Jerimaya 37:7 - FỊAFỊA BAỊBỤLỤ

⁷ à Zẹdẹkaya ḅẹẹ, “Amadaḅọ Fero ọmụ-ogbo mẹ tẹ ḅarasụa ị́ pịrị ḅẹ ḅoarị apụ ma, ịn pịkịma-so ịna ama Ijiputi mu ḅa.

Jerimaya 37:7 Iomraidhean Croise

2 Amadapụ 22:18

Juda ḅẹ amadaḅọ ḅe tẹ ọ́ fịrịmam ó ḅo KỊNỊNYANAḄỌ ḅe ḅịḅị ḅii ḅẹ ḅọ ḅe kụma, mie ọ́ kẹ ọ̀ ḅẹẹ ḅarị ḅara, mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ḅara: ‘Ẹkwẹn-aḅịḅị ma tẹ ị́ naa aị ma gbolomaye,

2 Amadapụ 24:7

Ijiputi ḅẹ amadaḅọ ḅarị jen kẹ ori ama ḅio mẹnjị paka-ḅo-a, gbala Babịlọnị ḅẹ amadaḅọ sime ọ̀ pịrị anga mamgba Ijiputi ḅẹ Kuroro mẹ ḅụ ọkị mu Yuferetisi tọrụ mẹ la ọkị fama tẹ.

Egberima-Ẹkwẹn 21:30

Tomina nimi-o, sarasarama ḍawọ ye ḍin-o, ye ḅio sime-ḅara lekiri-o — ma ma arị ḅarasụa ị́ pịrị ḅịa; KỊNỊNYANAḄỌ ḅe ị́ na ofori ḅẹḅẹ.

Ayịzaya 30:7

Ijiputi pịrịarị ḅarasụa mẹ ye ḅụ sọ-a. Mie ḅụ arị ịwọ ẹrẹ kẹ Ijiputi koro tẹ: ‘Ye kẹ kịnị lama, lama-a opu pamba-sụa oronwi.’ ”

Ayịzaya 36:6

Ọmịnị ọkịarị Ijiputi ḅo ḅarasụa ọ́ pịrị ḅa, kụma aniemẹ kịka ḅarịye anie asịra okporo kẹ mkpara sọma — anị anyị tẹ ị́ ḅara temi ḅarị ya. Anie Ijiputi ḅẹ amadaḅọ kịkarị ḅara, gbọrụḅọ ọ̀ ḅụụ sịrẹrẹarị sakị.”

Jerimaya 2:18

Í kuromarị ị́ nyana ḅẹ sọye tiye í Ijiputi muarị ye mẹ ḅụ, Nayịlị tọrụ ḅẹ minji mẹ ḅuu mụnọọ? Í kuromarị ị́ nyana ḅẹ sọye tiye ị́ Asiriya muarị ye mẹ ḅụ, Yuferetisi tọrụ mẹ ḅẹ minji ḅuu mụnọọ?

Jerimaya 2:36

Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Jerimaya 2:37

Í Ijiputi ḅụ pịkị-so ḅa, ḅụụ-jịrị kẹ sịḅị-tuu ḅụ. Yẹrị KỊNỊNYANAḄỌ ḅe ị́ kẹ ḅiokpọmarị apụ ma sịkị tẹẹ; ịna ḅụ ị́ nyana ḅẹ gbọrụ sọye sọ ofori.

Jerimaya 21:1

Zẹdẹkaya, Juda ḅẹ amadaḅọ ḅe, Malikịja tụḅọ Pasọ na Masẹya tụḅọ Zẹfanaya na kẹ ị̀ fịrịma tẹ ị̀ ḅara miemẹ ḅiim,

Jerimaya 21:2

“Sisi ḍuko KỊNỊNYANAḄỌ ḅe pịrị wa pịrịị, Babịlonịya ḅẹ Ama-da Nebukadineza ori ọmụ-ogbo kẹ opu ama mẹ ikelema-koro tẹ anị ọkị ḅẹ ẹrẹsị. Ẹbịsịya KỊNỊNYANAḄỌ ḅe ọ̀ ḅụụ-buama-aị ma ḅẹ gberie mịẹ wa pịrị tẹ kụrọ-ḅara kẹ ọ̀ mịẹ tẹ ọ̀ pịkị-so ḅa.”

Jerimaya 37:3

Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 37:5

Babịlonịya ọmụ-ogbo mẹ Jeruselemu koro ḅẹ ḅara kẹ anị ikelema-koro tẹẹ, kụma in ḅo naa sakị mịnẹ Ijiputi ọmụ-ogbo mẹ amịna oke saḅa tẹ ḅẹẹ sakị ini ọḅụ dam.

Jerimaya 37:6

Anịtẹso KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ị̀ ḅẹẹm,

Kururu Owu-apọkọ 1:7

Jeruselemu á ḅụụ-fụka na árị akụ eneḅaka na ḅụ, á ḅụụ yela aị mamgba tẹ elemu sakị ḅụ á nyana aị ma kẹ ḅiokoromam. Árị atomi ḅịkị árị ọmụḅọ ḅe ḅara-ḅio sọ, tẹ ḅarasụa á pịrị ḅẹ gbọrụḅọ-sọ ofori sakị, ọmụḅọ ḅe á ḅụụ ḅioḅẹlẹ nyanam, á ḅịkị mẹ kombo ḅụ.

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Izikẹlị 17:17

Ijiputi ḅẹ amadaḅọ opu kụrọ nyana ọmụ-ogbo mẹ sọ inetẹ ḅarasụa ọ̀ pịrị tẹ ori owu-sọ ḅịa, Babịlonịya ḅẹ apụ ma lịka sara gelema-gelema tẹ nkọrọ soku-soku sara tẹ kẹ tọnwa-apụ ḅaa ḅẹ sakị.

Izikẹlị 29:16

Izirẹlị ḅarị gbala-gbala jen kẹ ịna ḅụ sịrẹrẹ ḅịa, ḅarasụa gotẹ. Ijiputi ḅụ paka ḅarị ye mẹ kẹ Izirẹlị ḅiokoroma ḅa ịna ḅụ sịrẹrẹ mẹ kura-a la ḅara. Anịtẹso Izirẹlị nimi ḅa mịnẹ yẹrị anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe.”

Izikẹlị 30:22

Ọkọ ẹrẹsị mịọkụ mie yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko yee: Yẹrị anie Ijiputi ḅẹ amadaḅọ ḅe na fịya-a ḅọ. Àrị ọ́ maa aḅara kọngọ mamgba anyịma ḅẹ-yearị — iḅiye mẹ na anyị tẹ ye mẹ na — tẹ okologie mẹ ọ̀ ḅara siin-koro ḅa.