Jerimaya 38:7 - FỊAFỊA BAỊBỤLỤ

⁷ Anị sime-ḅara sime-ḅara sọ, Ẹbẹdị-mẹlẹkị, Sudanị ḅẹ pootẹ ḅọ, tẹ Amada-Opu-warị mẹ ḅụ fịrịmẹnjịarị ḅọ, nwẹnị naa mịnẹ ini ị̀ kẹ suḅe mẹ ḅio suutẹ. Anị sakị mẹ ḅụ amadaḅọ ḅe ḅẹrẹ-siri ḅụ emi Benijamịnị Onu-ḅọkọ mẹ ḅụ.

Jerimaya 38:7 Iomraidhean Croise

2 Amadapụ 24:15

Ò kun-ḅara ḅụ amadaḅọ Jehohakịnị na, amadaḅọ ḅe iyingi na, ori ereme na, ori opu fịrịmẹnjịapụ na, ama mẹ ḅẹ sịḅịdapụ ma na dogi-so Babịlọnị mum Jeruselemu ḅụ.

Devidi-Anume 68:31

Amịna asịẹ tọrụ ḍima tẹ ja sịẹ ḅụ simearị apụ ma Ijiputi ḅụ sime tẹ ḅo ḅa; Sudanị ḅẹ apụ ma amịna aḅara saakị-gelema tẹ Tamụnọ tẹkẹ ḅa.

Egberima-Ẹkwẹn 29:10

Ọmbie ọsụma pọkọ-tarị apụ ḅẹḅọ-ḅẹḅọ tẹ kịnị mingirima-mingirima-a ḅọ ḍiki-ḅioḅuarị, kụma karakaraye-mịẹapụ ọkọ sime tomḅọ ḍumo gbaịn ḅọrọmarị.

Ayịzaya 56:3

Jen sịẹ ḅẹ ḅọ tẹ ḅo amịna ḅụụ kẹ KỊNỊNYANAḄỌ ḅe atomi ma na gboloma tẹ ḅọ ḅẹẹ ma mịnẹ: “KỊNỊNYANAḄỌ ḍụkụ tẹ arị ori atomi na sunsin ọ̀ pịrị ḅịa.” Pootẹ owiḅọ gbala-gbala kuroma ma mịnẹ mḅọ inetẹ awọ iyi ḅịa ẹrẹsị mḅọ inetẹ Tamụnọ atomi ma ḅẹ ḅọ sọ ḅịa.

Jerimaya 13:23

Kurukuru oju sụa tomḅọ inetẹ anị ḍima ḅẹ, anịanịa sịrị ori oju ḅụ gbọọn-gbọọn aị ma siin? Ini inem ḅẹḅẹ, tẹ si sikima jen mịẹ ḍin-a ḅọ ma sọ ḍawọ tẹ kuraye mịẹ ḅa.

Jerimaya 20:2

ọ̀ tọn tẹ ini ì fomu tẹ ikoli kẹ ị̀ ịkasị tẹ ị̀ kẹ Benijamịnị Ogigo-ḅọkọ mẹ ḅẹ ọgọnọ-jụ koromam, Tamụnọ-warị mẹ ḅio.

Jerimaya 26:16

Anịtẹso sịḅịdapụ ma na tomi ma na agbamịẹapụ ma na ịkịankoroapụ ma na ḅẹẹm, “Ḅị tomḅọ ḅe KỊNỊNYANAḄỌ, wamịna Tamụnọ ḅe, ẹrẹ ḅụ ẹkwẹn wa pịrịm, ọ̀ kẹ ḅaa ḅụ suu-suu ḅọkọ ofori.”

Jerimaya 29:2

Arị anị kẹ sakị anie ini Ama-da Jehohakịnị na, ò iyingi na, ama-da warị mẹ ḅẹ opu fịrịmẹnjịapụ na, Juda na Jeruselemu na ḅẹ sịḅịdapụ na, ḅara-ḍịn apụ ma na, kọrịnama ḍin apụ ma na ọkị so jen sịẹ ḅụ koroma sakị mẹ ḅụ.

Jerimaya 34:19

Juda na Jeruselemu na ḅẹ sịḅịdapụ ma na, amada-warị mẹ ḅẹ fịrịmẹnjị-opuapụ ma na, agbamịẹapụ ma na, amakiri mẹ ḅẹ atomi mamgba na tẹ nambulo ḅe maa apakịrị ma ogboku mẹnjị ḅọrọ apụ ma,

Jerimaya 37:13

Kụma à mu Benijamịnị Onu Ḅọkọ mẹ la tẹso, anị anga ama-koru sime ọmụapụ ma sịḅịdaḅọ, Irija nwẹn-sịn tomḅọ Selemaya owiḅọtụḅọ, pịkị Hananaya taa-owiḅọtụḅọ ḅe nwẹnị ị̀ dasịẹma tẹ ḅẹẹ, “Í so Babịlonịya ḅẹ apụ jụ sọ ḅẹ muarị!”

Jerimaya 38:8

Mie ḅụ Ẹbẹdị-mẹlẹkị anịanga mu tẹ amadaḅọ ḅe ḅẹẹm,

Emọsị 5:10

Ọmịnị ma inoma ḍụkụ-a tẹ ḅẹrẹ-siri ḅio bebe karakara mẹ ḍukoarị apụ ḍiki-ḅioḅuarị.

Zẹkaraya 14:10

Bebe iri mẹ, ọgọnọ-jụ Geba ḅụ ọkị-ḅo suku-jụ Rimọnị la, ịn ḅaa lẹsẹrẹma ḅa. Jeruselemu gele fa anị ikelema-koro kiri mẹ nẹngị ḅa; opu ama mẹ Benijamịnị Ogigo-ḅọkọ ḅụ nangwọ mu Ịkọlị Ogigo-ḅọkọ mẹ la ḅa, anie tarị ḅụ ogigo sime-sime anga mẹ, pịkị Hananẹlị Tawa ḅụ ọkị mu amadaḅọ iru pọnjị ayọ ma la.

Matiyo 20:16

Anịtẹso Jizọsị nwẹnị ẹkwẹn gbaịn ḅụ ḅẹẹ, “Mie ḅụ, kunoma apụ ma ḅo tarị apụ sọ ḅa, tẹ tarị apụ ma kunoma apụ sọ ḅa.”

Ditẹrọnọmị 21:19

ọ̀ ḍa-na-iyingi-na ori ọlọ tẹ ọ̀ pakama-ḅo ori opu ama mẹ ḅẹ omongiapụ ma pịrị ḅa, ịn ḅẹrẹkọn-arị ogigo-ḅọkọ mẹ ḅụ.

Jọsụwa 20:4

Ò ḍumo mangị kọn mịna opu ama ma ḅẹ gberie mu ḅa tẹ mẹnjị opu ama mẹ ḅio sọarị ogigo-ḅọkọ mẹ ḅụ sịẹsime tẹ ọ̀ ḅẹrẹ mẹ ḍuko finji kẹ anị opu ama mẹ ḅẹ omongiapụ ma pịrị ḅa; anịtẹrẹmẹ ini ori ọkị opu ama mẹ ḅio suu, tẹ gbọrụ anga kẹ ọ̀ pịrị tẹ ori ini na sime ḅa.