Jerimaya 33:6 - FỊAFỊA BAỊBỤLỤ

⁶ Kụma à mị opu ama mẹ na anị ḅẹ atomi na gwọ ḅa, tẹ mịẹ tẹ ịn ḅo siin oju-iḅi nyana ḅa. À kpọma dein na pịkị kpaịn-wararị sakị na kẹ in ḍie ḅa.

Jerimaya 33:6 Iomraidhean Croise

Devidi-Anume 147:3

Ò ḅioḅẹngbọ kan-saratẹ apụ ma gwọarị tẹ ịna aḅụụ ḅẹ ịnọ ma fịnarị.

Devidi-Anume 37:11

ḅụụ lẹgịmarị apụ ma amakiri mẹ ịna nye sọ ḅa: tẹ in ḅioḅẹlẹ kẹ anga ḅa lọkọlọkọ na dein na ḅụ.

Devidi-Anume 67:2

mịẹ tẹ bebe tomikiri mẹ í ḅiiarị ye nimi ḅarị ḅara, mịẹ tẹ sịẹ-sịẹ mamgba ị́ ḅọrọma mẹ nimi ḅarị ḅara.

Devidi-Anume 72:7

Yee ori ama-daarị sakị mẹ ḅụ karakara mịẹ ama mẹ ḅio kama, tẹ lọkọlọkọ pịkị sime akalụ mẹ ḅịya mu la sakị, la sakị la.

Paka-so 34:6

KỊNỊNYANAḄỌ ḅe ọ̀ tọrọkọ ḅụ mẹnjị-ḅọrọm, tẹ ḍuko pakamam, “KỊNỊNYANAḄỌ ḅe, Yẹrị anie KỊNỊNYANAḄỌ ḅee, sịḅị-kụrụkụrụ na ḍiki-ḅụụjịrị na nyana Tamụnọ, kpekele ịganị ịganị-a tẹ jike jike-a ḅẹlẹma nyana ḅọ, pịkị ḅioḅẹngbọ-kẹ-sịrẹrẹ-niḅi ḅọ.

Nimi Tolumaḅọ 3:3

Kịnị-ḅa sakị emii, kịnị-gwọ sakị emii. Ye kan-sara sakị emii, ye nama sịẹma sakị emii.

Ayịzaya 2:4

Ḅẹrẹ nyana wararị opu asịẹ ma ogboku ọ̀ ḅẹrẹ fama ḅa. Ini ịna okologie ma kẹ kiri soku tẹ ye ḍiḅi aị tẹmẹ ḅa tẹ ịna aḅẹkẹrẹ ma kẹ osuka pẹlẹ ogie tẹmẹ ḅa. Sịẹ ma ḅarị gbala-gbala ọmụ kẹ jụmọ-jụmọ gbin ḅịa, ịn ḅarị pịkị gbala-gbala tẹlẹma ọmụgbin pịrị ḅịa.

Ayịzaya 30:26

Akalụ mẹ ịrụa ḅịya ḅara ḅịya ḅa, tẹ ịrụa mẹ ḅịya sọnọma sakị kẹ ḅịya anị ḅịya, ḅịya ḅara nẹngị ḅa gbala gbọrụ kiri ḅụ ịrụa mẹ sọnọma aḍin ḅẹ ḅịya kẹ ḅịyarị ye ọkụ. Mie paka ḅarị sakị anie KỊNỊNYANAḄỌ ḅe ọ̀ kẹ ori atomi lama aị ma ḅẹ ịnọ ma fịna tẹ arị gwọ ḅarị sakị mẹ.

Ayịzaya 39:8

Ama-da Hẹzịkaya ọkịm miemẹ fiearị ye, ò ḍumo tọrụ ḅụ dein na ye ḅụụ la-a na sime ḅa, anie ḅụ ọ̀ nwẹnị pakịrị, “KỊNỊNYANAḄỌ ḅe ḅara ị́ da ḅo ị̀ pịrị oku mẹ iḅim.”

Ayịzaya 54:13

Yẹrị ḅarana ye kẹ í atomi toluma ḅa, tẹ lọkọlọkọ na dein na kẹ ịn pịrị ḅa.

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Ayịzaya 57:18

Ịn mịẹ tẹ ḅara arị ẹrị tẹ, kụma arị ịn gwọ ḅa. À tọrọkọ-sụn ịn pịrị tẹ ḅarasụa ịn pịrị ḅa, tẹ kururuarị apụ ma dedema ḅa.

Ayịzaya 57:19

À dein kẹ kịnị mamgba kpeki wararị apụ na ḅele wararị apụ na pịrị ḅa! Àrị ì atomi gwọ ḅa.

