anị anga ḅụ amadaḅọ ḅe akụ ye kẹ ịn mịẹ tẹrẹmẹ ịn ḅaam. Anị ḅara ḅụ ịn Juda ḅẹ apụ ma kun-so jen sịẹ iḅere-iḅerea anga mum.

Danẹlị 2:14

Anịtẹso Danẹlị mu Ariyọkụ, amadaḅọ ḅe ḍikiḍikiarị ọmụapụ ma sịḅịdaḅọ ḅe, tẹ ịn kụrọ kẹ pịrịm tomi ma ḅaa nwẹn ḅẹẹ ḅọ ḅe lam. Kpọma ẹbị tẹ kọọn na-iḅi ẹkwẹn kọn ḅụ,

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.

Ditẹrọnọmị 4:27

Anịsakị KỊNỊNYANAḄỌ ḅe ọ́ gala-galama ḅa tomi ma ogbo-ḅio ḅụ, tẹ opu asịẹ ma ogbo-ḅio KỊNỊNYANAḄỌ ḅe ó dee mu suu ḅarị anga ḅụ ọmịna aḅụụ kirikọn ḅarị apụ kịẹn-ḅịḅị kịsị ḅa.