Jerimaya 39:1 - FỊAFỊA BAỊBỤLỤ

¹ Zẹdẹkaya Juda da tẹ eseni karama kụra mẹ ḅẹ oyi karama akalụ mẹ ḅụ anie Ama-da Nebukadineza, Babịlonịya ḅẹ amadaḅọ ḅe ò bebe ọmụ-ogbo na ḅo tẹ owu kẹ Jeruselemu paka ye.

Jerimaya 39:1 Iomraidhean Croise

2 Paka-aị 36:17

Ọkọẹrẹsị ọ̀ nwẹnị Babịlọnị ḅẹ apụ ma amadaḅọ ḅe tẹ ịna fịafịa yọ mẹ ḅẹ warị ḅio ḅụ okologie kẹ ịna asambịrịma owiapụ ma ḅaa ḅọ ḅe ọkị-ḅo in da-paka, tẹ sịḅị-kụrụkụrụ nyana asatụḅọ, anịanịa ḅụụ-gboloa iriawọ, omongi tẹ owiḅọ anịanịa kpọọtẹ ḅọ pịrị-a; ori inimgba kẹ ọ̀ ḅara-ḅio sunm.

Jerimaya 32:1

KỊNỊNYANAḄỌ ḅe ẹkwẹn ị̀ pịrịm Zẹdẹkaya, Juda ḅẹ amadaḅọ ḅe ama-da tẹ oyia akụra karama kụra mẹ ḅụ, anie pịkị Ama-da Nebukadineza Babịlonịya da tẹ maa kụra fa sii karama kụra mẹ.

Jerimaya 34:1

Ama-da Nebukadineza, Babịlonịya daarịḅọ ḅe, na ori ọmụ-ogbo na, pịkị sịẹ-sịẹ ma na kịrị-kịrị apụ tẹ ò suku-ḅio emi apụ na kẹ ḅarasụa ọ̀ pịrị ḅẹ ḅo ọmụapụ na, owu kẹ Jeruselemu na anị kpeki ama ma na pakarị sakị KỊNỊNYANAḄỌ ḅe ẹkwẹn ị̀ pịrịm.

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 52:1

Zẹdẹkaya sịḅị si gbọrụ kụra finji ḅọrọ tẹso, mie ò Juda ḅẹ amadaḅọ sọ yee, tẹ nwẹnị Jeruselemu ḅụ sime tẹ oyi gbọrụ kụra finji kẹ ama-da. Ò iyingi ẹrẹ Hamutalị, árị ma anie Libina opu ama mẹ ḅio anga-anga Jerimaya ḅe tụḅọọ.

Jerimaya 6:6

Kụrọmamgba nyana KỊNỊNYANAḄỌ ḅe tọn tẹẹ, mịnẹ mịna amadapụ ma sịn pẹlẹ-pẹlẹ-gbin tẹ kiri kpolima-kpolima Jeruselemu ikelema ḅa, kẹ ama mẹ ọkị ḅẹ ḅara. Ò ḍuko tẹẹ, “À fomu-ḅara kẹ mị opu ama mẹ pịrị ḅa, kịnị ponoma anị ḅio ḅin wararị ẹrẹsị.

Izikẹlị 33:21

Ịn wa kun-so tẹ oyi maaịn finji karama kụra mẹ ḅụ oyi karama akalụ mẹ ḅẹ sọnọ karama eneḅaka mẹ ḅụ, gbọrụ owiḅọ Jeruselemu ḅụ mangị paka-ḅo tẹ ḍuko ị̀ pịrịm mịnẹ opu ama mẹ ḅịkị tẹẹ.

Izikẹlị 4:3

Ikulele opu-panị ọkị tẹ kẹ onu mẹ kịkama tẹ kẹ ị́ ḅụụ na anị na ogboku sịẹma. Ama ọkị apụ anị gbori tẹẹ, tẹ ị́yẹrị gbala ama mẹ ọkị ḅẹ ḅọ ḅee. Miemẹ elekima sọ Izirẹlị sịẹ mẹ pịrị ḅa.”

Izikẹlị 40:1

Ịwọ kụra mẹ ḅụ oyi aḍin karama eneḅaka mẹ ḅụ, anie ịn wa kun-so tẹ si sọnọ finji karama kụra mẹ ḅụ, anie pịkị Jeruselemu ḅịkị tẹ tẹrẹị fa si karama kụra mẹ. Anị eneḅaka mẹ ḅụ KỊNỊNYANAḄỌ ḅe ị̀ na emi ye mẹ ḅẹ kụrọ ị̀ ịnọm, tẹ ọ̀ nwẹnị ị̀ dogi-so.

Izikẹlị 5:2

Gbọrụ anga dọkịma opuma mẹ ḅio ini anị ọkị tẹso. Osi tẹra kiri ḅẹ gbọrụ pakịrị mẹ okologie kẹ pẹlẹ-pẹlẹ sara í opu ama mẹ ḅio mẹnjị-pakarị ogbo. Kirikọn tẹra kiri ḍie ḅẹ gbọrụ kiri mẹ kẹ fẹrụ ḅio wakị-wakị nguma, tẹ yẹrị ì okologie kẹ anị ḍuka ḅa.

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.