Jerimaya 38:2 - FỊAFỊA BAỊBỤLỤ

² KỊNỊNYANAḄỌ ḅe ḅẹẹ tẹẹ, “Mị opu ama mẹ ḅio sime-ḅọ sime-ḅọ fịị ḅa ọmụ ḅio, anịanịa ḅuru-ḅa ḅụ, anịanịa obi ḅụ, Kụma mẹnjị paka mu tẹ amịna ḅụụ sịkị Babịlonịya ḅẹ apụ ma pịrị-ḅọ pịrị-ḅọ ini mḅọ ḅaa ḅịa, ḅarị jen-a sọ mḅọ amịna ḍumo mẹ kịngẹ kẹ paka-ḅo ḅa.”

Jerimaya 38:2 Iomraidhean Croise

Jerimaya 21:4

in ḍuko Zẹdẹkaya pịrị, mịnẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko tẹẹ, “Zẹdẹkaya, àrị ị́ ọmụ-ogbo mẹ tẹ Babịlonịya ḅẹ amadaḅọ ḅe na ori ọmụ-ogbo mẹ na sọarị ye mẹ mịẹ tẹ owu anị ḅara sii ḅa. Arị ị́ ọmụapụ owuna-aị ma kobiri ḅo kpolima ḅa opu ama mẹ karakara ogbo ḅụ.

Jerimaya 24:8

“Zẹdẹkaya, Juda ḅẹ Amadaḅọ ḅe, ò gbori wararị ama-ḅịḅị kẹ ẹkwẹn-arị apụ ma, na Jeruselemu ḅụ kirikọn-apụ ma na kịngẹ kụma, tẹ ama mẹ ḅio sime apụ ma, anịanịa so Ijiputi mu apụ ma, yẹrị, KỊNỊNYANAḄỌ ḅẹ, kẹ mịna si ḅaka tẹ ḅarị fị-fị ḅara sime figi-asịnmgbọlụ ma na mịẹ ḅara kịka ḅara kẹ inimgba na mịẹ ḅa.

Jerimaya 27:11

Kụma gbọrụ sịẹ sịḅị-tuu Babịlonịya ḅẹ amadaḅọ ḅe pịrị tẹ fịrịmẹnjị ọ̀ pịrịarị ḅẹḅẹ, anịsakị à mịẹ tẹ anị amịna ḅara kuḅu ḅẹ amakiri ḅụ sime tẹ ḍụọ ḍiḅi-ḍiḅi tẹ anị yọ anga ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 27:13

Tiye ẹrẹsị ị́yẹrị na ị́ atomi na fịị ḅẹ ọmụ ḅio, anịanịa ḅuru-ḅa ḅụ, anịanịa obi ḅụ? Anie KỊNỊNYANAḄỌ ḅe ọkọ ḅẹẹm ye mịnẹ sịḅị-tuu Babịlonịya ḅẹ amadaḅọ ḅe pịrị-a ḅọ pịrị-a ḅọ ḅụ paka ḅarị ye.

Jerimaya 29:16

Ọ́ KỊNỊNYANAḄỌ ḅe Devidi da tẹ so ama-da yọ mẹ daarị ḅọ ḅe na mịẹ opu ama mẹ ḅẹ apụ, anie ọmịna amịnapụ tẹ ịn kẹ ọmịna ḅụ sụa ikoliapụ ḅara kẹ kun-soa apụ na gboloma ye ḅụ KỊNỊNYANAḄỌ ḅe ḍukoarị ye pokii.

Jerimaya 29:18

Àrị ọmụ na, ḅuru-ḅa na, obi na kẹ in ḍuka ḅa, tẹ tomikiri ḅẹ asịẹ mamgba ini ẹrị ye ḅụ ḅalafaa ḅa. Àrị ịn gala-gala mu anga mu anga kịnị ịna ḅụ paka tẹ ye gotẹ ḅụụ-gbiripu tẹ tẹmẹ-naịn-naịn ḅa. Kịnị in kombo tẹ ịna ẹrẹ kẹ ye gbo ḅa.

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 39:18

Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 42:17

Inimgba tẹ tọn-koroma tẹ mịnẹ in mu Ijiputi ḅụ anga ḅa ḅẹ apụ ma ọmụ ḅio, anịanịa obi ḅụ fịị ḅa. Ịna ḅụ gbọrụḅọ-sọ fịị-a so ḅịa, gbọrụḅọ-sọ àrị ọkị-ḅo ịna ọgọnọ gbana ḅarị opu ḅụụ-fụka mẹ gbarị ḅịa.’ ”

Jerimaya 42:22

Mie ḅụ, ọkọ ḅẹḅẹ, ó miemẹ kẹ ḅiokoroma: ọmịnị ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ, ó mu anga ḅẹ-ḅiiarị amakiri mẹ ḅụ.”

Jerimaya 44:13

À fomu-ḅara kẹ Ijiputi ḅio angarị apụ ma pịrị ḅa, à kẹ Jeruselemu fomu gbọrụ ḅara mẹ — ọmụ ḅụ, ḅuru-ḅa ḅụ, pịkị obi ḅụ.

Jerimaya 45:5

Í ḅiiarị in sikima ị́ na mị? Ọkọ mịẹ ma. Arị opu ḅụụ-fụka ọkị-ḅo tomḅọ nwẹn sịnḅọ-sịnḅọ pịrịarị, kụma anị sime-ḅara sime-ḅara sọ, kunoma í í ḍumo kẹ pụkọ-so ḅa í mu yọ mu yọ sọ. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Izikẹlị 6:11

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ḅara ḅaa! Ḅụọ kẹ kiri tẹịn! Kururu ḅụ owu, anie siye mẹmgba na ḅụụ-ngụngụma aị na tẹ Izirẹlịapụ mịẹ tẹ aị gotẹ. In mu ọmụ ḅio na, ḅuru-ḅa na obi na ḅụ fịị ḅẹ-yearị.

Izikẹlị 7:15

Etela ma ḅụ ini owu-sọarị, tẹ warị aḅio ma ḅụ obi na ḅuru-ḅa na emi. Bebe amakiri mẹ ḅụ sime-ḅọ sime-ḅọ owu mẹ ḅio fịị ḅa, tẹ ḅẹḅọ-ḅẹḅọ tẹ opu ama mẹ ḅio sime-ḅọ sime-ḅọ sime obi na ḅuru-ḅa na pịrị ḅa.