Jerimaya 38:4 - FỊAFỊA BAỊBỤLỤ

⁴ Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Jerimaya 38:4 Iomraidhean Croise

1 Amadapụ 21:20

Ehabụ Ịlayịja ẹrị tẹso, ọ̀ nwẹnị Ịlayịja gbela, “yei ị̀ na fịya-a ḅọ, í ḅo ị̀ ḍọkị ẹrị tẹ?” Ọ̀ nwẹnị pakịrị, “À ḅo ị́ ḍọkị ẹrị tẹẹ, gbala ị́yẹrị ḅe ị́ ḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ mẹ dẹrịma tẹ ẹrẹsị.

2 Paka-aị 24:21

Kụma ịn nwẹnị ḅẹrẹ-ḅiya ọ̀ pịrị, tẹ amadaḅọ ḅe tọn ḅara ḅụ ḍụḅarị kẹ ò gbin ḅaa KỊNỊNYANAḄỌ ḅe warị mẹ nụngọ ḅụ.

Ẹzịra 4:12

Yee mịọkụ anị í nimi tẹ ye sọ mịnẹ Juu-ḅẹ-apụ tẹ ị́ ḅụụ ḅụ sime tẹ wa ḍọkụma-ḅo apụ ma in so Jeruselemu mu tẹẹ. In siin anị sịḅị kụrọ tẹ si-sịḅịḅio-sụapụ ama mẹ namarị. In sukutarị-aḍụḅarị ma tẹlẹma tẹ pịkị onu mẹ namarị.

Nehimaya 6:9

Kẹ gotẹ ọkọ ḅẹẹarị, inimgba wamịna ḅala fama ḅẹ ḅiim, kuromarị, “Ịn ḅara sin ḅa kọrịnama mẹ ḅụ, tẹ anị ḅarị kọrị ḅịa.” Kụma Yei Tamụnọ, ịnyọ kẹ ị̀ aḅara ma ḅụ sụa, mịọkụ.

Paka-so 5:4

Kụma Ijiputi ḅẹ amadaḅọ ḅe nwẹnị Mozizi na Erọnị na gbela, “ó tiegotẹ tomi ma ọkị so ịna kọrịnama ḅụ? Ó mu ọmịna kụrọtẹ akọrịnama ma kọrịị.”

Jerimaya 11:21

Anatọtị ḅẹ atomi ma ḅiim ini ị̀ ḅaa, tẹ in ḍuko ị̀ pịrịm mịnẹ ini ị̀ ḅaa ḅa, à paa KỊNỊNYANAḄỌ ḅe oku mẹ ḍuko wasamarị ḅẹḅẹ.

Jerimaya 18:23

Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 26:11

Anịtẹso agbamịẹapụ ma na ịkịankoroapụ ma na nwẹnị sịḅịdapụ ma na tomi ma na ḅẹẹm, “Ḅị tomḅọ ḅe, ḅaa-ḅẹrẹ-pẹlẹ ọ̀ sịḅị gbana na-iḅim, ọ̀ tụḅụrụ ẹkwẹn kọn mị opu ama mẹ pịrị tẹ ẹrẹsị. Ọmịnị ḅarana ọmịna aḅeri kẹ naam.”

Jerimaya 29:7

Àrị ọ́ mịẹ tẹ ọmịnị ikoliapụ ḅara kẹ mu tẹ opu ama ma, ọmịnị arị iḅi ḅẹ ḅara gotẹ kọrịnama kọrịị. Ọmịnị in gotẹ ị̀ tẹkẹẹ, kẹ gotẹ ọkọ ḍukoarị, ịn lọkọlọkọ kụma, ọmịnị sọ lọkọlọkọ ḅa.

Jerimaya 38:16

Mie ḅụ Ama-da Zẹdẹkaya ḅe ḅọị anga ḅụụ ye minini ị̀ pịrịm, “À ḍumo wararị Tamụnọ ḅe ḅụ ye karịm, ḍumo kẹ wa pịrị Tamụnọ ḅe, mịnẹ arị ị́ ḅaa ḅịa, anịanịa ị́ saḅama ị́ ḅaa ḅẹ ḅiiarị apụ pịrị.”

