Jerimaya 37:10 - FỊAFỊA BAỊBỤLỤ

¹⁰ Ọ́ nwẹnị nimiatẹ Babịlonịya ḅẹ ọmụ-ogbo mẹ nẹngịma sọ, tẹ ịna ḅụ ye la apụ ngẹrị kọn sọ, ịna akpụrụ-awarị ḅio ịn ḅọlọlọ sime wararị ayọ ma ḅụ ịn saakị tẹ mịẹ opu ama mẹ dọkịma kiri lama ḅa.”

Jerimaya 37:10 Iomraidhean Croise

Ayịzaya 10:4

Ọmụ ḅio ọ́ fịị-a ḅẹḅẹ, ini ọ́ fọnọ so ḅa ikoliapụ ḅara ḅụ. Anịsọ KỊNỊNYANAḄỌ ḅe ịganị mẹ kunoma ḅịa; ọ̀ ḅara paa sụụn-paka ḅa, kẹ fomu.

Ayịzaya 13:15

Ọkọ kẹ mangị-soarị tẹ in kun ḅọ, kun ḅọ, ini ogie kẹ mḅọ temi ḅaa ḅa.

Ayịzaya 14:19

kụma í ḍuḅu nyana, tẹ í oju akpakpa mẹ ịn kẹ wakị pakama tẹ anị ḅụrụ tẹẹ. Ini anị kẹ wakị suuarị ḍụḅarị olulu ḅio ịn kẹ anị na wakị suuarị ọmụ kiri fịtẹ-apụ ma oju akpakpa na anị ponoma wararị.

Ayịzaya 30:17

Ọmịna ḅụ ḅẹ kịnị maa ẹndẹ oyia asi finji ọmịnị na fịya-a apụ ma ḅẹ gbọrụ ọmụḅọ ẹrị tẹ mangị fa ḅa, tẹ sọnọ ọmụapụ ngẹrị ḅo tẹ, mịẹ tẹ ọmịna atomi mamgba mangị fa ḅa. Ọmịna ọmụ-ogbo ḅụ gberie-sọ kiri kọn ḅịa, tụndụ ọgọnọ-jụ ngẹrị pike wararị arụ pike ḅịtẹ sịn sikima.

Jerimaya 21:10

À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 37:11

Babịlonịya ḅẹ ọmụ-ogbo mẹ nwẹnị Jeruselemu ḅụ ọḅụ da Ijiputi ḅẹ ọmụ-ogbo mẹ tolu-paka ḅẹ-yearị ẹrẹsị.

Jerimaya 37:8

Anịtẹso Babịlonịya ḅẹ apụ ma pịkị-ḅo ḅa, ini owu kẹ opu ama mẹ paka tẹ anị ọkị tẹ dọkịma kiri lama ḅa.

Jerimaya 49:20

Mie ḅụ ọmịnị à tọn tẹ kẹ Idọmụ ḅẹ apụ mịẹ ḅẹ ye pokii, à pịkị tọn tẹ kẹ Tẹmanị opu ama mẹ ḅẹ apụ ma mịẹ ḅẹ ye. Ịna awọmẹ sọ ini ịna fọnọ so ḅa, tẹ ḅẹḅọ-ḅẹḅọ sịḅị-kanakana ḅa.

Jerimaya 50:45

Mie ḅụ à tọn pẹlẹ tẹ kẹ Babịlọnị mịẹ ḅẹ-yearị ye pokii, à pịkị ḅiiarị à kẹ anị ḅẹ atomi ma mịẹ ḅẹ ye na. Ịna ḍọkọḍọkọ-awọmẹ kịngẹ sọ kịnị in fọnọ so ḅa, tẹ ọrụḅọ-ọrụḅọ sịḅị kanakana ḅa.

Jerimaya 51:4

Ye ịn la tẹ ini ịna opu ama ma ḅẹ etela-ogbo ma ḅụ fịị ḅa.

Kururu Owu-apọkọ 1:15

Ị̀ kụrọ-kụrọtẹ owiapụ mamgba, KỊNỊNYANAḄỌ ḅe ịn kalama famam ì ogboku ḅụ; ị̀ asambịrịma owiapụ ma gbẹẹ kọsịma ḅẹ ḅara gotẹ, ori ọmụ-ogbo sịn kobiri ị̀ ẹngbẹsẹm. KỊNỊNYANAḄỌ ḅe iru pọnjịye ye pọnjị ḅara kẹ Juda ḅẹ apụ ma nanga kọsịma tẹẹ.

Jowẹlị 2:11

KỊNỊNYANAḄỌ ḅe tọn ori ọmụ-ogbo pịrịarị tẹ ịn so-alagba fie ḅara fiearị. Ọ̀ ḅịḅị pokiarị ọmụapụ ma tọnwa-apụ, tẹ ịn pịkị opu kụrọ nyanam. KỊNỊNYANAḄỌ ḅe ene mẹ ḅalafama la ḅara ḍikii! Tụḅọ fịị-a so ḅẹ anị ḅụ?