Jerimaya 34:11 - FỊAFỊA BAỊBỤLỤ

¹¹ kụma sakị ḅọrọ tẹso, ini ịna akuroma ḍima tẹ siin ini ọkị tẹ ponoma ḅara kẹ siin ịn kẹ omoni sọmam.

Jerimaya 34:11 Iomraidhean Croise

Devidi-Anume 125:5

Kụma í fomu-ḅara kẹ si-sịḅịḅio-sụapụ ma pịrị ḅa sakị, pịkị í etela ma kuroma so apụ ma sọ fomu. Dein Izirẹlị na simee!

Devidi-Anume 36:3

Si sịḅịḅio ẹkwẹn mie ori ẹkwẹn-arị, anị ḅio pịkị iruo aị, iruo-aị iruo-aị famam; gbọrụ sakị sọ ọ̀ ḅarị iḅiye na nimi nyana ye na mịẹ-a.

Paka-so 8:15

Kụma Fero ẹrịm mịnẹ mị sakị mẹ ḅọrọ-so tẹ, tẹso ọ̀ nwẹnị ò ḅioḅẹngbọ kụrọma, tẹ ḅarị ịn poki ḍụkụ-a; KỊNỊNYANAḄỌ ḅe ḅẹẹ tẹ ḅara mẹ.

Paka-so 8:8

Anịtẹso Fero nwẹnị Mozizi na Erọnị na sịn, tẹ ḅẹẹ, “Ọ́ KỊNỊNYANAḄỌ ḅe tẹkẹ tẹ ị̀ ḅụụ na, ị̀ atomi na ḅụụ ḅụ ngụ ma saakị siin, anịsakị à wẹrịso tẹ tomi ma sọ-mu agba mịẹ KỊNỊNYANAḄỌ ḅe pịrị ḅa.”

Paka-so 9:28

Ọ́ KỊNỊNYANAḄỌ ḅe tẹkẹẹ; kẹ gotẹ ọkọ ḅẹẹarị, mị so-alagba mẹ tẹ tẹịn-arị ye mẹ na, sararị so-aḍụḅarị ma na iḅi tẹẹ; à wẹrịso tẹ ó so ḅa, ọ́ ḅarị jen kẹ mịanga sime ḅịa.”

Egberima-Ẹkwẹn 26:11

Oḅori-ḅọ pịkị siin ọ̀ mịẹ ḅọrọtẹ oḅori ye mịẹ mẹ kịkarị ye anie, obiri pịkịma-so mu ori ọsụ-sara aị mẹnị.

Nimi Tolumaḅọ 8:11

Kẹ gotẹ ọkọ ḅẹẹarị, ịn fomu-ḅara pẹlẹ tomḅọ mịẹ siye pịrị, pịrị, in sarama anị mịẹ-mịẹ-a; tomina awọmẹ ma ḅioḅẹngbọ mẹ gbọrsịḅị tẹlẹma siye mịẹ pịrị wararị ẹrẹsị.

Jerimaya 34:10

Tomi mamgba na ịna sịḅịdapụ na ḅịḅị-kẹ-ogbosọm ịna ọmịnị apụ ḅụ ḅara-siin tẹ ḅarị jen kẹ ịn kẹ omoni sọma ma. Ini ịna ḅụ ḅara-siin,

Jerimaya 34:12

Anịtẹso KỊNỊNYANAḄỌ ḅe,

Jerimaya 34:16

Kụma anị tẹso, ó siin ọmịna akuroma ḍima tẹ ị̀ kụn-a ḅara kẹ ye mịẹm. Ọmịnị-mgba sọ ḅii tẹ ọ́ ḅụụ ḅụ ḅara-siin tẹ omoniapụ ma sịn pịkị ọkị tẹ ponoma ḅara kẹ ịn kẹ siin omoni sọmam.

Jerimaya 34:21

À pịkị Ama-da Zẹdẹkaya. Juda daarịḅọ ḅe na ọ̀ fịrịmẹnjị-opuapụ na saḅama ịn ḅaa ḅẹ ḅiiarị apụ pịrị ḅa. Àrị ịn saḅama Babịlonịya ḅẹ ọmụ-ogbo mẹ pịrị ḅa, anie mịọkụ owu kẹ ọ́ paka mẹ dasịẹma wararị apụ ma.

Jerimaya 37:5

Babịlonịya ọmụ-ogbo mẹ Jeruselemu koro ḅẹ ḅara kẹ anị ikelema-koro tẹẹ, kụma in ḅo naa sakị mịnẹ Ijiputi ọmụ-ogbo mẹ amịna oke saḅa tẹ ḅẹẹ sakị ini ọḅụ dam.

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Hosiya 7:16

Ini ị̀ ḅụụ pịkị so-so tẹ kụrọ nyana-a tamụnọ dama-muarị. Ḅioḅẹngbọ kẹ ịna ḅụụ ḅụ gbana na-iḅi-a ḅara mẹ gbala fangala-fangalatẹ iboli ḅụ ḅioḅẹngbọ kẹ gbana na-iḅi-a ḅara ọkụ. Ịna sịḅịdapụ ma opu ẹkwẹn opu ẹkwẹn kọn-arị ye mẹ ẹrẹsị ịn kụrọ-kụrọ fịị kọn ḅa, tẹ Ijiputi ḅẹ apụ ma ḍẹrị ḅa.”

Zẹfanaya 1:6

Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

1 Samụẹlị 24:19

Kẹ gotẹ ọkọ ḅẹẹarị, gbọrụ tomḅọ mḅọ na fịya-a ḅọ ḍọkị-ẹrị ọkụma, mḅọ gberie-sọ kẹ mḅọ lama-a ḅara kẹ mḅọ wẹrịso ḅẹ? Anieḅụ yee KỊNỊNYANAḄỌ ḅe mịmgba ị́ kẹ ị̀ mịẹ ye mẹ ḅụ iḅi gbẹẹ-ye kẹ ị́ pịrị.

1 Samụẹlị 26:21

Anịtẹso Sọlụ nwẹnị pakịrị, “À mịẹ-irima tẹẹ; ì owiḅọtụḅọ Devidi, pịkịma-ḅoo! Kẹ gotẹ ọkọ ḅẹẹarị, à ḅarị jen-maaịn kẹ ye kẹ ị́ lama ḅịa, gbala ì ḍumo mịmgba ị́ tọrụ-ḅio yelam ẹrẹsị; ḍikii, arị oḅori-sọ tẹẹ, tẹ gburo-gburo ḅara kẹ mịẹ-irima tẹẹ.”