Jerimaya 34:10 - FỊAFỊA BAỊBỤLỤ

¹⁰ Tomi mamgba na ịna sịḅịdapụ na ḅịḅị-kẹ-ogbosọm ịna ọmịnị apụ ḅụ ḅara-siin tẹ ḅarị jen kẹ ịn kẹ omoni sọma ma. Ini ịna ḅụ ḅara-siin,

Jerimaya 34:10 Iomraidhean Croise

Paka-so 21:2

“Ọmịnị Hiburu ḅẹ omoniḅọ fẹẹ, fẹẹ, sonio akụra mḅọ nwẹn kẹ fịrịmẹnjị ọ́ pịrị ḅa, sọnọma akụra karama kụra mẹ ḅụ mḅọ gbọrụ ye sọ gbẹẹ-a ḅara ḅụ amịna sịḅị nyana ḅa.

Ayịzaya 29:13

KỊNỊNYANAḄỌ ḅe ḅẹẹm, “Mịna apụ ma ọkịarị in sunsin ị̀ pịrịarị, kụma ịna ẹkwẹn ma ye fie-a, tẹ ịna aḅioḅẹngbọ ma pịkị jen yọ ḅụ emi. Ịna Tamụnọ nimi mẹ gberie-sọ gberie-a, tomina oloko na ama-anganga-ḅara na kịngẹ, tẹ ịn papaa ḍawọ sịḅị ḅio suu aị.

Jerimaya 26:10

Juda ḅẹ sịḅịdapụ ma paka tẹ ye naa tẹso, ịn nwẹnị fọnya ḅara kẹ ama-da warị mẹ ḅụ sime tẹ ḅo Tamụnọ-warị mẹ la tẹ ịna akiri ọkị Ịwọ Ogigo-ḅọkọ mẹ ḅụ.

Jerimaya 26:16

Anịtẹso sịḅịdapụ ma na tomi ma na agbamịẹapụ ma na ịkịankoroapụ ma na ḅẹẹm, “Ḅị tomḅọ ḅe KỊNỊNYANAḄỌ, wamịna Tamụnọ ḅe, ẹrẹ ḅụ ẹkwẹn wa pịrịm, ọ̀ kẹ ḅaa ḅụ suu-suu ḅọkọ ofori.”

Jerimaya 34:11

kụma sakị ḅọrọ tẹso, ini ịna akuroma ḍima tẹ siin ini ọkị tẹ ponoma ḅara kẹ siin ịn kẹ omoni sọmam.

Jerimaya 34:19

Juda na Jeruselemu na ḅẹ sịḅịdapụ ma na, amada-warị mẹ ḅẹ fịrịmẹnjị-opuapụ ma na, agbamịẹapụ ma na, amakiri mẹ ḅẹ atomi mamgba na tẹ nambulo ḅe maa apakịrị ma ogboku mẹnjị ḅọrọ apụ ma,

Jerimaya 36:12

Anịtẹso ori amada-opu-warị mẹ mu tẹ amadaḅọ ḅẹrẹ-siri mẹ ḅẹ ḍiri-kẹẹḅọ ḅio mẹ sọ-mum, anie opu-fịrịmẹnjịapụ mamgba kobiri sime anga mẹ. Ẹlịsama, ḅẹrẹ-siri mẹ ḅẹ ḍiri-kẹẹḅọ ḅe na, Delaya, Sẹmaya tụḅọ ḅe na, Ẹlịnetanị, Akịbọ tụḅọ ḅe na, Gemaraya, Safani tụḅọ ḅe na, Zẹdẹkaya, Hananaya tụḅọ ḅe na osi fịrịmẹnjị-opuapụ mamgba na sọ kiri ḅụ simem.

Jerimaya 38:4

Anịtẹso fịrịmẹnjị-opuapụ ma nwẹnị amadaḅọ ḅe dama-mu tẹ ọ̀ ḅẹẹm, “Ḅị tomḅọ ḅe ọ̀ fịị nyanam. Ọ̀ mị-ḅara ẹkwẹn-arị ye, mịẹ-mịẹ tẹ opu ama mẹ ḅio simearị ọmụapụ ḅarị ḅiokpọ nyana-a, tẹ ọ̀ pịkị mị gberie mẹ kẹ opu ama mẹ ḅio kirikọnḅọ goḅọ-goḅọ mịẹarị. Ọ̀ ḅarasụa tomi ma pịrị-a; ye kẹ ịn lama kịngẹ mie ọ̀ ḅiiarị.”

Lẹvitikọsị 25:10

Anịsakị ọ́ kụra amesi oyi finji karama kụra mẹ wẹrị fịafịama ḅa, tẹ ama mẹ nyana tẹ anị ḅio angarị apụ mamgba amịna sịḅị ḅẹ atomi sọ tẹẹ mẹ kẹ kpo-kpo gbolo bebe ama mẹ ikelema-koro ḅa. Anị ‘Ye Pịkịma-mu Nyanaḅọ Pịrị’ kụra sọ ọ́ pịrị ḅa. Mị kụra mẹ ḅụ, ọmịna aḅụụ ọrụḅọ-ọrụḅọ mḅọ fẹẹ wararị kiri anịanịa warị pịkịma-mu tarị tarị anị nyanaḅọ anịanịa mḅọ furo ḅẹ pịrị ḅa, tẹ ọrụḅọ-ọrụḅọ pịkị mḅọ igbigi kẹ nyana omoniḅọ pịkịma-mu mḅọ paka-furo pịrị ḅa.

Makị 6:20

Ẹrọdị ḅe ọ̀ Jọnị ḍiki-ḅalafa simem, ò nimim Jọnị ḅe iḅi tẹ fịafịa tomḅọ ẹrẹsị, mie ḅụ ori ọ̀ kẹ wẹrị kpaịnmam. Jọnị ẹkwẹn mẹ Ẹrọdị anị poki ḅẹlẹmam, karakaraye ori ọ̀ naa sakị, naa sakị anị kpọma ọ̀ tẹmẹ ḅalaḅalamam sọ.