Jerimaya 39:18 - FỊAFỊA BAỊBỤLỤ

¹⁸ Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 39:18 Iomraidhean Croise

1 Paka-aị 5:20

Owu mẹ ḅio ini owu Tamụnọ ḅe pịrịm ẹrẹsị ịn nwẹnị ḅarasụa nyana tẹ Hagiri apụ ma na ịna ḅụụ sọ apụ mamgba na nwẹnị ịn kẹ ḅara-ḅio ịn pịrị tẹ apụ sọ; anị kẹ gotẹ ọkọ mịẹ ye anie ịn ḅioḅẹngbọ kẹ Tamụnọ ḅe ḅụụ gbanam ẹrẹsị.

Jobu 5:20

Ịnụ ḅio ọ̀ fịị ḅụ ị́ ḅọrọma ḅa tẹ ọmụ ḅio okologie kụrọ mẹ ḅụ ị́ ḅọrọma ḅa.

Devidi-Anume 147:11

kụma ọ̀ kụn-arị apụ ma ḅụ mie ọ̀ tọrụ-ḅẹlẹ nyanarị, ò kuno-a ḅẹlẹma mẹ kẹ ḅiokpọmarị apụ ma.

Devidi-Anume 2:12

Ọmịnị oju sẹkịma mu ọ̀ tọrọkọ iḅoo; ọkọ-a kụma ori ịganị ala-a saakị ḅa, tẹ ó ḅiotọn-a sakị kẹ fịị ḅa. Ḅioḅẹlẹ sime ọ̀ ḍọkụma-ḅo tẹ ọ̀ gbaịn-arị apụ ma pịrịm.

Devidi-Anume 33:18

KỊNỊNYANAḄỌ ḅe ọ̀ ḅịḅị pokiarị apụ ma ḍikiḍikiarị: ini ma tẹ ò kuno-a ḅẹlẹma mẹ kẹ ḅiokpọmarị apụ ma.

Devidi-Anume 34:22

KỊNỊNYANAḄỌ ḅe ori atomi ḅọrọma ḅa: ori ịn gbaịn gotẹ ọ̀ ḍọkụma-muarị apụ ma, ọ̀ ḍụkụ tẹ ye ịn la ḅịa.

Devidi-Anume 37:3

KỊNỊNYANAḄỌ ḅe kẹ ḅiokpọma tẹ iḅiye mị; amakiri mẹ ḅụ anga tẹ kpaịn simee.

Devidi-Anume 84:12

Kụrọmamgba nyana Tamụnọ, ị́ kẹ ḅiokpọma apụ ma ḅioḅẹlẹ la ḅara ḍiki!

Devidi-Anume 91:7

Ẹbịsịya kịnị maa ẹndẹ oyia asi finji ị́ akaka fịị sara ḅa, kịnị apuku sọnọ ẹndẹ finji sọ ị́ ikelema-koro ḅụ fịị ḅa, kụma ị́ la ḅẹ ye ofori.

Ayịzaya 26:3

Ị́yẹrị, KỊNỊNYANAḄỌ, bebetẹ dein kẹ amịna mịẹ ḅẹ ye mẹ ọlọ kụrọma tẹ ị́ kẹ ḅiokpọmarị apụ ma pịrịarị.

Jerimaya 21:9

Opu ama mẹ ḅio sime-ḅọ sime-ḅọ, mḅọ ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ. Ḅẹḅọ-ḅẹḅọ tẹ paka mu ḅara sakị Babịlonịya ḅẹ apụ ma tẹ owu kẹ opu ama mẹ pakarị apụ ma pịrị-ḅọ pịrị-ḅọ, ini mḅọ ḅaa ḅịa, jen-a jen-a sọ mḅọ amịna ḍumo mẹ pụkọ-paka-so ḅa.

Jerimaya 38:2

KỊNỊNYANAḄỌ ḅe ḅẹẹ tẹẹ, “Mị opu ama mẹ ḅio sime-ḅọ sime-ḅọ fịị ḅa ọmụ ḅio, anịanịa ḅuru-ḅa ḅụ, anịanịa obi ḅụ, Kụma mẹnjị paka mu tẹ amịna ḅụụ sịkị Babịlonịya ḅẹ apụ ma pịrị-ḅọ pịrị-ḅọ ini mḅọ ḅaa ḅịa, ḅarị jen-a sọ mḅọ amịna ḍumo mẹ kịngẹ kẹ paka-ḅo ḅa.”

Romu 2:12

Ja asịẹ ḅẹ apụ ma, Mozizi Oloko mẹ ịn la-a. Oloko mẹ nyana-a ḅara ḅụ in si ḅụ ḅọrọ faarị. Juu-ḅẹ-apụ Oloko mẹ nyana wararị; in si mịẹ-mịẹ, Oloko mẹ anie in ḍiki tẹ ịn kọn ḅarịye.

Ẹfisọsị 1:12

Ọkọẹrẹsị, ó yee wamịnị, tarị Kịrayịsị kẹ ḅiokpọma apụ ma, Tamụnọ ebube mẹ tokini!

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.