Jerimaya 39:11 - FỊAFỊA BAỊBỤLỤ

¹¹ Ama-da Nebukadineza miemẹ tọn Nebuzaradanị, ḅẹrẹtọn ọmụ-ogbo mẹ pịrịarị ọmụ-alaḅọ ḅe pịrịm:

Jerimaya 39:11 Iomraidhean Croise

Jobu 5:15

Kụma ọ̀ ḍaḅọ fịtẹ tụḅọ ḅe ḅọrọmam, ịna ḅịḅị ḅụ, tẹ ngiri-ngiriḅọ ḅe ḅọrọmam opuḅọ ḅe ḅara ḅụ.

Jobu 5:16

Anieḅụ igoin-apụ ma ḅiokpọ nyana tẹ, tẹ iri ḅẹrẹkọn aḅịḅị gbaịn tẹ.

Jobu 5:19

Sonio ḅụụ-fụka ḅụ ori ị́ ḍụa-ḅọrọma ḅa; sọnọma ḅụ sọ gbọrụ siye sọ ị́ la ḅịa.

Jerimaya 1:8

In gotẹ ḅalafa ma, kẹ gotẹ ọkọ ḍukoarị, yẹrị ị́ na sime tẹ ị́ gbaịn-ḅọrọma ḅa. Yẹrị, KỊNỊNYANAḄỌ ḅe ọkọ ḅẹẹm!”

Jerimaya 15:11

KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Jerimaya 15:21

Si-sịḅịḅio-sụa tẹ kụrọ-kụrọ ḅara mịẹarị atomi ma ḅara-ḅio arị ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 37:2

Kụma Zẹdẹkaya-o, ọ̀ fịrịmẹnjị-opuapụ-o, tomi ma-o, KỊNỊNYANAḄỌ kẹ ị̀ fịrịma tẹ à da ḅo oku mẹ poki-a.

Jerimaya 40:1

KỊNỊNYANAḄỌ ḅe ẹkwẹn ị̀ pịrịm, Nebuzaradanị, ḅẹrẹtọn ọmụ-ogbo mẹ pịrịarị ọmụ-alaḅọ ḅe ị̀ ḅụụ ḅara-siin tẹso, Rama ḅụ. Ini ikoli kẹ ị̀ ịkasị tẹ ị̀ ọkị osi apụ ma tẹ Jeruselemu na Juda na ḅụ ịn kun apụ ma ḅụ sụa tẹ kẹ so Babịlonịya mu simem.

Jerimaya 40:4

Mịọkụ arị ị́ aḅara ḅụ ikoli ma siin tẹ ị́ ḅụụ ḅara-siin-arị. Í ḅiiarị ị́ ị̀ na so Babịlonịya mu ḅẹḅẹ í inetẹ ọkọ mịẹ ḅa, tẹ arị í ḍikiḍiki ḅa. Bebe ama kiri mẹ sime ị́ pịrịm, sẹlẹ tẹ í ḅii-anga ḅii-anga mu.”

Jerimaya 52:12

Ama-da Nebukadineza ḅe Babịlonịya da tẹ gbọrụ kụra fa si karama kụra mẹ ḅe sọnọ karama akalụ mẹ ḅụ oyia aḍin karama eneḅaka mẹ ḅụ mie Nebuzaradanị — ḅẹrẹ ḍuko amadaḅọ ḅe toluma-toluma ḅọ ḅe, pịkị ori ọmụ-ogbo kẹ sịḅịdaḅọ ḅe — Jeruselemu sọ-mu ye.

Fịrịmẹnjịapụ 24:23

Ọ̀ nwẹnị Pọlụ ḍikiḍikiarị ọmụ-alaḅọ ḅe ḅẹẹ mịnẹ ori iḅi tọrụ kẹ ọ̀ ḅụụ wẹrị, kụma ori ọ̀ wẹrịsoo ọ̀ mẹnjịma ḅọrọ, tẹ pịkị ori ikiapụ wẹrịso tẹ in ḅo ori ẹrị tẹ ọ̀ ḅụụ fụkama ye, fụkama ye mịẹ ọ̀ pịrị.