Jerimaya 39:6 - FỊAFỊA BAỊBỤLỤ

⁶ Ribila ḅụ ọ̀ Zẹdẹkaya tọrụ-ogbo ḅụ ori owiapụ-awọmẹ ḅaam, tẹ ọ̀ pịkị Juda ḅẹ fịrịmẹnjị-opuapụ ma sọ ḅaam.

Jerimaya 39:6 Iomraidhean Croise

Suku-saakị 21:16

anịtẹso á nwẹnị ọ̀ ḅụ kuḅu amesi oyi finji pembe ye kẹ mẹnjị ḅele, tẹ lẹgị-sime tẹ owu sịnịsịnị; gbala arị mẹẹ, “Yee à sime tẹ tọrụ kẹ tụḅọ ḅe fịị mẹ ḍiki ma.” Tẹ arị ọ̀ ḅụụ ḅele mu ori na dama tẹ lẹgị ḅara mẹ, tụḅọ ḅe nwẹnị pọkọ saakị tẹ tẹmẹ-la ḅara kẹ owu.

Suku-saakị 44:34

Kẹ gotẹ ọkọ ḅẹẹarị, ndẹẹ kalatụḅọ ḅe ị̀ na ofori ọkụma à pịkịma-so ị̀ ḍa ḍọkụma-mu ḅarị ḅara? Siye mẹ tẹ ḅo ị̀ ḍa ḅe la ḅarịye mẹ ẹrị ị̀ ḅalafamarị.”

2 Amadapụ 22:20

Anịẹrẹsị, ḍikii àrị í kobiri tẹ kẹ ị́ aḍapụ ma sime anga mu ḅa, anịsakị dein ḅụ arị í kobiri í ḍuḅu ḅio su ḅa, tẹ ị́ atọrụngbọ mịna si aị mamgba tẹ arị ọkị-ḅo mị yọ mẹ ọgọnọ gbana ḅẹ aị ma ẹrị ḅịa.” Ịn nwẹnị ma ẹkwẹn-aḅịḅị ma da ḅo amadaḅọ ḅe pịrị.

2 Amadapụ 25:7

Ịn nwẹnị Zẹdẹkaya tọrụ-ogbo ḅụ ori owiapụ-awọmẹ ma ḅaa ọ̀ tọrọkọ ḅụ, tẹ ori Zẹdẹkaya ḅe atọrụngbọ ma sọkị-siin, tẹ ikoli kẹ ọ̀ sụa, tẹ ori ọkị so Babịlọnị mum.

2 Paka-aị 34:28

Ḍikii, àrị ị́ kobiri ị́ aḍapụ ḍọkụma-mu ḅa, anị sakị dein ḅụ mịẹ àrị ị́ kobiri mu ḍuḅu ḅio su ḅarịye, tẹ ị́ atọrụngbọ àrị ọkị-ḅo mị anga mẹ na, anị ḅụ simearị apụ ma na ọgọnọ gbana ḅarị siye mẹmgba ẹrị ḅịa.’ ” Tẹ ịn nwẹnị ẹkwẹn-ḅịḅị mẹ kẹ pịkị-ḅo amadaḅọ ḅe pịrị.

Ẹsịta 8:6

Kẹ gotẹ ọkọ ḅẹẹarị, à tọ-ḅara kẹ inetẹ ị̀ atomi ma la ḅẹ ḅoarị ḅụụ-fụka mẹ ẹrị tẹ inema ḅẹ? Anịanịa à tọ-ḅara kẹ inetẹ ì furo fịị mẹ ẹrị tẹ anị inema ḅẹ?”

Ayịzaya 13:16

Ịn ḅarasụa ofori ḅara kẹ looma-ḍikiarị ogbo, ini mgbele kẹ ịna ḍọkọḍọkọ-awọmẹ ma fomu ḅaa ḅa, ini ịna awarị fọịn tẹ kụrọ-ḅara kẹ ịna sime-ereme tii ḅa.”

Ayịzaya 34:12

Sịẹ mẹ da ḅẹ ḅọ paka ḅịa, tẹ ḅẹrẹtọn-apụ mamgba so fama ḅa.

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 34:3

Ị́ ọ̀ ḅara gbarị ḅịa; ini í kun tẹ ị́ saḅama ọ̀ pịrị ḅa. Ị́ tọrụ kẹ ori na dama-dama tẹ ḅarana ẹkwẹn ọ̀ pịrị ḅa; anịtẹso ị́ Babịlonịya mu ḅa.

Jerimaya 38:23

Anịtẹso à pịkị kẹ sụa ḍukom, “Í eremịna-awọmẹ mamgba ini ịn kẹ so mu Babịlonịya ḅẹ apụ ma pịrị ḅa, tẹ í ḅioju sọ ịna ḅara gbarị ḅịa. Ini ikoliḅọ ḅara kẹ ị́ kẹ so mu Babịlonịya ḅẹ amadaḅọ ḅe pịrị ḅa, tẹ ịn mịẹ opu ama mẹ dọkịma kiri lama ḅa.”

Jerimaya 52:10

Ribila ḅụ Zẹdẹkaya amịna atọrụngbọ kẹ ḍikiarị ogbo Nebukadineza ori owiapụ-awọmẹ ḅaa famam tẹ pịkị ọ̀ fịrịmẹnjị-opuapụ ma sọ kẹ si mịẹ apụ ḅara ḅaam.

Izikẹlị 23:24

Ini owu kẹ ị́ paka ḅa ọgọnọ-jụ da pakịrị anga mẹ ḅụ, opu ọmụ-ogbo kẹ ḅo ḅụ, na kirimẹnjị-ọmụarụ amẹẹ na ye dogi kirimẹnjị-arụ amẹẹ na sọ. Ịn ḅụụ-ḍụa ḅụ ekpeke na okpoko-asun na nyana wararị, ini í ikelema-koro ḅa. Àrị ị́ saḅama ịn pịrị ḅa tẹ ini ịna oloko ma ḍiki tẹ ị́ kọn ḅa.

Izikẹlị 24:5

Iḅitẹịn anana nama kẹ sọọ; ḅẹlẹ mẹ suku-ḅio pakịrị tan gbori. Yee minji mẹ ḍarị; mgbe ma na meni ma na sọọ.

Zẹfanaya 1:8

KỊNỊNYANAḄỌ ḅe ḅẹẹarị, “Anị ḅaa ene mẹ ḅụ à fịrịmẹnjị opu ama ma fomu ḅa, amadaḅọ ḅe owiapụ-awọmẹ ma na, inimgba tẹ jen sịẹ ḅẹ mịẹ-mịẹye mịẹarị apụ ma sọ.”

Ditẹrọnọmị 28:34

anieḅụ, aniemẹ tẹ ọmịna atọrụngbọ ẹrị ḅarịye ḅụ ọ́ maa tọrụ kọn ḅa.