Jerimaya 38:10 - FỊAFỊA BAỊBỤLỤ

¹⁰ Anịtẹso amadaḅọ ḅe tọn Ẹbẹdị-mẹlẹkị pịrịm mịnẹ ọ̀ tẹra owiapụ ọkị ọ̀ ḅụụ sụa tẹ ị̀ nụnụ pakama-ḅoo, tẹrẹmẹ à fịị sakị la.

Jerimaya 38:10 Iomraidhean Croise

Ẹsịta 5:2

Amadaḅọ ḅe Amadaḅọ Ta Ẹsịta sara-sime ḅio mẹ ḅụ sịẹsime wararị tẹ árị ẹrị tẹso, á nwẹnị ò ḍiki-tọrụ ḅụ ḍiki-ḅụụjịrị ḍọkị-ẹrị, tẹ ọ̀ nwẹnị golu-golu kụrọ mkpara mẹ tẹ ọ̀ ḅara-ḅio sime ye mẹ ọlọ pakama Ẹsịta da. Anịtẹso Ẹsịta nwẹnị mẹnjị sọma mu tẹ ḅara kẹ mkpara mẹ sịḅị lama.

Ẹsịta 8:7

Anịtẹso Amadaḅọ Ayasụrọsị nwẹnị Ama-da ẹrẹḅọ Ẹsịta na Mọdịkaya, Juu-ḅẹ-ḅọ ḅe na ḅẹẹ, “Ḍikii, àrị Emanị warị mẹ kẹ Ẹsịta pịrị tẹẹ, tẹ in kịnị-kpọḅaaye ọgọnọ ọ̀ kpọọ ḅaa tẹ, ò Juu-ḅẹ-apụ ma ḅaa ḅẹm ẹrẹsị.

Devidi-Anume 75:10

Ò si-sịḅịḅio-sụapụ ma kụrọ mẹ kan siin ḅa, kụma karakaraye-mịẹapụ ma kụrọ tọrọkọ-tọrọkọ mu ḅa.

Egberima-Ẹkwẹn 21:1

KỊNỊNYANAḄỌ sarasarama mẹnjịarị minji mẹ da anị mu ḅẹ anga pịrịarị ḅara mẹ, anie ọ̀ kẹ ḅẹrẹtọn amadaḅọ ḅe kuroma pịrịarị ḅara.

Jerimaya 38:11

Mie ḅụ Ẹbẹdị-mẹlẹkị nwẹnị ama-da warị mẹ ḅẹ ngọ-warị mẹ ḅio mu tẹ kẹ ḅarịye mịẹ-a ḅịtẹ ọkị tẹ kẹ ḍiki ḅụ iderima ị̀ pịrị.

Jerimaya 38:7

Anị sime-ḅara sime-ḅara sọ, Ẹbẹdị-mẹlẹkị, Sudanị ḅẹ pootẹ ḅọ, tẹ Amada-Opu-warị mẹ ḅụ fịrịmẹnjịarị ḅọ, nwẹnị naa mịnẹ ini ị̀ kẹ suḅe mẹ ḅio suutẹ. Anị sakị mẹ ḅụ amadaḅọ ḅe ḅẹrẹ-siri ḅụ emi Benijamịnị Onu-ḅọkọ mẹ ḅụ.

Jerimaya 38:9

“Í opu ḅụ, mịna atomi ma mịẹ ye kura-a. Ịn Jerimaya kẹ suḅe mẹ ḅio suu tẹẹ, anịanga ḅụ ḅuru kịngẹ sọ ọ̀ ḅaa ḅa, opu ama mẹ ḅio fịturu fa tẹ nwẹn ḅẹẹ sakị.