Jerimaya 39:4 - FỊAFỊA BAỊBỤLỤ

⁴ Ama-da Zẹdẹkaya na ori ọmụapụ mamgba pakarị ye mẹ ẹrị sakị ịn ḅụụkụrọma tẹ opu ama ḅụ mangị-so ḅẹ ḅara mịẹm ḍin ḅụ. Ama-da warị mẹ ḅẹ kala ḍụọ mẹ etela mẹ ḅụ mie ịn pakaye, onu ma ḅẹ maa apakịrị ma gboloma ḅọkọ mẹ ḅụ ḅọrọ ḅụ, tẹ nwẹnị Jodanị tọrụ-akaka da-mu pakịrị mẹ ḅụ mangị-so.

Jerimaya 39:4 Iomraidhean Croise

2 Paka-aị 32:5

Ọ̀ nwẹnị tọn pẹlẹ tẹ ḅara kẹ saakị kọrịnama kọrị tẹ onu mẹ ḅụ kaan-sara tẹ anga mamgba nama tẹ anị ọgọnọ gele awarị nama; nwẹnị anị ḅio mẹnjị paka ḅụ pịkị jen onu nama, tẹ ọ̀ pịkị Devidi opu ama mẹ ḅio in Sara Pakama Kiri mẹ mịẹ kụrọmam. Ọ̀ pịkị ḅẹlẹma gburo-gburoma owuaị na ekpeke na tẹmẹm.

Ayịzaya 22:11

ó minji koko anga namam ama mẹ ḅio, elemu ḍaḅa mẹ ḅio sara, sara ideri-ḅo minji mẹ daasịẹ ḅẹ anga. Kụma ọ́ Tamụnọ kẹ ye-sịn-a, anie iḅere-iḅerea kụra ḅio mie-mẹmgba tọn tẹ mịẹ tẹ anị paka-ḅo ḅe.

Ayịzaya 22:3

Ọmịna sịḅịdapụ mamgba mangị-soarị ogbo ini in kunm, gbọrụ ḍiein sọ tẹịn-a ḅara ḅụ.

Ayịzaya 29:2

Anịsọ, Tamụnọ opu ḅụụ-fụka ọkị-ḅo ḅa ama mẹ ọgọnọ, anie ịn kẹ “Tamụnọ ḅe Agbamịẹ-anga” sịn anga mẹ. Anị anga tomi lee-leema owu ḅa, tẹ ama mẹ agbamịẹ-anga kịka ḅa, anga mamgba ọmbie-ọmbie-ọmbie.

Jerimaya 32:4

tẹ Ama-da Zẹdẹkaya ọ̀ ḅara gbarị ḅịa. Ini ọ̀ saḅama Babịlonịya ḅẹ amadaḅọ ḅe pịrị ḅa; ori ori na tọrụ kẹ dama-dama tẹ ọ̀ ḅarana ẹkwẹn ọ̀ pịrị ḅa.

Jerimaya 32:5

Ịn Zẹdẹkaya ọkị-so Babịlonịya mu ḅa, tẹ ori anị anga sime nwenii tẹ arị ori na à mịẹ ḅẹ ye mịẹ ḅa. Ọ̀ nwẹnị Babịlonịya na owu sọ-sọ, owu ọ̀ ḅara iḅi ḅịa. Yẹrị KỊNỊNYANAḄỌ ọkọ ḅẹẹm.”

Izikẹlị 12:12

Amadaḅọ tụḅọ ḅe tẹ ḅẹrẹtọn ịn pịrịarị-ḅọ ḅe ò kobiri fịna poku mẹ kẹ apana-ḅa tẹ kanakana mẹ ḅio onu mẹ ḅụ in soku finji ọ̀ pịrị anga mẹ ḅụ tolu-ḅọrọ so ḅa. Ò ye kẹ ori atọrụngbọ gbaịn tẹ ò muarị anga ẹrị ḅịa.

Izikẹlị 12:4

Ene paa bele wararị ogbo ị́ kẹ paka so ḅarị aị ma kobiri fịna, mịẹ tẹ ini inetẹ ị́ ẹrị ḅẹ ḅara, anị tẹso yee ini í ḍikiarị ogbo ị́ mẹnjị paka-so jen sịẹ ḅụ mu anga ḅẹ-yearị ye ọkụ, ḅoḅiri-so ḅụ.

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

Lẹvitikọsị 26:36

“Inima tẹ ọmịna ḅụ kirikọn wararị apụ ma kụma, ini na fịya-a apụ ma ama ma ḅio à tẹmẹ-naịn-naịn kẹ ịna ḅioḅẹngbọ ḅụ suu ḅa, ịnyịnya jike tẹ fie kịngẹ sọ ịn mịẹtẹ ini okologie mẹ ḅụ ḍumo-mangị kọn ḅọ ḍumo-mangị kọn ḅara kẹ kụrọ mangị kọn ḅa; anịsakị gbọrụḅọ-sọ in ḍuka-a ogbo ịn ḅịkị ḅa.

Emọsị 2:14

Mangị ẹbịrị kọn apụ sọ inetẹ mangị-so ḅịa; ịnyọ nyana owiapụ ịnyọ faa ḅa, tẹ ọmụapụ inetẹ ịna soku-ḅẹ ḍumo sọ ḅọrọma ḅịa.

Ditẹrọnọmị 28:25

KỊNỊNYANAḄỌ ḅe ọ́ mịẹ tẹ ọmịnị na fịya-a apụ tọrọkọ ḅụ owu ọmịna ḅara si ḅa; ọ́ gbọrụ etela ḅụ paka mu ịn da-paka ḅa, tẹ sọnọma etela ḅụ ịna tọrọkọ ḍumo mangị kọn ḅa, anịsakị tomikiri mẹ ḅẹ amada-kụlọkụlọ mamgba ḅụ ọ́ sịḅị-jịrịma atomi sọ ḅa.