Jerimaya 39:8 - FỊAFỊA BAỊBỤLỤ

⁸ Ma ma mịẹarị sakị Babịlonịya ḅẹ apụ ma ama-da opu warị mẹ na, tomi ma awarị ma na dọkịmarị, pịkị Jeruselemu onu mẹ kan-arị.

Jerimaya 39:8 Iomraidhean Croise

2 Amadapụ 25:8

Sọnọ karama akalụ mẹ ḅẹ sọnọma ḍin karama eneḅaka anie Amadaḅọ Nebukadineza, Babịlọnị ḅẹ amadaḅọ ḅe sịḅị gbọrụ kụra fa si karama kụra ḅụ Babịlọnị ḅẹ amadaḅọ ḅe ḅụụ-ḍikiḍiki ọmụ-alaḅọ, ọ̀ fịrịmẹnjị gbọrụḅọ Nebuzaradanị Jeruselemu ḅom.

2 Paka-aị 36:19

In nwẹnị Tamụnọ warị mẹ dọkịma, tẹ Jeruselemu onu mẹ kan sara, tẹ fịnị kẹ anị ḅẹ amadapụ opu awarị ma dọkịma, tẹ anị ḅẹ yela ẹfẹrẹ mamgba ḅaa sara.

Nehimaya 1:3

Ịn nwẹnị ị̀ ḅẹẹ, “Anịanga itu mẹ ḅio ḍumo sime wararị tẹ omoni ḅara mẹ ḅio sọ-a apụ ma gburo-gburotẹ ḅụụ-fụka na, ḅụụ-jịrị na ḅio emi; Jeruselemu onu mẹ kaan-sara tẹẹ, tẹ fịnị pịkị anị ḅẹ ogigo-aḅọkọ ma dọkịma tẹẹ.”

Devidi-Anume 79:7

Ini ị́ atomi ma ḅaa tẹ ẹrẹsị; ini ị́ sịẹ mẹ kan sara tẹ.

Ayịzaya 5:9

À naa tẹ Kụrọmamgba Nyana KỊNỊNYANAḄỌ ḅe ḅẹẹarị, “Mịna ḍụḅa tẹ iḅi awarị mamgba papaa koro-sime ḅa.

Jerimaya 17:27

Kụma ini ị̀ ḅịḅịpoki nyanam, tẹ Ịnyọsara-Ene mẹ kẹ fịafịa ene ḅara wẹrị. Gbọrụ ikuye sọ in dogi Jeruselemu ogigo-aḅọkọ ma sọ mu nyana-a anị ene mẹ ḅụ, kẹ gotẹ ọkọ ḍukoarị, ịn mịẹ-mịẹ à fịnị kẹ Jeruselemu ogigo-aḅọkọ ma ḅụ sụa ḅa. Fịnị Jeruselemu ḅẹ amada-awarị ma dọkịma kiri gbin ḅa, tẹ gbọrụḅọ-sọ inetẹ anị biinma ḅịa.”

Jerimaya 21:10

À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 34:2

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko ị̀ pịrịm à mu Ama-da Zẹdẹkaya Juda daarịḅọ ḅe ḅẹ, “Yẹrị KỊNỊNYANAḄỌ ḅe, ḅarana mịẹ opu ama mẹ kẹ Babịlonịya ḅẹ amadaḅọ pịrịtẹ ori anị dọkịma kiri lama ḅa.

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 37:10

Ọ́ nwẹnị nimiatẹ Babịlonịya ḅẹ ọmụ-ogbo mẹ nẹngịma sọ, tẹ ịna ḅụ ye la apụ ngẹrị kọn sọ, ịna akpụrụ-awarị ḅio ịn ḅọlọlọ sime wararị ayọ ma ḅụ ịn saakị tẹ mịẹ opu ama mẹ dọkịma kiri lama ḅa.”

Jerimaya 38:18

Kụma ị́ ḅara saakị-a ḅẹḅẹ, anị sakị rẹ mie ịn mị opu ama mẹ saḅama Babịlonịya ḅẹ apụ ma pịrị ḅarịye, anie anị dọkịma kiri lama ḅẹ apụ ma, tẹso, ị́ ịna ḅara gbarị ḅịa.”

Jerimaya 5:10

Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Kururu Owu-apọkọ 2:2

KỊNỊNYANAḄỌ ḅe ọkụrụkụrụ nyana-a ḅara kẹ, Jekọbụ angarị anga mamgba fama tẹ; ọ̀ kụrọ ịganị ḅụ ò Juda ḅẹ ẹrẹḅọtụḅọ ma, kụrọtẹ ḅọị anga mẹ kan-sara tẹ; kụn nyana-a ḅara ḅụ ori ama-da kụrọ mẹ na, anị ḅẹ ḅẹrẹtọn-apụ na kẹ kiri-ḅio kuroma tẹ.

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Izikẹlị 16:41

Ini ị́ awarị dọkịma kiri lama ḅa, tẹ mị tẹ ereme ogbo-ogbo í fomu-ḅara mẹ ẹrị ḅa. Àrị ị́ mịẹ tẹ ị́ ḅarị ama-mẹnjị eremịna ḍumo kọn ḅịa, pịkị ye ḍie-ḍie ị́ ḅẹlẹmapụ pịrị ḅịa.

Izikẹlị 23:47

Yee tomi ogbo mẹ ḍụḅarị kẹ in gbin tẹ okologie kẹ owu kẹ ịn paka, ịna awọmẹ ḅaa, tẹ ịna awarị dọkịma.

Izikẹlị 33:21

Ịn wa kun-so tẹ oyi maaịn finji karama kụra mẹ ḅụ oyi karama akalụ mẹ ḅẹ sọnọ karama eneḅaka mẹ ḅụ, gbọrụ owiḅọ Jeruselemu ḅụ mangị paka-ḅo tẹ ḍuko ị̀ pịrịm mịnẹ opu ama mẹ ḅịkị tẹẹ.

Emọsị 2:5

Mie ḅụ à fịnị kẹ Juda ḅụ sụa tẹ Jeruselemu ḅẹ kụrọnị-ayọ ma dọkịma kiri lama ḅa.”

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.