Jerimaya 38:6 - FỊAFỊA BAỊBỤLỤ

⁶ Mie ḅụ ịn nwẹnị ị̀ ọkị tẹ ị̀ kẹ Amadaḅọ tụḅọ Malikịja suḅe ḅio koroma ḍiki ḅụ, amadaḅọ ḅẹrẹ-siri mẹ nụngọ ḅụ. Anị ḅio minji ofori, opou ngẹrị, tẹ à nwẹnị anị ḅio sọ ḍiḅi.

Jerimaya 38:6 Iomraidhean Croise

Suku-saakị 37:24

tẹ ịn nwẹnị ori ọkị tẹ ọ̀ kẹ gbọrụ olulu ḅio wakị su. Olulu mẹ ḅio gbọrụ ye so ofori, minji anị ḅio ofori.

Devidi-Anume 109:5

À kẹ ịn mịẹarị iḅi ḅụ in si kẹ ị̀ gbẹẹarị, tẹ ḍiki-ḅioḅu kẹ ḅẹlẹma kiri ḍimarị.

Devidi-Anume 40:2

Ori ị̀ nụnụ pakama-ḅom si opou mẹ ḅio, ḅụọ sọ-mu kụrọ kiri la-laa onwin mẹ ḅio: ọ̀ nwẹnị ye ḅụụ la-a ḅara kẹ ị̀ kẹ ịkụ ọgọnọ sịẹma, tẹ nwẹnị ye ḅarị ị̀ la ḅịa ḅara kẹ ị̀ wẹrị.

Devidi-Anume 69:2

Ḅụọ sọ mu kụrọ kiri sịẹ-sịẹ-a opou ḅio à sọ faarị, tẹ kụrọ kiri gbala-gbala ofori; owolo ḅio àrị emi, tẹ ọnụngọ ì sombi ḅaa ḅẹ-yearị.

Jerimaya 32:2

Anị sakị mẹ ḅụ Babịlonịya ḅẹ amadaḅọ ọmụ-ogbo mẹ owu kẹ Jeruselemu pakarị, tẹ amadaḅọ onu mẹ ḅio ini ị̀ kẹ ikoli suu wararị.

Jerimaya 36:26

Anịtẹso ọ̀ tọn Jeramili, amadaḅọ tụḅọ ḅe pịrị tẹ Sẹraya, Azarẹlị tụḅọ ḅe na, Selemaya, Abudili tụḅọ ḅe na kẹ ọ̀ ḅụ sụam mịnẹ ini yẹrị na ì ḍiri-kẹẹḅọ Baruku na kun. Kụma KỊNỊNYANAḄỌ ḅe wa kikimam.

Jerimaya 37:16

Kiri suku-ḅio ḅẹ ḅio ḅụ mie ini ị̀ kẹ wẹrị ye, tẹ anịanga ini ị̀ kẹ wẹrị alamam.

Jerimaya 37:21

Mie ḅụ, Ama-da Zẹdẹkaya tọn tẹ ini ị̀ kẹ amadaḅọ ogigo mẹ ḅẹ ikoli-warị ḅio mẹ ḅụ ịkasị wẹrịm. Àrị anịanga simem, tẹ ene-ḅaaene-ḅaaene ịn fịturu kpoo kẹ ị̀ pịrịm, fịturu mịẹ anga mẹ ḅụ ḅo ye, nwenii opu ama mẹ ḅio sime fịturu goyegoye faam.

Jerimaya 38:13

tẹ ịn nwẹnị suḅe mẹ ḅio ị̀ nụnụ pakama-ḅo. Anie ḅọrọ tẹso, ini ị̀ kẹ amadaḅọ ḅẹrẹ-siri onu mẹ ḅio wẹrịm.”

Jerimaya 38:22

Anị ḅio ḅụ arị ẹrịm Juda ḅẹ Amada-Opu-warị mẹ ḅio kirikọn ereme mamgba ini ịn kẹ mẹnjị paka mu Babịlonịya ḅẹ amadaḅọ ḅe ọmụ-alapụ ma pịrịm.” In muarị sakị in ḍuko ye poki: Amadaḅọ ḅe ḅụụ iḅitẹịn ikiapụ ọ̀ da irima tẹẹ, ini rẹ ḅẹrẹtọn ọ̀ pịrịm. Tẹ mịọkụ ori aḅụọ opou ḅio ḍiḅi sọ-mu tẹso ori ikiapụ ma ò koroma-so tẹẹ.

Danẹlị 6:16

Mie ḅụ amadaḅọ ḅe tọnm in mu ò kun, tẹso, ini ọ̀ kẹ ọkụkụ-ọkụkụ ḅin wararị olulu mẹ ḅio gbin suum. Ọ̀ nwẹnị Danẹlị ḅẹẹ, “Yee ị́ Tamụnọ, tẹ ị́ ḅioḅẹngbọ kẹ ḅụụ ḅụ gbana na-iḅi ḅara kẹ fịrịmẹnjị pịrịarị ḅọ ḅe ị́ pụkọ-pakamaḅo.”

Zẹkaraya 9:11

KỊNỊNYANAḄỌ ḅe ḅẹẹarị, “Ị̀ ọḅọkụ tẹ àrị ị́nịna na fị tẹ agba ọmbie kẹ mịẹ kụrọma ye mẹ ẹrẹsị, àrị omoni ḅara-ḅio ị́ atomi pakama-ḅo ḅa — jen sịẹ ḅụ anga kpakịkịtẹ olulu mẹ ḅio.

Fịrịmẹnjịapụ 16:24

Ịn nwẹn ḅẹẹ ḅara mẹ gotẹ ikoliapụ ḍikiḍikiḅọ ḅe nwẹnị ịn kẹ ikoli-warị mẹ ḅioju ḅẹ ḅio ḅụ suu, tẹ iku-lamarị maa asịn ikiḅa kẹ ịna aḅụọ kpee kụrọma.

Hiburu 10:36

Ó ye-inema na-iḅim, mịẹtẹ ọ́ Tamụnọ ḅii ye mịẹ, tẹ ò minini ye mẹ nyana ḅẹ ḅara.