Jerimaya 38:3 - FỊAFỊA BAỊBỤLỤ

³ À pịkị ḍuko ịn pịrị simem mịnẹ KỊNỊNYANAḄỌ ḅe ḅẹẹ tẹẹ, “À mị opu ama mẹ kẹ Babịlonịya ḅẹ ọmụ-ogbo mẹ pịrị ḅẹ-yearị, tẹ ini anị ọkị ḅa.”

Jerimaya 38:3 Iomraidhean Croise

Jerimaya 21:10

À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 21:4

in ḍuko Zẹdẹkaya pịrị, mịnẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko tẹẹ, “Zẹdẹkaya, àrị ị́ ọmụ-ogbo mẹ tẹ Babịlonịya ḅẹ amadaḅọ ḅe na ori ọmụ-ogbo mẹ na sọarị ye mẹ mịẹ tẹ owu anị ḅara sii ḅa. Arị ị́ ọmụapụ owuna-aị ma kobiri ḅo kpolima ḅa opu ama mẹ karakara ogbo ḅụ.

Jerimaya 21:9

Opu ama mẹ ḅio sime-ḅọ sime-ḅọ, mḅọ ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ. Ḅẹḅọ-ḅẹḅọ tẹ paka mu ḅara sakị Babịlonịya ḅẹ apụ ma tẹ owu kẹ opu ama mẹ pakarị apụ ma pịrị-ḅọ pịrị-ḅọ, ini mḅọ ḅaa ḅịa, jen-a jen-a sọ mḅọ amịna ḍumo mẹ pụkọ-paka-so ḅa.

Jerimaya 29:16

Ọ́ KỊNỊNYANAḄỌ ḅe Devidi da tẹ so ama-da yọ mẹ daarị ḅọ ḅe na mịẹ opu ama mẹ ḅẹ apụ, anie ọmịna amịnapụ tẹ ịn kẹ ọmịna ḅụ sụa ikoliapụ ḅara kẹ kun-soa apụ na gboloma ye ḅụ KỊNỊNYANAḄỌ ḅe ḍukoarị ye pokii.

Jerimaya 37:8

Anịtẹso Babịlonịya ḅẹ apụ ma pịkị-ḅo ḅa, ini owu kẹ opu ama mẹ paka tẹ anị ọkị tẹ dọkịma kiri lama ḅa.

Jerimaya 38:18

Kụma ị́ ḅara saakị-a ḅẹḅẹ, anị sakị rẹ mie ịn mị opu ama mẹ saḅama Babịlonịya ḅẹ apụ ma pịrị ḅarịye, anie anị dọkịma kiri lama ḅẹ apụ ma, tẹso, ị́ ịna ḅara gbarị ḅịa.”