Jerimaya 34:5 - FỊAFỊA BAỊBỤLỤ

⁵ Í dein ḅụ fịị ḅa, tẹ í elemu aḍapụ fịị sakị ịn kụnụaị dọkịma ḅara, anie tarị ama-da tẹrẹmẹ da apụ ma, anị gbọrụ ḅara mẹ mie ịn kẹ kụnụaị dọkịma ị́ pịrị ḅarị ḅara. Ini í gotẹ kururu tẹ ḅẹẹ ḅa, ‘Wamịna amadaḅọ fịtẹ!’ Yẹrị, KỊNỊNYANAḄỌ ḅe ọkọ ḅẹẹm.”

Jerimaya 34:5 Iomraidhean Croise

2 Amadapụ 22:20

Anịẹrẹsị, ḍikii àrị í kobiri tẹ kẹ ị́ aḍapụ ma sime anga mu ḅa, anịsakị dein ḅụ arị í kobiri í ḍuḅu ḅio su ḅa, tẹ ị́ atọrụngbọ mịna si aị mamgba tẹ arị ọkị-ḅo mị yọ mẹ ọgọnọ gbana ḅẹ aị ma ẹrị ḅịa.” Ịn nwẹnị ma ẹkwẹn-aḅịḅị ma da ḅo amadaḅọ ḅe pịrị.

2 Paka-aị 16:14

Jeruselemu, anie Devidi opu ama mẹ, ḅio ọ̀ sọkị finji ọ̀ ḅụụ pịrị ḍuḅu mẹ ḅio ini ò ḍiḅim. Kịrị-kịrị ẹnyị ḅara tẹ kụnụaị mịẹarị apụ ma mịẹ aị ḅin wararị, ḍụẹịn dọkị ye ọgọnọ ini ọ̀ kẹ gbanam, tẹ ịn nwẹnị kụn kẹ ọ̀ pịrị ḅụ ḍụḅa ḅụratẹ opu fịnị kiri tọnọ.

2 Paka-aị 34:28

Ḍikii, àrị ị́ kobiri ị́ aḍapụ ḍọkụma-mu ḅa, anị sakị dein ḅụ mịẹ àrị ị́ kobiri mu ḍuḅu ḅio su ḅarịye, tẹ ị́ atọrụngbọ àrị ọkị-ḅo mị anga mẹ na, anị ḅụ simearị apụ ma na ọgọnọ gbana ḅarị siye mẹmgba ẹrị ḅịa.’ ” Tẹ ịn nwẹnị ẹkwẹn-ḅịḅị mẹ kẹ pịkị-ḅo amadaḅọ ḅe pịrị.

Jerimaya 22:18

Mie ḅụ KỊNỊNYANAḄỌ ḅe Josaya owiḅọtụḅọ Jehohakịmụ, Juda ḅẹ amadaḅọ ḅe gboloma ye ḅụ ḅẹẹarị: Gbọrụḅọ sọ ò ḍuu ḅịa ọ̀ fịị ḅụ, anịanịa ḅẹẹ: Anị ḅalafama ḅara ḍikii, ì ikiaḅọ, anị ḅalafama ḅara ḍikii! Gbọrụḅọ tọrụ sọ owu minji sara ọ̀ pịrị ḅịa, anịanịa owu, tẹ ḅẹẹ, yei ị̀ nyanaḅọ! Ị̀ amadaḅọ!

Jerimaya 34:4

Zẹdẹkaya í gboloma ye tẹ à ḍuko ị́ pịrịarị ye pokii. Ini ọmụ ḅio ị́ ḅaa ḅịa.

Kururu Owu-apọkọ 4:20

Wamịna anini ḅẹ ọwụ mẹ, KỊNỊNYANAḄỌ ḅe sẹlẹ ọkị tẹ ye mẹ, ịna aḍịẹịn ḅio ini anị kun ọkịm, oriḅe tẹ wa ḅẹẹm, “Ò suku-ḅio ḅụ wa opu asịẹ ma ogbo-ḅio, ḍumo-sime ḅa ḅẹ ḅọ ḅe.”

Izikẹlị 17:16

“Piki-pikiye-ofori ḅara ḅụ yẹrị, anie ḍumo wararị Tamụnọ ḅẹ sakị goyegoye,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹarị, “ḅị amadaḅọ ḅe Babịlonịya ḅio sime tẹ fịị ḅa, ori Babịlonịya ḅẹ amadaḅọ na fị ọḅọkụ mẹ kan ye ẹrẹsị, anie ọ̀ kẹ emine mẹ ọgọnọ lẹgịma ḅo ḅe.

Danẹlị 2:46

Anịtẹso Ama-da Nebukadineza kiri ḅio iḅo tẹ tọnm ini agba mịẹ-mịẹ Danẹlị pịrị, pịkị ḍiepịrị-aị kẹ ọ̀ pịrị.

1 Samụẹlị 31:12

ḅiokpọ tẹ kụrọma owu-sọarị owiapụ mamgba nwẹnị saakị, tẹ bebe ḍin mẹmgba kẹ mẹnjị, tẹ mu Ḅẹtị-seyani ḅẹ onu mẹ ḅụ Sọlụ oju-akpakpa mẹ na, ori owiapụ-awọmẹ oju-akpakpa ma na ọkịm; tẹ ini arị kẹ Jabẹsị ḅom tẹ anịjụ arị dọkịmam.