Jerimaya 34:9 - FỊAFỊA BAỊBỤLỤ

⁹ mịnẹ tomi mamgba ịna Hiburu omoniapụ ḅụụ ḅara-siin, tẹ ini ịna sịḅị atomi sọ — owiapụ na ereme na gbọrụ ḅara — mịẹ tẹ gbọrụḅọ-sọ ḅarị amịna pembema Izirẹlị ḅẹ ḅọ kẹ omoni sọma ḅịa ḅara.

Jerimaya 34:9 Iomraidhean Croise

Suku-saakị 14:13

Anịtẹso gbọrụḅọ tẹ pụkọ-pakaḅo ḅọ nwẹnị ḅo tẹ ḍuko Ebiramụ Hiburu ḅẹ ḅọ ḅe tẹ ịn kẹ Mamụrẹ, Amọrayịtị ḅọ ḅe oku nwẹn-sịn asịn ma na kpeki tẹ angarị ḅọ ḅẹ pịrị. Mamụrẹ, Amọrayịtị ḅọ ḅe anie Ẹsịkọlị na, Ena na iyimbere; mịna apụ ma anie Ebiramụ jụ ḅẹ apụ.

Suku-saakị 40:15

Kẹ gotẹ ọkọ ḅẹẹarị, Hiburu ama mẹ ḅio furu mie ini ị̀ furu pakama-ḅo ye; anịsakị mịanga amụ à gbọrụ si sọ mịẹ-a ịn gotẹ ị́ kẹ ḅo nwẹn sime ikoli ḅio suu na-iḅi ye.”

Paka-so 2:6

Árị anị finji tẹso, á nwẹnị tụḅọ ḅe ẹrị. Ori owuarị, á nwẹnị tụḅọ ḅe ḍiki sịḅị-kanakana tẹ ḅẹẹ, “Ḅieḅe anie Hiburu ḅẹ ḍọkọḍọkọ-awọmẹ ma ḅẹ gbọrụḅọ.”

Paka-so 3:18

“Anịsakị ini í ḍuko ịn pịrị ḅarịye mẹ poki ḅa; tẹ ị́yẹrị na, Izirẹlị ḅẹ omongiapụ ma na Ijiputi ḅẹ amadaḅọ ḅe dama-mu tẹ ọ̀ ḅẹẹ ḅa, ‘KỊNỊNYANAḄỌ ḅe, Hiburu ḅẹ apụ ma Tamụnọ ḅe ḅo wamịnị na bịama tẹẹ, anịsakị mịọkụ wa ị́ tẹkẹm, minini wa tẹra aḍin kẹ mẹnjị ịkpa mẹ ḅio sọ-mu, mịẹtẹ wa agba mịẹ KỊNỊNYANAḄỌ wamịna Tamụnọ ḅe pịrị ḅẹ ḅara.’

Jerimaya 25:14

Babịlonịya ḅẹ apụ mịẹ tẹ ye mẹ gbẹẹ-ye kẹ in gbẹẹ ḅa, tẹ tọnwa asịẹ na opu amadapụ na ịn kẹ omoni sọma ḅa.”

Jerimaya 27:7

Sịẹ-sịẹ mamgba fịrịmẹnjị ọ̀ pịrị ḅa, ịn pịkị fịrịmẹnjị ori owiḅọtụḅọ na ọ̀ taa-owiḅọtụḅọ na pịrị ḅa, nwenii ọ̀ ḅara-kuḅu ḅẹ sịẹ mẹ ḅịkị ḅẹ sakị ḅo la ḅa. Anịtẹso ọ̀ sịẹ mẹ fịrịmẹnjị opu kụrọ nyana asịẹ na opu amadapụ na pịrị ḅa.

