Jerimaya 33:9 - FỊAFỊA BAỊBỤLỤ

⁹ Jeruselemu ḅo ḍereku dogi-ḅoarị yọ na kụn kẹ ḅụụ-tọn-arị yọ na sọ ị́ pịrị ḅa; tomikiri mẹ ḅio sịẹ goyegoye ḅalafa tẹ oju-sẹkị ḅa ini à mịẹ Jeruselemu pịrịarị iḅi aị ma na àrị ọkị-ḅo opu ama mẹ pịrịarị lọkọlọkọ na gboloma ye naa sakị.”

Jerimaya 33:9 Iomraidhean Croise

2 Paka-aị 20:29

KỊNỊNYANAḄỌ ḅe Izirẹlị na fịya-a apụ ma na owu sọm mẹ, opu asịẹ ma ḅẹ sịẹ-sịẹ mamgba anị naa tẹso, Tamụnọ mangịma mẹ nwẹnị ḅo ini ọgọnọ gbana.

Nehimaya 6:16

Wamịnị na fịya-a apụ mamgba anị naa tẹso, wamịnị ikelema-koro wararị opu asịẹ mamgba nwẹnị ḅalafa tẹ ịn soku-ḅẹ gele kuroma ḅụ ḅịkị, gbala ịn kụrọma nimim mịnẹ wamịna Tamụnọ ḅarasụa ḅụ mie mị kọrịnama mẹ kẹ kọrị fama ye.

Ẹsịta 8:17

Itu goyegoye na, opu ama goyegoye na ḅụ Amadaḅọ ḅe tọn ye mẹ na, ori oloko mẹ na ḅo la anga, la anga ḅioḅẹlẹ na, ḍereku na Juu-ḅẹ-apụ ma ogbo ḅio pakam, tẹ in kopini afịaị fị-fị tẹ ịnyọsaram, Tẹ opu sịẹ mẹ ḅẹ tọnwa tomi nwẹnị amịna ḅụụ ḍie-pakama ini Juu-ḅẹ-apụ, anị kẹ gotẹ ọkọ mie ye, Juu-ḅẹ-apụ ma ḍiki-ḅalafa mẹ ḅo ịna ọgọnọ gbana tẹ ẹrẹsị.

Devidi-Anume 130:4

Kụma í si-wẹrịso wa pịrịarị, mịẹ tẹ wa í ḍiki ḅalafa ḅara kẹ ị́ tọrọkọ sịẹ ḅarị ḅara.

Devidi-Anume 40:3

Ọ̀ nwẹnị ịwọ nume kẹ ì toluma, kẹ wamịna Tamụnọ ḅe tokini ḅe nume: Anị ẹrịapụ-ẹrịapụ kẹ elekima sụa ḅa, tẹ KỊNỊNYANAḄỌ ḅe kẹ ḅiokpọma ḅa.

Ayịzaya 43:21

Ini anie à tẹmẹ ị̀ ḅụụ pịrị apụ ma, tẹ in nume su-su ì tokini-tokini-tokini ḅa!”

Ayịzaya 55:13

Ọmị osuka mịọkụ ḅụ so-pakarị yọ mẹ Sayịpẹrẹsị asịn so-paka ḅa; nangị kiri mẹ ḅụ matụlụ nwẹn-sịn asịn ma so-paka ḅa. Miemẹ kẹ ḅiokoromaye sọ mu ḅẹẹ-sakị ḅẹẹ-sakị la ḅa, kẹ yẹrị KỊNỊNYANAḄỌ ḅe mịẹ tẹ ye mẹ kẹ ḅiokoroma.

Ayịzaya 60:5

Í miemẹ ẹrị tẹ ḍereku ị́ ḅụụ ḅio ḅin ḅa; Anị í ḅioḅẹlẹma ḅarị ḅara mịẹ tẹ í oju jike ḅa Ịn sịẹ-sịẹ ma ngọ ma ọkị-ḅo ị́ pịrị ḅa; Abajị mẹ saḅa ḅụ ịna ngọ ma ḅo ḅa.

Ayịzaya 62:1

Àrị ẹkwẹn pakama tẹ kẹ Jeruselemu ḅiokpọma ḅa; À gbọsime ḅịa nwenii á ḅọrọma ḅa, Tẹ árị owu-ḅara-iḅi mẹ pọnjị-tọnjọ ḍin ḅụ kọrị ḅara kẹ kọrị paka ḅa.

