Jerimaya 38:16 - FỊAFỊA BAỊBỤLỤ

¹⁶ Mie ḅụ Ama-da Zẹdẹkaya ḅe ḅọị anga ḅụụ ye minini ị̀ pịrịm, “À ḍumo wararị Tamụnọ ḅe ḅụ ye karịm, ḍumo kẹ wa pịrị Tamụnọ ḅe, mịnẹ arị ị́ ḅaa ḅịa, anịanịa ị́ saḅama ị́ ḅaa ḅẹ ḅiiarị apụ pịrị.”

Jerimaya 38:16 Iomraidhean Croise

Nimi Tolumaḅọ 12:7

tẹ fọọn-fọọn-fọọn oju mẹ pịkịma kiri ḅio mẹ mu tẹ tarị anị sime-ḅara sime, tẹ tẹmẹ mẹ pịkịma-so anị pịrị Tamụnọ ḅe ḍọkụma-mu ḅa.

Ayịzaya 42:5

Tamụnọ So-tọrụ mẹ tẹmẹ tẹ anị kẹ anị finji mu la anga lamam; Ori tomikiri mẹ na anị ọgọnọ angarị aị mamgba na mịẹm; Ori ḍumo na ọwụ-sara na kẹ ori atomi pịrịm. Tẹ mịọkụ KỊNỊNYANA-TAMỤNỌ ḅe ọ̀ fịrịmẹnjịḅọ ḅẹẹarị,

Ayịzaya 57:16

À ḍumo kẹ ì atomi pịrịm, tẹ à ḅarị ḅẹrẹ kẹ ịna sịḅị sịn tọrọkọ-tọrọkọ mu ḅịa, anịanịa ịganị ịn pịrị mu ḅẹẹ-sakị ḅẹẹ-sakị la, anị nwẹnị ọkọ kụma mimgbe ịn fịị tẹ, anie yẹrị ḍumo kẹ pịrịtẹ gbọrụ atomi ma.

Jerimaya 34:20

àrị ịn saḅama si kẹ ịn tọn-arị apụ ma pịrị ḅa, anie ịn ḅaa ḅẹ-ḅiiarị apụ ma, tẹ feni amẹẹ na piri-ḅio-ḅẹ anama na ịna aḍụẹịn ma pẹị ḅa.

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Zẹkaraya 12:1

Mie Izirẹlị gboloma oku tẹ KỊNỊNYANAḄỌ ḅe, So-tọrụ mẹ finjima pakama, tẹ Kiri mẹ tẹmẹ, tẹ ḍumo kẹ tomi pịrị ḅọ ḅe ḅara ḅo ye. Ori mẹẹ,

Kịẹn-aḅịḅị 16:22

Kụma Mozizi na Erọnị na nwẹnị ịna atọrụ-kuḅu kẹ ḅịkị kiri koro tẹ ḅẹẹ, “yei, Tamụnọ, oju-meni mamgba ḅẹ atẹmẹ ma ḅẹ Tamụnọ, kpọkpọ gbọrụ tomḅọ mịẹ si ḅụ ị́ ịganị nyana bebe tomina-ogbo mẹ pịrị ḅẹ?”

Kịẹn-aḅịḅị 27:16

“Yee KỊNỊNYANAḄỌ meni-oju mamgba ḅẹ atẹmẹ ma ḅẹ Tamụnọ ḅe tomina-ogbo mẹ ḍikiḍiki ḅẹ gbọrụ tomḅọ tọn,

Jọnị 3:2

Gbọrụ ḍin ḅụ ọ̀ Jizọsị dama-mu tẹ ọ̀ ḅẹẹm, “Rabayị, wa nimim anie Tamụnọ ḅarana kẹ fịrịma ye-tolumaḅọ. Gbọrụḅọ-sọ inetẹ ị́ mịẹarị ḅụụ-buama-aị ma mịẹ ḅịa Tamụnọ mḅọ na emi sikima tẹ.”

Fịrịmẹnjịapụ 17:25

Ọ̀ ḅụụ-fụkamarị tẹ tomi mịẹ ọ̀ pịrị, pịrị gberie-sọ ofori. Ori ḅe rẹ mie ḍumo na, wa sararị ọwụ mẹ na, ḅẹẹye-ḅẹẹye na kẹ ḅẹḅọ-ḅẹḅọ pịrịarị ḅọ.

Fịrịmẹnjịapụ 17:28

Anie gbọrụḅọ ḅẹẹ ḅara, ‘Ọ̀ ḅụụ mie wa ḍumoarị ye, mẹnjịarị ye, pịkị emi ye.’ Anie ọmịna ḅịḅị ḍịn apụ sọ ḅẹẹ ḅara, ‘Wamịnị sọ ori awọmẹẹ.’

Hiburu 12:9

Wamịna tomikiri ḅẹ aḍapụ wa datụkụma ḅẹ ye ḅụ wa fomuarị sakị, wa ịn mangịmarị. Nwẹnị ọkọ kụma ndẹẹ wa gotẹ anị ḅara nẹngị ḅara kẹ sịḅị-tuu wamịna tẹmẹ anga ḅẹ Ḍaḅọ ḅe pịrị tẹ ḍumo ḅịa ye!