Jerimaya 30:8

Kụrọmamgba nyana KỊNỊNYANAḄỌ ḅe ḅẹẹarị: Anị ene mẹ ḅụ, arị ịna kọngọ kpọọ wararị ye mẹ anyịma tẹ ịna ikoli ma siin ḅa, tẹ ịn ḅarị jen kẹ jen asịẹ ḅẹ apụ omoni-sọ ḅịa.

Jerimaya 34:10

Tomi mamgba na ịna sịḅịdapụ na ḅịḅị-kẹ-ogbosọm ịna ọmịnị apụ ḅụ ḅara-siin tẹ ḅarị jen kẹ ịn kẹ omoni sọma ma. Ini ịna ḅụ ḅara-siin,

1 Kọrịntị 6:8

Anie nakara, ó kura-aye kẹ jụmọ-jụmọ mịẹarị, pịkị jụmọ-jụmọ nye pụkọ-ọkịarị, anie ọmịnị mịnapụ, mịnapụ nwẹn ḅẹẹ apụ ma-o!

2 Kọrịntị 11:22

Ini Hiburu ḅẹ apụ ḅẹḅẹ, anie yẹrị sọ Hiburu ḅẹ ḅọ ḅara. Ini Izirẹlịapụ ḅẹḅẹ, yẹrị sọ Izirẹlị ḅẹ ḅọ. Ini Ebira-amụ furo-ḅẹ-apụ ḅẹḅẹ, yẹrị sọ Ebira-amụ furo-ḅẹ-ḅọ.

Ditẹrọnọmị 15:12

Ini ọmịna iyimbere Hiburu owiḅọ, anịanịa Hiburu ẹrẹḅọ kẹ ọ́ dẹrị-dẹrị, mḅọ sonio akụra kẹ fịrịmẹnjị ó pịrị ḅa, tẹ sọnọma akụra karama kụra ḅụ ọmịnị mḅọ wẹrịso tẹ mḅọ amịna sịḅị nyana ḅa.

Filipayị 3:5

Ì iyingi ì iyi koroma tẹ ninea ḍin ini ị̀ tarị-ḅụụ siinm; arị iyi ọrụ ḅụ yẹrị Izirẹlị ḅẹ ḅọ, Benijamịnị furo ḅụ à pakam, karakara Hiburu ḅẹ ḅọ. Juu-ḅẹ-apụ Oloko mẹ koko gboloma ye ḅụ, yẹrị Farịsiiḅọ,

1 Samụẹlị 14:11

Anieḅụ ini maa apụ ma ịna aḅụụ kẹ Filisiteni ḅẹ ọmụ-ogbo mẹ ḍiem, tẹ Filisiteniapụ ma nwẹnị ḅẹẹ “Ḍikii, Hiburu ḅẹ apụ ịḅụkụ ma tẹ ini ịna aḅụụ ḅọị anga ma ḅio paka-paka-ḅoarị.”

1 Samụẹlị 4:6

Filisiteniapụ ma oloku mẹ ḅẹ ye-yọ fiema mẹ naa tẹso, ịn nwẹnị ḅẹẹ, “Hiburu ḅịḅị fiearị apụ ma akpụrụ-warị mẹ ḅio mị gburo-gburotẹ oloku pọkọ mẹ tiye fie?” Ịn naam mịnẹ KỊNỊNYANAḄỌ ḅe Ọḅọkụ-Igbe mẹ ḅo akpụrụ-warị mẹ ḅio la tẹ ḅẹẹ ye ḅụ,

1 Samụẹlị 4:9

Ó ḅiokpọ nyana-a, tẹ owiapụ ḅara kẹ ọmịna aḅụụ mịẹ-pakamaa, yei mịẹ-pakamaa, yei Filisiteniapụ, anieofori ó ḅofa omoniapụ sọ Hiburu ḅịḅị fiearị apụ ma pịrị, ịn wẹrịtẹ omoni-sọ wa pịrị ḅara; ọmịnị owiapụ ḅara kẹ ọmịna aḅụụ mịẹ-pakama tẹ owu-sọọ.”