Jerimaya 36:5 - FỊAFỊA BAỊBỤLỤ

⁵ Anịtẹso à ḍuko Baruku pịrịm, anie ọ̀ mịẹ ḅẹ aị ma: “Ịn ḅarị ḍụkụ tẹ à Tamụnọ-warị mẹ ḅio sọ-mu-a.

Jerimaya 36:5 Iomraidhean Croise

Nehimaya 6:10

Sakị kẹlẹ ḅọrọ tẹso, à Sẹmaya, Delaya owiḅọtụḅọ, pịkị Mẹhẹtabẹlị taa-owiḅọtụḅọ ḅe tẹ warị ḅio amịna ḅụụ ịkasị wararị ḅọ ḅe dama-mum. Ọ̀ nwẹnị ḅẹẹ, “Yee wa mu Tamụnọ warị mẹ ḅio bịama, tẹ Tamụnọ-warị mẹ ḅio ḅụ ḅọkọ ma gbaịn; kẹ gotẹ ọkọ ḅẹẹarị, ịn ḅo ị́ ḅaa ḅẹ ḅoarị, ḍin ḅụ ịn ḅo ị́ ḅaa ḅẹ ḅoarị.”

Devidi-Anume 88:8

Ị́ mịẹ tẹ ì ikiapụ ị̀ kẹ gbin kuroma so tẹ; ị́ mịẹ tẹ àrị ịna sịḅị-ngụngụnma tẹ. À gbala kiri ikoli kẹ sụa ḅọ sọ tẹ ḅarị inetẹ paka-ḅo-a;

Jerimaya 20:2

ọ̀ tọn tẹ ini ì fomu tẹ ikoli kẹ ị̀ ịkasị tẹ ị̀ kẹ Benijamịnị Ogigo-ḅọkọ mẹ ḅẹ ọgọnọ-jụ koromam, Tamụnọ-warị mẹ ḅio.

Jerimaya 32:12

arị arị kẹ Baruku pịrịm, anie Nẹrịya owiḅọtụḅọ, pịkị Masẹya taa-owiḅọtụḅọ ḅe. Hanamẹlị na, kiri mẹ ḅụ sime tẹ ḅara-pono kẹ fẹẹ ḍiri mẹ ḅio sụa apụ ma na, amadaḅọ onu mẹ ḅio sime owiapụ ma na tọrọkọ mie à kẹ ọ̀ pịrị yee.

Jerimaya 32:2

Anị sakị mẹ ḅụ Babịlonịya ḅẹ amadaḅọ ọmụ-ogbo mẹ owu kẹ Jeruselemu pakarị, tẹ amadaḅọ onu mẹ ḅio ini ị̀ kẹ ikoli suu wararị.

Jerimaya 33:1

À paa amadaḅọ ḅe onu mẹ ḅio ḅẹ ikoli warị mẹ ḅio emi ogbo, KỊNỊNYANAḄỌ ḅe siin ori oku-ḅịḅị ḍuko ị̀ pịrịm.

Jerimaya 37:15

Ini ịganị ị̀ pịrị ḅara ḅụram, tẹ tọnm mịnẹ ini ì fomu tẹ ì kẹ ịkasị wẹrị Jonatanị warị ḅio, ama-da ḅẹrẹ-siri mẹ ḅẹ ḍiri-kẹẹḅọ ḅe, ini ọ̀ warị mẹ kẹ ikoli-warị sọmam.

Jerimaya 38:28

Tẹ ini ị̀ kẹ amadaḅọ ḅẹrẹ-siri onu mẹ ḅio wẹrị nwenii ịn Jeruselemu ọkị sakị lam.

Jerimaya 38:6

Mie ḅụ ịn nwẹnị ị̀ ọkị tẹ ị̀ kẹ Amadaḅọ tụḅọ Malikịja suḅe ḅio koroma ḍiki ḅụ, amadaḅọ ḅẹrẹ-siri mẹ nụngọ ḅụ. Anị ḅio minji ofori, opou ngẹrị, tẹ à nwẹnị anị ḅio sọ ḍiḅi.

Jerimaya 40:4

Mịọkụ arị ị́ aḅara ḅụ ikoli ma siin tẹ ị́ ḅụụ ḅara-siin-arị. Í ḅiiarị ị́ ị̀ na so Babịlonịya mu ḅẹḅẹ í inetẹ ọkọ mịẹ ḅa, tẹ arị í ḍikiḍiki ḅa. Bebe ama kiri mẹ sime ị́ pịrịm, sẹlẹ tẹ í ḅii-anga ḅii-anga mu.”

2 Kọrịntị 11:23

Ini Kịrayịsị afịrịmẹnjịapụ ḅẹḅẹ, à nọmụḅọ ḅara kẹ ẹkwẹn-arị kịka ḅarị sọ — yẹrị iḅi ịn nẹngị fịrịmẹnjịḅọ! Yẹrị ịnyọ kpọma kọrịnama kọrị ịn nẹngịm; arị anị ḅẹ ikoli sọ ịn nẹngịm tọnwa sakị ḅụ, anị ḅẹ fomu-ḅara da ịn nẹngị, tọnwa sakị fịị gbarị.

Ẹfisọsị 3:1

Miemẹ gotẹ, yẹrị Pọlụ, Kịrayịsị Jizọsị ikoliḅọ ḅe, ọmịnị Ja asịẹ ḅẹ apụ ma sịḅị ẹrẹsị, Tamụnọ tẹkẹarị.

Ẹfisọsị 6:20

Mị iḅi-oku mẹ sịḅị ẹrẹsị àrị amanyanaḅọ ẹrẹ ḅụ jen sịẹ mu ḅọ sọ wararị, karakaraye mịọkụ ikoli-warị ḅio arị emi ḅẹsọ. Ọ́ tẹkẹ ị̀ pịrị mịnẹ à ḅiokpọ tẹ iḅi-oku mẹ ḅẹ ẹkwẹn kọn, à mịẹ na-iḅi ḅara ḅụ.

2 Timoti 2:9

Àrị Iḅi Oku mẹ ḍukoarị ye mie à gotẹ tọrụsiẹrịarị, tẹ ini ị̀ kẹ si kẹ mịẹ-mịẹye sọma tẹ mịẹarị ḅọ ḅara ọkị tẹ, ì kun ikoli ḅio ịkasị wẹrị ye. Kụma Tamụnọ ẹkwẹn mẹ ini ikoli kẹ anị ịkasị wẹrị-a,

Hiburu 11:36

Ja apụ ini in kombo tẹ in fomum, osi apụ ini ikoli kẹ ini ịkasị tẹ ịn fọnọ mu ikoli-warị ḅio koromam.