Jerimaya 34:13 - FỊAFỊA BAỊBỤLỤ

¹³ Izirẹlịapụ tẹkẹarị Tamụnọ ḅe ḍuko ị̀ pịrịm à tomi ma ḅẹẹ: “Àrị Ijiputi ḅara-ḅio ọmịna elemu-aḍapụ ma pụkọ-pakamaḅo tẹ ini omoni ḅụ so sakị mẹ ḅụ, arị ini na ọḅọkụ fịm tẹ ini omoni ḅara-ḅio paka-ḅom. À ḍuko ịn pịrịm mịnẹ:

Jerimaya 34:13 Iomraidhean Croise

Paka-so 13:14

Anịsakị jen ene fa-a jen ene ọmịna owiapụ awọmẹ ‘miemẹ tiye fiearị?’ kẹ ó gbela sakị; ọmịnị ịn ḅẹẹ ḅa, ‘opu kụrọ na ịnyọ na ḅụ KỊNỊNYANAḄỌ ḅe Ijiputi, wa omoni-sọ anga mẹ ḅụ wa pakama-ḅom.

Paka-so 13:3

Mozizi nwẹnị tomi ma ḅẹẹ, “Ọ́ mị eneḅaka mẹ kẹ ḅiokoromaa — mị ene mẹ tẹ KỊNỊNYANAḄỌ ḅe ọ̀ ḅara ḅẹ ịnyọ ḅụ Ijiputi, ọmịnị omoni-sọ anga mẹ, ḅio ọ́ pakama-ḅo mị yọ mẹ lama ene mẹ. Sunmatẹ gbọrụ fịturu sọ ọ́ fị ma.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Paka-so 24:3

Mozizi ḅo tẹ KỊNỊNYANAḄỌ ḅe ẹkwẹn-aḅịḅị mamgba na, kụrọ ḅara-ḅio sime ḅọ oloko tẹ ọ̀ sụa aị mamgba na ḍuko tomi ma pịrịm; tẹ tomi mamgba gbọrụ pọkọ kẹ pakịrị gboloma tẹ ḅẹẹm, “Ẹkwẹn-aḅịḅị tẹ KỊNỊNYANAḄỌ ḅe kọn ẹkwẹn mamgba wa mịẹ ḅa.”

Jerimaya 11:4

Mị ọḅọkụ mẹ anie à kẹ ịna elemu aḍapụ ma na fị ye mẹ, àrị Ijiputi ḅio ịn pakama-ḅo sakị, anie fịnị orumo ḅara kẹ kọrị sime akakiri mẹ ịna ḅụụ ḅụ. À ḍuko ịn pịrịm ini ị̀ ḅịḅị poki tẹ à tọn ịn pịrị ye goyegoye mị. À ḍuko ịn pịrịm mịnẹ ini ị̀ ḅịḅị poki-poki, ini ì atomi sọ ḅa, tẹ yẹrị pịkị ịna Tamụnọ sọ ḅa.

Jerimaya 11:7

Àrị Ijiputi ḅụ ịna elemu aḍapụ ma pakama-ḅo sakị, à tẹmẹ-la ḅara kẹ ịna aḅeri nụnụ-nụnụ nwenii ḅo mịmgba lam.

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 34:12

Anịtẹso KỊNỊNYANAḄỌ ḅe,

Jerimaya 7:22

Àrị Ijiputi ḅụ ọmịna elemu aḍapụ ma pakama-ḅo sakị à dọkịma-agba gboloma aị tọn koroma ịn pịrị-a, anịanịa osi kịrị-kịrị agba ma.

Ditẹrọnọmị 13:10

Ḍụḅarị mie ọ́ kẹ ò gbin ḅaa ḅarịye, gbala ọ̀ KỊNỊNYANAḄỌ ọmịna Tamụnọ ḅe tẹ Ijiputi ḅẹ ama mẹ ḅio, ọmịnị omoni-sọ anga mẹ ḅio ọ́ pakama-ḅo ḅọ ḅe ḅụụ ḅụ ọ́ nụnụ sin ḅẹ ḍọkịm ẹrẹsị.

Ditẹrọnọmị 15:15

Ọ́ kẹ ḅiokoroma ḅa mịnẹ Ijiputi ḅẹ ama ḅio ọmịnị omoni-sọ simem, tẹ KỊNỊNYANAḄỌ ọmịna Tamụnọ ḅe ọ́ pakịrị ọkịm, anị ẹrẹsị mịmgbaa ḅụ à tọn ọ́ pịrịarị.

