Jerimaya 36:3 - FỊAFỊA BAỊBỤLỤ

³ Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 36:3 Iomraidhean Croise

Nehimaya 1:9

kụma ọ́ pịkịma ị̀ ḍọkụma-ḅom tẹ ì oloko ma koko tẹ arị mịẹ-mịẹ, ọ́ gala-gala mu ala-tẹịn So-atọrụ ma suku-ḅio sọ-sọ, arị arị ayọ ma ḅụ ó kobiri ḅo à ḅẹẹm ị̀ ẹrẹ mẹ sime ḅẹ tẹ à sẹlẹ-ọkị anga mẹ ḅụ koroma ḅa.’

Devidi-Anume 139:24

Ị̀ ḅụụ ḅio sime si, si ḍọkị-nimi tẹ ị̀ datụkụma mu sime gbamaso etela mẹ ḅio suu.

Ayịzaya 6:10

Anịtẹso ori ị̀ ḅẹẹm, “Mịẹ tẹ mịna atomi ma akuroma ma oḅoku, ịna aḅeri iningi, tẹ ịna atọrụngbọ pụụn, mịẹ tẹ ịn ḅarị inetẹ ye ẹrị, anịanịa naa, anịanịa ye fie ye naa ḅịa ḅara. Ini ọkọ mịẹ namịna, mimgbe ịn pịkị ị̀ dama-ḅo tẹ gwọọ tẹ.”

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 18:8

anịtẹso anị sịẹ mẹ anị ḅẹ si ḅụ pịkị-pịkị, à ḅẹẹm à mịẹ ḅẹ ye mẹ à ḅarị mịẹ ḅịa.

Jerimaya 23:14

Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Jerimaya 24:7

Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 26:3

Ẹbịsịya tomi ma poki tẹ ịna si etela ma ḅụ ḅara-siin ḅa. Ini ọkọ mịẹm ḅẹḅẹ, anịsakị arị ì kuroma ḍima ḅa ịna si-sịḅịḅio amịẹaị ẹrẹsị à tọn tẹ kẹ ịn ḅaa-guluguluma ḅẹ ye mẹ ḅụ.”

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Izikẹlị 12:3

“Mịọkụ, fịị-fịị tomḅọ, sarasarama saakị dogi ḅẹ aị kobiri fịna wẹrị, gbala ḍumo-mangị kọn ḅẹ ḅọ ḅara, tẹ ene amụ gbaịn koro-a ogbo saakị mẹnjị paka. Yee ḅẹḅọ-ḅẹḅọ í so jen anga muarị ye kẹ ị́ ẹrị. Ẹbịsịya arị kọngọ-kụrọ apụ ma ị́ kẹ elekima sụa ḅa.

Izikẹlị 18:23

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gbelarị, ‘Ó kuromarị tọrụ-tọrụ kẹ si tomḅọ mẹ ḍiki tẹ mḅọ fịị mẹ ị̀ ḅioḅẹlẹmarị aro? Ẹn-ẹn, anie nakara àrị ẹrị ḅẹ ḅiim mḅọ si-ḅụ-pịkị tẹ ḍumo.’ ”

Zẹfanaya 2:3

Ọ́ pịkị KỊNỊNYANAḄỌ ḅe da, ọmịnị-mgba tẹ ḅụụ-lẹgịmarị apụ ama kiri mẹ, ọ̀ tọn koroma aị ma poki tẹ mịẹarị apụ. Ó kuraye mịẹ tẹ ọmịna aḅụụ lẹgịmaa, KỊNỊNYANAḄỌ ḅe tọrọkọ ḅụ. Ẹbịsịya KỊNỊNYANAḄỌ ḅe ori ịganị ḍie-pakama ḅarị ene mẹ ḅụ fomu-ḅara ọ́ gbarị ḅarị ḅoto.

Matiyo 13:15

ịna akuroma sarasara-a ẹrẹsị, ịn pịkị ịna aḅeri suke pụnma tẹ, pịkị ịna atọrụngbọ gbaịn tẹ. Ọkọ-a kụma ịna atọrụngbọ ma ḅofa ye ẹrị, ịna aḅeri ma ḅofa ye naa, ịna akuroma ma ḅofa ye fiearị ye nimi, tẹ in ḅofa pịkịma ị̀ dama-ḅo, anie Tamụnọ ḅẹẹarị ḅara, tẹ arị ịn gwọ.”

Makị 4:12

anie mịẹ ẹrẹsị, in ḍiki-ḍiki-ḍikiarị sọ ini ẹrị-a; in poki-poki-pokiarị sọ, ini anị fiearị ye naa-a. Kẹ gotẹ ọkọ ḍukoarị, ini ọkọ mịẹ namịna, mimgbe ịn pịkị Tamụnọ da tẹ ori ịna si-wẹrịso tẹ.

Luku 20:13

Anịtẹso girepu-ḍụọ mẹ nyanaḅọ ḅe nwẹnị kuroma, ‘À tiye mịẹ ḅẹ? Àrị ị̀ ḅụụ yela lama wararị tụḅọ ḅe kẹ fịrịma ḅa; piki-pikiye-ofori ḅara ḅụ ini ọ̀ kẹ ye-sịn ḅa!’

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Fịrịmẹnjịapụ 28:27

kẹ gotẹ ọkọ ḅẹẹarị, mịna atomi ma ịna aḅioḅẹngbọ ikiri tẹ, tẹ ini ịna aḅeri suke pụnma tẹ; ịn pịkị ịna tọrụngbọ gbaịn tẹ. Anie ofori ịna atọrụngbọ ḅofa ye ẹrị, tẹ ịna aḅeri ye naa, tẹ ịna ḅioḅẹngbọ ye fie ye nimi, tẹ ịn pịkị ị̀ da tẹ arị ịn gwọ.”

Fịrịmẹnjịapụ 3:19

Ọkọẹrẹsị ọmịnị ọmịna asi ḅụ ḅara-siin, tẹ pịkị Tamụnọ daa, tẹ ori ọmịna asi wẹrịso ọ́ pịrị ḅarị ḅara. Ọmịnị ọkọ mịẹ-mịẹ,

Ditẹrọnọmị 30:2

tẹ ọmịnị na, ọmịna awọmẹ na, pịkịma KỊNỊNYANAḄỌ ọmịna Tamụnọ ḅe ḍọkụma-ḅo, tẹ mịmgba à tọn ọ́ pịrị aị mamgba ḅụ ọmịna ḅioḅẹngbọ mẹmgba na, ọmịna ḅala mẹmgba na kẹ ọ̀ ḅịḅị poki rẹ,

Ditẹrọnọmị 30:8

tẹ ọ́ pịkị sin KỊNỊNYANAḄỌ ọmịna Tamụnọ ḅe pọkọ poki tẹ ori oloko mamgba tẹ mịmgba à tọn ọ́ pịrị aị ma koko ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

2 Pita 3:9

KỊNỊNYANAḄỌ ḅe ò minini ye mịẹ ḅụ ọ̀ sakị fama fama-a, ja apụ kuromarị mịnẹ ọ̀ sakị famarị ḅara mẹ. Anie nakara, ọmịna ḅụ, ò ye-inemarị, ò ḅii-a gbọrụḅọ-sọ fịị gulugulu ẹrẹsị, kụma ò ḅiiarị inweni-mgba ịna asi ḅụ pịkị.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”