Jerimaya 37:3 - FỊAFỊA BAỊBỤLỤ

³ Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 37:3 Iomraidhean Croise

1 Amadapụ 13:6

Amadaḅọ Jerobohamụ nwẹnị Tamụnọ tomḅọ ḅe ḅẹẹ, “KỊNỊNYANAḄỌ, ị́ Tamụnọ ḅe ḍiki-ḅụụjịrị ḅii, tẹ tẹkẹ ị̀ pịrị, mịẹtẹ ị̀ ḅara mẹ ḅo anị sime-ḅara sime ḅẹ ḅara”. Tẹ Tamụnọ tomḅọ ḅe nwẹnị KỊNỊNYANAḄỌ ḅe ḅara ḅụ ḅii, tẹ amadaḅọ ḅe ḅara mẹ nwẹnị ḅo anị sime-ḅara sime.

Paka-so 10:17

Anịẹrẹsị mịọkụ arị ọ́ tẹkẹm, mị gbọrụ sakị mẹ kịngẹ ḅụ ọmịnị ì si wẹrịso ị̀ pịrịị, tẹ KỊNỊNYANAḄỌ ọmịna Tamụnọ ḅe tẹkẹẹ ọ̀ paa ị̀ ḅụụ ḅụ mị fịị mẹ kịngẹ saakị sin.”

Paka-so 8:28

Anie ḅụ Fero nwẹnị ḅẹẹ, “Mu ịkpa mẹ ḅio agba mịẹ KỊNỊNYANAḄỌ ọmịna Tamụnọ ḅe pịrị gotẹ arị ọ́ wẹrịso tẹ ó mu ḅa; kụma ó so ala-jụ mu ma. Ọ́ KỊNỊNYANAḄỌ ḅe tẹkẹ ị̀ pịrịị.”

Paka-so 8:8

Anịtẹso Fero nwẹnị Mozizi na Erọnị na sịn, tẹ ḅẹẹ, “Ọ́ KỊNỊNYANAḄỌ ḅe tẹkẹ tẹ ị̀ ḅụụ na, ị̀ atomi na ḅụụ ḅụ ngụ ma saakị siin, anịsakị à wẹrịso tẹ tomi ma sọ-mu agba mịẹ KỊNỊNYANAḄỌ ḅe pịrị ḅa.”

Paka-so 9:28

Ọ́ KỊNỊNYANAḄỌ ḅe tẹkẹẹ; kẹ gotẹ ọkọ ḅẹẹarị, mị so-alagba mẹ tẹ tẹịn-arị ye mẹ na, sararị so-aḍụḅarị ma na iḅi tẹẹ; à wẹrịso tẹ ó so ḅa, ọ́ ḅarị jen kẹ mịanga sime ḅịa.”

Jerimaya 15:11

KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 29:21

“Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, Ehabụ, Kolaya tụḅọ na Zẹdẹkaya, Masẹya tụḅọ ḅe na ḅụ ye ḍuko tẹẹ, anie ori ẹrẹ ḅụ iruo aị ḍuko ọ́ pịrịarị apụ ma. Ò ḍuko tẹẹ mịnẹ ori ịn saḅama Babịlonịya ḅẹ Ama-da Nebukadineza kụrọ ḅara ḅio suu tẹ ọ́ tọrụngbọ kẹ ẹrị ḅarị ḅara kẹ ịn ḅaa ḅa.

Jerimaya 29:25

“Miemẹ anie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye: Ị́ ị́ soku ḅẹ ẹrẹ kẹ ḍiri kẹẹ-kẹẹ tẹ kẹ Jeruselemu ḅụ sime apụ mamgba na Zẹfanaya, Masẹya tụḅọ Agbamịẹḅọ ḅe, na osi agbamịẹapụ mamgba na fịrịmam. Ị́ Zẹfanaya ḅẹm,

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 37:7

à Zẹdẹkaya ḅẹẹ, “Amadaḅọ Fero ọmụ-ogbo mẹ tẹ ḅarasụa ị́ pịrị ḅẹ ḅoarị apụ ma, ịn pịkịma-so ịna ama Ijiputi mu ḅa.

Jerimaya 38:1

Sẹfataya, Matani tụḅọ na, Gedalaya, Pasọ tụḅọ na, Jehukalị, Selemaya tụḅọ, na Pasọ, Malikịja tụḅọ ḅe na nwẹnị naa mịnẹ à ḍuko tomi ma pịrị simem mịnẹ

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 42:20

mịnẹ ọ́ fị dogi-ḅo ọ́ pịrị ḅẹ mịẹ-irima mịẹarị. Ọmịnị ị̀ ḅara ḅiim à KỊNỊNYANAḄỌ wamịna Tamụnọ ḅe tẹkẹ ọ́ pịrị, tẹ ó mininim mịnẹ ọ̀ tọnye-tọnye ọ́ mịẹ ḅa.

Jerimaya 52:24

Nebuzaradanị, anị ḅẹrẹtọn Babịlonịya ọmụ-ogbo mẹ pịrị fịrịmẹnjị-opuḅọ ḅe, nwẹnị pịkị ikoliapụ ḅara kẹ Sẹraya Sịḅịda-Agbamịẹḅọ ḅe na, Zẹfanaya ọ̀ palị agbamịẹḅọ ḅe na, fịrịmẹnjị ọrụ ḅụ Tamụnọ-warị mẹ ḅẹ tẹra fịrịmẹnjị-opuapụ na ọkị-so.

Kịẹn-aḅịḅị 21:7

Tomi ma nwẹnị ḅo Mozizi la tẹ ḅẹẹ, “Wa si mịẹ tẹ; kẹ gotẹ ọkọ ḅẹẹarị, wa KỊNỊNYANAḄỌ ḅe na ịna ḅụ tụḅụrụ ẹkwẹn kọn tẹ; KỊNỊNYANAḄỌ ḅe tẹkẹ wa pịrịị, mịẹtẹ ọ̀ wamịna ḅụụ mịna oronwi ma sin ḅarị ḅara.” Mie ḅụ Mozizi tẹkẹ tomi ma pịrịm.

Fịrịmẹnjịapụ 8:24

Sayịmọnị nwẹnị Pita na Jọnị na ḅẹẹ, “Sisi ọ́ KỊNỊNYANAḄỌ ḅe tẹkẹ ị̀ pịrịị, mịẹtẹ ó ḍuko aị ma ḅẹ gberie-sọ ị̀ ḅụụ paka ḅịa ḅara.”

1 Samụẹlị 12:19

Tẹ tomi mamgba nwẹnị Samụwẹlị ḅẹẹ, “KỊNỊNYANAḄỌ ị́ Tamụnọ ḅe tẹkẹ ị́ afịrịmẹnjịapụ pịrị, mịẹtẹ wa fịị ḅịa ḅara, kẹ gotẹ ọkọ ḅẹẹarị, wa pịkị gbọrụ amadaḅọ ḅii wamịna-aḅụụ pịrị tẹ mị siye mẹ kẹ mu wamịna asi mamgba ḅụ sụa tẹ ḅẹẹ-sakị.”