Jerimaya 38:25

Fịrịmẹnjị-opuapụ ma naa mịnẹ ị́ ị̀ na ẹkwẹnm ḅẹ kụma ịn ḅo wa ḍuko ye kẹ í gbela ḅa. Ịn minini ị́ pịrị ḅa mịnẹ ini ị́ ḅaa ḅịa í ye goyegoye ḍuko ịn pịrị kụma.

Jerimaya 43:3

Baruku, Nẹrịya tụḅọ í toluma tẹ ị́ wamịnị na tụḅụrụarị, mịẹ tẹ Babịlonịya ḅẹ apụ ma wa nẹngịma tẹ wa ḅaa anịanịa wa ọkị-so Babịlonịya mu ḅẹ ḅara.”

Izikẹlị 22:27

Kọnsịnị fịrịmẹnjị-opuapụ ma kịkarị aị anie anamakiri amẹẹ tẹ ịn ḅaa tẹ anama ma kanị-kanị-sararị aị. Ngọ-kọn mie ịn gotẹ kịnị ḅaa si mịẹarị ye.

Emọsị 7:10

Anịtẹso Amazaya, Bẹtẹlị ḅẹ agbamịẹḅọ ḅe nwẹnị fịrịma mu ḍuko Izirẹlị ḅẹ Amadaḅọ Jerobohamụ pịrị: “Tomi ma ogboku ḅụ Emọsị si ḅẹrẹ ḅịya ị́ pịrịarị. Ori ẹkwẹn ma bebe amakiri mẹ fama ḅa.

Luku 23:2

tẹ saakị ḅẹrẹ ḍuko, ḍuko ọ̀ sịḅị gbana anịanga ḅụ; ini mẹẹ, “Wa ḅị tomḅọ ḅe kunm ori ẹkwẹn tẹ kẹ wamịna atomi sịḅị ḅio pikirimarị ogbo, mịnẹ ịn ḅarị ama igbigi oso Romu tomikiri mẹ daarị ḅọ ḅe pịrị ma, tẹ pịkị ḅẹẹarị mịnẹ ori anie Mẹsaya ḅe ḅioju, anie fiearị ye, amadaḅọ.”

Fịrịmẹnjịapụ 16:20

In nwẹnị pịkị ịn kẹ Romu ḅẹ fịrịmẹnjị-opuapụ ma tọrọkọ mu tẹ ḅẹẹ, “Mịna atomi ma Juu-ḅẹ-apụ, ịn wamịna ama fiemarị.

Fịrịmẹnjịapụ 17:6

Kụma ịn Pọlụ amẹẹ ẹrị-a ye ḅụ ịn nwẹnị Jesịnị na minini apụ ma ḅẹ ja apụ na fọnọ mu ama ḍikiḍiki kụrọ ḅara ḅụ sime apụ ma pịrị tẹ oloku tẹ ḅẹẹ, “Mịna atomi ma la tẹ ini ama fiema-a anga ofori! Mịọkụ in ḅo wamịna ama la tẹ,

Fịrịmẹnjịapụ 24:5

Ḅị tomḅọ ḅe, wa ḍọkị-ẹrịm, ori sụntẹ ḅụụ-fụkama ḍin lama tẹ lala-si tomḅọ; bebe tomikiri mẹ ḅụ ọ̀ la anga, la anga ò Juu-ḅẹ-apụ ma gbiri-gbirimarị, ori pịkị Nazarẹtị ḅẹ apụ ogbo mẹ sịḅịdapụ ma ḅẹ gbọrụḅọ.

Fịrịmẹnjịapụ 28:22

Anịsọ wa paa í kuroma sime aị naa ḅẹ ḅii ḅa, kẹ gotẹ ọkọ ḅẹẹarị, anga na, anga na ḅụ mie í simearị ogbo mẹ tomi anị ḅụ iḅiye ḍuko-a.”