Jerimaya 33:8 - FỊAFỊA BAỊBỤLỤ

⁸ Arị ịn mịẹ fịafịama ḅa ịn kẹ ị̀ mịẹ asi ma ḅụ, tẹ arị ịna asi na kọngọ-kụrọma ị̀ pịrị mẹ na wẹrịso ịn pịrị ḅa.

Jerimaya 33:8 Iomraidhean Croise

Devidi-Anume 130:4

Kụma í si-wẹrịso wa pịrịarị, mịẹ tẹ wa í ḍiki ḅalafa ḅara kẹ ị́ tọrọkọ sịẹ ḅarị ḅara.

Devidi-Anume 130:8

Ori ori atomi Izirẹlị ḅọrọma ḅa ịna asi mamgba ḅụ.

Devidi-Anume 51:2

Ì si mẹmgba sịkịrị siin tẹ mịẹ tẹ à fịafịa ì si ḅụ!

Devidi-Anume 65:3

ịna asi gotẹ. Wamịna amịẹ-kọn ma wa nẹngịmarị, kụma arị wẹrịso wa pịrịarị.

Ayịzaya 4:2

Anị ene mẹ ḅụ, KỊNỊNYANAḄỌ ḅe mịẹtẹ amakiri mẹ ḅụ ḍiḅi wararị sịn goyegoye, opuye-o kalaye-o, ḍụḅa ḅaka ḅa, pịkị iḅi ḅa. Izirẹlịapụ mamgba tẹ fịị-a so apụ ma, anị goo ḅioḅẹlẹ ḅa pịkị kẹ ḅụụ-tọn ḅa, amakiri mẹ pakama-ḅoarị afịaị ma ḅụ.

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Ayịzaya 56:7

“Arị ọ́ kẹ Zayọnị ḅo ḅa, ị̀ fịafịa tụndụ mẹ, ị̀ tẹkẹ warị mẹ ḅio ḍereku kẹ ọ́ pịrị, tẹ pịkị ị̀ agbamịẹ-anga ọ́ mịẹarị agba ma daa-ọkị ḅa. Ịn kẹ ị̀ Warị mẹ sịn ḅarịye anie tomikiri ḅẹ asịẹ mamgba ḅẹ atomi ma tẹkẹ warị.”

Jerimaya 31:34

Ịna ḅụ gbọrụḅọ-sọ mḅọ pembema Izirẹlị ḅẹ ḅọ toluma ḅịa mḅọ KỊNỊNYANAḄỌ ḅe nimi, inimgba ì nimi ḅa ẹrẹsị, iderima-tẹịn ḅọ ḅụ ọkị mu geletẹịn ḅọ la. Arị ịna asi wẹrịso ịn pịrị tẹ ḅarị jen kẹ ịna mịẹ-irima ma kẹ ḅiokoroma ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 50:20

Anị sakị mẹ ḅụ, Izirẹlị ḅụ si paka ḅịa, tẹ si-sịḅịḅio sọ paka ḅịa Juda ḅụ, kẹ gotẹ ọkọ ḍukoarị, à ḍumo fama-a so apụ ma si à wẹrịso ḅa. Yẹrị, KỊNỊNYANAḄỌ ḅe ọkọ ḅẹẹm.”

Kururu Owu-apọkọ 4:22

Yei kpọma-ḅẹlẹmarị Jeruselemu, ị́ mịẹ-irima mẹ ḅẹ fomu-ḅara mẹ í fomu tẹẹ; ọ̀ ḅarị jen-maaịn kẹ ị́ kẹ omoni sọma kun ḅara-ḅio suu ḅịa. Kụma yei Idọmụ ḅẹ ẹrẹḅọtụḅọ, ị́ mịẹ-irima mẹ, ori anị fomu ḅa, ori ị́ asi ma kẹ ama ḍie ḅa.

Izikẹlị 36:25

À kịọnkịọn minji kẹ ọmịnị asana tẹ mị tẹ ọmịna oru-afụḅara mamgba na jen ye goyegoye tẹ ó pilematẹ ye mẹ ḅụ ọ́ sịkịrị fịafịa ḅa.

Izikẹlị 36:33

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Àrị ọmịna asi mamgba ḅụ ọ́ sịkịrị-fịafịama sakị, à wẹrịso tẹ ó siin ọmịna opu ama ma ḅio anga ḅa, tẹ ó siin kan-sara tẹ anga ma nama ḅa.

Jowẹlị 3:21

Ịna ọmbie ḅẹrẹ-ḅarasii tẹ amụ à wẹrịso-a ye mẹ, à wẹrịso ḅa.” Yẹrị, KỊNỊNYANAḄỌ ḅe, Zayọnị ḅụ angarị.

Lẹvitikọsị 16:30

kẹ gotẹ ọkọ ḅẹẹarị, mịmgba ḅẹ eneḅaka mẹ ḅụ mie ó si-wẹrịso pịrị ḅẹrẹ fama mịẹ ọmịna aḅụụ pịrị ḅarị ene, kẹ ọmịna aḅụụ mịẹ fịafịama, mịẹtẹ KỊNỊNYANAḄỌ ḅe tọrọkọ ḅụ ọmịnị ọmịna asi mamgba ḅụ fịafịa apụ sọ ḅarị ḅara.

Zẹkaraya 13:1

Kụrọmamgba nyana KỊNỊNYANAḄỌ ḅe ḅẹẹarị, “Anị ene mẹ ḅụ, ngụngụḅa finji ḅa, kẹ Devidi furo-ḅẹ-apụ ma na Jeruselemu ḅẹ apụ ma na sịkịrị fịafịama ịna si na oru-afụḅara tẹkẹ na ḅụ.

Mịẹfinji 1:5

pịkị Jizọsị Kịrayịsị, ḅẹrẹ paka ḅara ngẹrị kẹ ḅẹrẹ ḍukoarị ḅọ ḅe, fị-ḅụ-saakị apụ ma ḅẹ tarị ḅọ ḅe, tẹ pịkị ḅẹrẹtọn tomikiri ḅẹ amadapụ ma pịrịarị ḅọ ḅe na ḅara ḅụ ḅo ye sime ọ́ pịrịị. Ori ḅe anie wa ḅẹlẹmarị tẹ amịna fịị kẹ wamịna asi ḅụ wa fima ḅọ ḅe,