Ayịzaya 62:12

Ịn kẹ ịn sịn ḅarị ye: “Tamụnọ Fịafịa Atomi, KỊNỊNYANAḄỌ Ḅe Ḅọrọma Tẹ Apụ.” Ịn kẹ Jeruselemu sịn ḅarị ye: “Ḍọkị Pakama-ḅotẹ Ama, Tamụnọ Sịkị-a Opu Ama Mẹ.”

Ayịzaya 62:4

Kịnị ḅarị jen kẹ “Sịkịtẹ-ḅọ” kẹ ị́ sịn ḅịa, Anịanịa ị́ amakiri mẹ sịn, “Koroma-so tẹ Ẹrẹḅọ ma.” Ị́ ịwọ ẹrẹ sọ ḅarịye anie, “Tamụnọ Á Ḍiki Ḅioḅẹlẹarị.” Ini ị́ amakiri mẹ sịn ḅa, “Diḅọ na Ḅioḅẹlẹ ḅụ angarị Ẹrẹḅọ,” Kẹ gotẹ ọkọ ḍukoarị, KỊNỊNYANAḄỌ ḅe í ḍiki-ḅioḅẹlẹarị, Tẹ ori diḅọ sọ ị́ amakiri mẹ pịrị ḅa.

Ayịzaya 62:7

Ịn ḍụkụ tẹ ori ịnyọsara nyana-a, nwenii ò Jeruselemu kẹ tarị anị sime-ḅara wẹrị. Tẹ anị mịẹ tẹ anị tomikiri mẹmgba tokiniarị apụ ama sọ.

Ayịzaya 64:2

Ịna oju sẹkị ḅarị ḅara ḍarịarị minji wa-wa sara kọrị fịnị ọgọnọ sararị ḅara kịka ḅa. Ḅo tẹ ị́ kụrọ kẹ si kẹ ị́ tọn apụ ma ḍie, tẹ mịẹ tẹ sịẹ-sịẹ ma ị́ tọrọkọ ḅụ oju-sẹkị!

Jerimaya 13:11

Okolo-kapa kpataịma konju oḅoloarị ḅara mẹ anie à ḅii ḅara, mịnẹ Izirẹlị na Juda na ḅẹ apụ ma ọkọ kẹ ì oḅolo kụrọma. À gotẹ miemẹ mịẹ ye ini ị̀ atomi sọ tẹ tokini na kụn na ọkị-ḅo ị̀ ẹrẹ pịrị ḅarị ḅara; kụma ịn ḍụkụ tẹ ị̀ ḅịḅịpoki-a.”

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 24:6

Ị̀ tọrụ ịna ọgọnọ sime ḅa, tẹ àrị ịn kẹ pịkị-ḅo mị amakiri mẹ la ḅa. Àrị ịn nama saakị tẹ ịn kan koroma ḅịa; arị ịn kẹ ḍiḅi tẹ ịn nụnụ pakama-ḅo ḅịa.

Jerimaya 26:6

Ọ́ paa poki-a tọrọkọ-tọrọkọ muarị ḅẹḅẹ, anịsakị à mị Tamụnọ-warị mẹ kẹ à kẹ Silo mịẹ ḅara mịẹ ḅa, tẹ tomikiri ḅẹ asịẹ mamgba mị opu ama mẹ ẹrẹ kẹ ye karị ye sọma ḅa.”

Jerimaya 29:1

À ḍiri kẹẹ tẹ kẹ agbamịẹapụ ma na, ịkịankoroapụ ma na, tomi ma sịḅịdapụ ma na, osi apụ mamgba na tẹ Nebukadineza ikoliapụ ḅara kẹ ọkị so Babịlonịya mu apụ ma fịrịmam.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Jerimaya 3:19

KỊNỊNYANAḄỌ ḅe mẹẹ, Izirẹlị, à ḅiim arị ị́ kẹ ì owiḅọ tụḅọ ḅara ọkị tẹ ḅioḅẹlẹmarị amakiri kẹ ị́ pịrị, bebe tomikiri mẹ ḅụ iḅi tẹịn amakiri. À ḅiim ị́ ḍaḅọ kẹ ị̀ sịn, tẹ gbala-gbala ḅarị ị̀ ḅụụ pịkị-so ḅịa ḅara.

