Jerimaya 36:9 - FỊAFỊA BAỊBỤLỤ

⁹ Jehohakịmụ ḅo Juda da tẹ sọnọ karama kụra mẹ ḅụ eseni karama akalụ mẹ ḅụ, tomi ma ḅuru-ịmọm, mịẹ tẹ KỊNỊNYANAḄỌ ḅe iḅị-tọrụ kẹ in ḍiki ḅẹ ḅara. Jeruselemu ḅụ anga apụ mamgba na Juda ḅẹ ama ma ḅụ sime tẹ ḅo apụ mamgba na ḅuru-ịmọm.

Jerimaya 36:9 Iomraidhean Croise

2 Paka-aị 20:3

Anịtẹso Jehosafatị nwẹnị ḅalafaa, tẹ ọ́ ḅụụ tẹlẹma kẹ KỊNỊNYANAḄỌ ḅe ḍọkị pịrị, tẹ kpo-kpo gbolo Juda mẹmgba ikelema mịnẹ in ḅuru-ịmọ.

Nehimaya 9:1

Mịọkụ mị akalụ mẹ ḅẹ si ini aḍin finji karama ene ḅụ Izirẹlịapụ ma nwẹnị ḅuru-ịmọ kẹ kobiri tẹ akpa sụa tẹ ịnwaịn, tẹ fọọn kẹ ịna asịḅị sara.

Ẹsịta 4:16

“Mu tẹ suza ḅụ ị́ ḍọkị-ẹrị Juu-ḅẹ-apụ mamgba kobiri tẹ ọmịnị ị̀ sịḅị gotẹ ḅuru-ịmọ, tẹ ḍin na, eneḅaka na ḅụ tẹra aḍin kẹ fịye fị ma, pịkị minji ḅuu ma. Yẹrị na, ị̀ fịrịmẹnjị-eremịna-awọmẹ ma na sọ ọ̀ mịẹ ḅara mịẹ ḅa. Anịtẹrẹmẹ àrị amadaḅọ ḅe ḍọkụma-mu ḅa, anị oloko mẹ na tụḅụrụ wararị ḅẹsọ; tẹ à fịị-faa fa, yee à fịị-faa.”

Jerimaya 36:1

Jehohakịmụ, Josaya tụḅọ ḅe juda da tẹ ini karama kụra mẹ ḅụ, KỊNỊNYANAḄỌ ḅe ị̀ ḅẹẹm,

Jerimaya 36:22

Sakị mẹ okiringa sakị tẹ amadaḅọ ḅe Oḅoku sakị ḅẹ ama-da opu warị mẹ ḅio fịnị suku lẹgị wararị.

Jerimaya 36:6

Kụma à ḅiiarị jen sakị tomi ma ḅuru-ịmọarị sakị ị́ anịanga mu. Ị́ mịẹ ḅarịye, in-ikoarị-abịlala mẹ ḅio sime ye mẹ go ịn pịrị gele pọkọ ḅụ, mịẹ tẹ KỊNỊNYANAḄỌ ḅe ị̀ ḅẹ tẹ à ḍuko tẹ ị́ kẹẹ ye goyegoye ịn naa ḅarị ḅara, Juda ḅẹ apụ tẹ ịna ama-ama ma ḅụ sime ḅo apụ ma sọ ịna ḅụụ sọ tẹ naa.

Jowẹlị 1:13

Ọmịnị agbamịẹapụ, ọmịnị ọmịna akapa ḅiri tẹ owuu, ọmịnị agbamịẹ-anga mẹ ḅụ fịrịmẹnjịarị apụ, ọmịnị owuu! Ó mu Tamụnọ-warị mẹ ḅio bebe ḍin kẹ kururuu! Mgbọlụ-fịye ḅẹ agba na iru agba na daasịẹ tẹẹ, Tamụnọ warị mẹ ḅio.

Jowẹlị 1:14

Ó ḅuru-ịmọ tọn pakamaa, kobiri sịịn! Amakiri mẹ ḅẹ sịḅịdapụ ma na tomi ma na kobiri ḅoo, KỊNỊNYANAḄỌ ọmịna Tamụnọ ḅẹ Warị mẹ ḅio, tẹ owu pakama ọ̀ pịrịị.

Lẹvitikọsị 23:27

“Sọnọma akalụ karama akalụ mẹ ḅẹ oyi aḍin karama eneḅaka mẹ anie si-wẹrịso ḅẹrẹ fama ene mẹ, anị fịafịa kobiri sakị sọ ọ́ pịrị ḅa, anịsakị ó ḅuru-ịmọ ḅa, tẹ fịnị ḅụ agba mịẹ KỊNỊNYANAḄỌ ḅe pịrị ḅa.

Jona 3:5

Ninive ḅẹ apụ ma Tamụnọ Oku mẹ mininim. Mie ḅụ ịn tọn-pẹlẹm mịnẹ ọrụḅọ-ọrụḅọ ḅuru-ịmọ nyanam, tẹ tomi mamgba, ịna ḅụ ḍụḅatẹịn ḅọ ḅụ ọkị-ḅo iderima-tẹịn ḅọ la, akpa-ḅịtẹ ḅiri tẹ kẹ ḍie pakamam mịnẹ in si ḅụ pịkị tẹẹ.

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”

Ḅẹrẹkọn-apụ 20:26

Anịtẹso Izirẹlịapụ mamgba, bebe ọmụ-ogbo mẹ nwẹnị iwo so tẹ Bẹtẹlị ḅo, tẹ tẹmẹ-la ḅara kẹ owu. Ini anịjụ KỊNỊNYANAḄỌ ḅe tọrọkọ lẹgị-simem, tẹ ḅuru-ịmọ nwenii ḅoḅiri-so lam, tẹ KỊNỊNYANAḄỌ ḅe tọrọkọ dọkịma-agba na, dein-pịrị-agba na mịẹm.

1 Samụẹlị 7:6

Anieḅụ ịn Mizipa ḅụ kobirim, tẹ minji ḍuu tẹ anị kẹ KỊNỊNYANAḄỌ ḅe tọrọkọ sara pakamam, tẹ anị ene mẹ ḅụ ḅuru-ịmọm, tẹ anịjụ ḅẹẹm, “Wa KỊNỊNYANAḄỌ ḅe ḅụụ si mịẹ tẹ.” Tẹ Samụwẹlị, Mizipa ḅụ ḅẹrẹkọn Izirẹlịapụ ma pịrịm.