Ayịzaya 58:8

“Anịtẹso ì boma ị́ ḅụụ ḅịya paka ḅa dede ịrụa ḅịya ḅara, tẹ ị́ ịnọ ma nwẹnị sarasarama gwọ ḅa. Sakị mamgba arị ị́ na sime tẹ ị́ ḅọrọma ḅa, tẹ arị emi ye mẹ nwẹnị anga-anga ḅụ ị́ gbaịn ḅọrọma ḅa.

Ayịzaya 66:12

KỊNỊNYANAḄỌ ḅe mẹẹ, “À lolo tọrọkọ-tọrọkọ mu ọkị-ḅo ọ́ pịrị ḅa; anie sịẹ-sịẹ ma ngọ ma tẹ tọrụ kịka tẹ seri-seri sọ-ḅoarị tẹ gbala-gbala faa kụlụkụlụ-a ye. Ọmịnị iyingiḅọ ḅarana ḍikiḍikiarị kalatụḅọ kịka ḅa, á kuḅu ḅio dogi tẹ ḅẹlẹma ḅara kẹ mịẹarị tụḅọ.

Jerimaya 17:14

KỊNỊNYANAḄỌ, ị̀ gwọọ, anịsakị ì oju gbọrsịḅị kụrọ fama ḅa; ị̀ pụkọ-pakamaḅoo, anịsakị ye ḅarị gbala-gbala ị̀ la ḅịa. Ị́yẹrị anie à tokiniarị ḅọọ!

Jerimaya 29:11

Yẹrị kịngẹ mie à tọn wẹrị ọ́ pịrị aị nimi wararị, à tọn tẹ lọkọlọkọ ọkị-ḅo ọ́ pịrị ḅẹ aị ma, opu ḅụụ-fụka-a, tọn tẹ tọrọkọ-jụ ọ́ kẹ tọrụ-ḅaama wararị ḅiokpọmaye mẹ ọkị-ḅo ọ́ pịrị ḅẹ aị ma.

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Hosiya 6:1

Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro?

Hosiya 7:1

“Àrị ị̀ atomi Izirẹlị gwọ tẹ ịn mịẹ tẹ ịn sin lọkọlọkọ ḅẹ sakị goyegoye àrị ẹrị ye anie ịna si-sịḅịḅio na ịn mịẹarị siye na. Ịn jụmọ-jụmọ mingirimarị; ịn warị-warị kan sọ-sọ tẹ furuarị, etela ma ḅụ ịn kịnị aḅara ye pụkọ-pụkọ ọkịarị.

Mayịka 4:3

Kụlọ-kụlọ ḅụ ọ̀ ḅẹrẹkọn tọnwa tomi pịrị ḅa tẹ kụrọ nyana opu asịẹ ma, kpeki anga na, ala-jụ ḅẹ aị na ịgbanịya ḍuko-ḍuko siin ịn pịrị ḅa; tẹ ini ịna okologie ma ḅakụ-ḅakụ tẹ kẹ ọgụ sọma ḅa, tẹ ịna asụḅa ma kẹ ye kịrị kala-ogie sọma ḅa; sịẹ ḅarị gbala-gbala okologie saakị jen sịẹ na ọmụgbin ḅịa, ịn pịkị ḅarị gbala-gbala ḅụụ tẹlẹma owu pịrị ḅịa.

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Malakayị 4:2

Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara.

Jọnị 10:10

Furuḅọ ḅe jen gotẹ ḅo-a furu na, ḅaa na, guluguluma na sikima. Yẹrị à gotẹ ḅo ye ó ḍumo nyana ḅẹ ḅara, ḅin gbasịtẹ ḍumo.

Ẹfisọsị 6:23

Yee Tamụnọ Ḍaḅọ ḅe na, KỊNỊNYANAḄỌ Jizọsị Kịrayịsị ḅe na, dein na ḅẹlẹma na ḅụụ ḅụ simearị minini na kẹ Kịrayịsị ḍukamẹnjị amịnapụ mamgba pịrị.

Ditẹrọnọmị 32:39

Mịọkụ ọmịnị ẹrị mịnẹ yẹrị, jen-a jen-a yẹrị anie orii, anịsakị ì sikima jen tamụnọ ofori; à kịnị-ḅaarị, à pịkị kịnị-ḍumomarị; à ye kẹ kịnị lamarị, à pịkị kịnị gwọarị; anịsakị gbọrụḅọ tẹ inetẹ ị̀ ḅara ḅụ ḍụa pakama-ḅo ḅẹ ḅọ sọ ofori.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,