Jerimaya 31:14

Arị iḅitẹịn fịye kẹ agbamịẹapụ ma pịrị fị furo ḅinma tẹ tomi ma ḅụụ-fụka mamgba mịẹ pẹlẹ ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 31:4

À pịkị siin jen gbọrụ sakị kẹ ọ́ nama ḅa. Ọ́ pịkị jen kẹ ọmịna akwa ma farị tẹ sẹkị-sẹkị tẹ ḍereku ḅa.

Jerimaya 32:42

“À mịẹ opu ḅụụ-fụka mẹ ọkị-ḅo mịna atomi ma pịrị gbọrụ ḅara mẹ, à pịkị ọkọ kẹ à minini ịn pịrị tẹ iḅi aị mamgba ọkị-ḅo ịn pịrị ḅẹ-yearị.

Jerimaya 33:14

KỊNỊNYANAḄỌ ḅe ḅẹẹm, “Sakị mẹ ḅoarị, anie arị à minini Izirẹlị na Juda na pịrị ye mẹ mịẹ ḅẹ sakị mẹ.

Jerimaya 4:2

anị kuraye sọ ḅa ọmịnị ị̀ ẹrẹ ḅụ ye karị-karị. Anịtẹso sịẹ-sịẹ mamgba ị̀ ḅara ḅii ḅa arị in bomaa, tẹ ịn nwẹnị ì tokini ḅa.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Jerimaya 49:25

Ḅioḅẹlẹ ḅio sime-sime opuma mẹ kịnị anị koroma mangị fama tẹẹ.

Izikẹlị 26:20

Àrị ị́ kẹ ḍuḅu ḅio fịrịma tẹ í mu elemu asakị kụra-ḅio ḅụ fịị ḅọrọtẹ apụ ma ḅụ sọ ḅa. Àrị ị́ mịẹ tẹ í mu kiri suku-ḅio ḅẹ tomikiri mẹ ḅụ sime ḅa sime-gbamaso gulugulu ogboku, ị́ nwẹnị fịtẹ-apụ ma ogbo sọ ḅa. Anị dogi-ḅo ḅarịye anie kịnị ḅarị jen kẹ í ḅio anga tẹ í í kiri ọkị ḅịa ḍumo wararị apụ ma amakiri mẹ ḅio.

Izikẹlị 36:35

Ọrụḅọ-ọrụḅọ nwẹnị ḅẹẹ ḅa, mịẹ kiri mẹ tẹ gbọrụ sakị ịkpa sọ sime yọ mẹ ḅo Ideni Ḍụọ sọ tẹ ḅara ḍiki, tẹ opu ama ma tẹ ịn kan kiri lamatẹ fọịn tẹ kẹ arị kan ḅara kẹ arị kẹ gbin koroma-so aị ḅo kịnị anga tẹ kẹ kụrọnị ḅara wẹrị tẹ ḅara ḍiki.

Izikẹlị 39:13

Ama kiri mẹ ḅụ sime-ḅọ sime-ḅọ ḅarasụa tẹ arị ḍiḅi ḅa, tẹ ini ịn kụn ḅa mie gotẹ, owu ị̀ ḅara iḅi ḅarị ene ḅaka mẹ ḅụ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Zẹkaraya 1:17

Enjẹlị ḅe pịkị ị̀ ḅẹẹm: “Kụrọmamgba nyana KỊNỊNYANAḄỌ ḅe ḅẹẹarị mịnẹ ori opu ama ma siin lọkọlọkọ ḅa tẹ ọ̀ pịkị siin gbọrụ sakị kẹ ḅarasụa Jeruselemu pịrị tẹ ịgbanị ḅa mịnẹ ori opu ama mẹ nyanam.”

Zẹkaraya 12:2

“À Jeruselemu kẹ iru kọpụ kịkama ḅa; árị ikelema-koro wararị asịẹ ma ḅuu tẹ iru-tọrụ-ḅaatẹ owiapụ kịka ḅa. Tẹ in ḅo Jeruselemu gbori tẹ anị ọkị ḅẹ sakị, Juda ḅụ kiri kọn opu ama ma sọ ini ọkị ḅẹ tẹ gbori-ikelema ḅa.

Ditẹrọnọmị 30:5

tẹ KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ọmịna aḍapụ ma nyana ama mẹ ḅio koroma ḅa, mịẹtẹ ọmịnị anị nyana ḅẹ ḅara; anịsakị ọ̀ mịẹtẹ ó lolo ḅa, tẹ kịẹn-ḅịḅị ḅụ ḍụḅa ọmịna aḍapụ ma nẹngị ḅa.