Ditẹrọnọmị 16:12

Ọ́ kẹ ḅiokoroma ḅa mịnẹ Ijiputi ḅụ ọmịnị omoni-sọ simem; anịsakị mịna kẹẹ wararị oloko ma kẹ elekima sụa ḅụ ọ́ ḅụụ ẹbị ḅa.

Ditẹrọnọmị 24:18

Kụma ọ́ kẹ ḅiokoroma ḅa mịnẹ ọmịnị Ijiputi ḅụ omoni-sọ simem, tẹ KỊNỊNYANAḄỌ ọmịna Tamụnọ ḅe anịanga ọ́ pakịrị ọkịm, anịẹrẹsị à tọn ọ́ pịrịm ó miemẹ mịẹ.

Ditẹrọnọmị 29:1

Mịna aị ma anie ọḅọkụ mẹ ḅẹ ẹkwẹn-aḅịḅị ma tẹ KỊNỊNYANAḄỌ ḅe tọn Mozizi pịrịm, Izirẹlịapụ ma na fị nwẹn ḅẹẹ ye mẹ Mohabụ ḅẹ ama mẹ ḅio, ọḅọkụ mẹ tẹ Orẹbụ ḅụ ori inina fị ye mẹ sikima.

Ditẹrọnọmị 5:27

Sọma mu kpekii, tẹ KỊNỊNYANAḄỌ wamịna Tamụnọ ḅe ḍuko ḅẹ aị mamgba naa; tẹ KỊNỊNYANAḄỌ wamịna Tamụnọ ḅe ḍuko ị́ pịrị ḅarị aị mamgba ḍuko wa pịrị; anịsakị wa arị naa tẹ mịẹ ḅa.

Ditẹrọnọmị 5:6

Yẹrị anie KỊNỊNYANAḄỌ ọmịna Tamụnọ ḅe, tẹ Ijiputi ḅụ ọmịnị omoni-sọ anga mẹ ḅio ọ́ pakama-ḅo ḅọ ḅe.

Ditẹrọnọmị 6:12

ọmịnị ọmịna aḅụụ ẹbị, anieofori ọ́ ḅofa KỊNỊNYANAḄỌ ḅe tẹ Ijiputi ama mẹ ḅụ, omoni-sọ anga mẹ ḅio ọ́ pakama-ḅo ḅọ ḅe kẹ ḅioḅọrọma.

Ditẹrọnọmị 7:8

Kụma gbala KỊNỊNYANAḄỌ ḅe ọ́ ḅẹlẹmam tẹ tẹmẹ la ḅarasụa minini ye tẹ ò ye karị ḅara kẹ minini ọmịna aḍapụ ma pịrị ye mẹ koko ḅụ, mie KỊNỊNYANAḄỌ ḅe kẹ kụrọ nyana opu ḅara kẹ ọ́ pakama-ḅo tẹ ye, omoni-sọ anga mẹ ḅio, Fero Ijiputi ḅẹ amadaḅọ ḅe ḅara ḅio.

Ditẹrọnọmị 8:14

anị sakị ḅụ mie ọmịna ḅioḅẹngbọ saakị gele ḅarịye, tẹ ọmịnị ọmịna Tamụnọ ḅe tẹ Ijiputi ama mẹ ḅụ, ọmịnị omoni-sọ anga mẹ ḅio ọ́ pakama-ḅo ḅọ ḅe kẹ ḅioḅọrọma ḅarịye.

Jọsụwa 24:17

Kẹ gotẹ ọkọ ḅẹẹarị, KỊNỊNYANAḄỌ wamịna Tamụnọ ḅe tẹ Ijiputi ḅẹ ama ḅụ, omoni-sọ anga mẹ ḅio wamịnị na, wamịna aḍapụ na pakama-ḅo ḅọ ḅe, tẹ wamịna tọrụ-ogbo ḅụ gburo-gburotẹ elekima mịẹ, tẹ wa mẹnjị etela mamgba na wa ogbo-ḅio mẹnjị tolu atomi mamgba ḅụ wa wẹrị kpaịnma ḅọ ḅe;

Ḅẹrẹkọn-apụ 6:8

KỊNỊNYANAḄỌ ḅe nwẹnị gbọrụ ịkịankoroḅọ kẹ Izirẹlịapụ ma fịrịma; tẹ ọ̀ nwẹnị ịn ḅẹẹ, “Mie KỊNỊNYANAḄỌ ḅe ḍuko yee, Izirẹlịapụ tẹkẹarị Tamụnọ ḅe: àrị Ijiputi ḅụ ọ́ ḅọrọma ḅom, ọmịnị omoni-sọ anga mẹ ḅio ọ́ pakama-ḅom,