Jerimaya 33:5 - FỊAFỊA BAỊBỤLỤ

⁵ ịn Babịlonịya ḅẹ apụ na sọ sime ye mẹ ḅụ. Ị̀ owi ịganị ḅụ à ḅaa ḅẹ apụ ma aḍụẹịn ma arị ḅio ḅin ḅa. Àrị ị̀ tọrụ ḅọị ḅa mị opu ama mẹ ḅụ, anị ḅẹ si-sịḅịḅio mamgba gotẹ.

Jerimaya 33:5 Iomraidhean Croise

Ayịzaya 64:7

Gbọrụḅọ sọ pịkị ị́ da-a tẹkẹ ḅụ, ḅarasụa gotẹ ị́ dama-ḅoarị gbọrụḅọ-sọ ofori. Ị́ ị́ ḅụụ ḅọị wa pịrị tẹẹ, tẹ wa kẹ gbin koroma-so tẹ wamịna asi gotẹ.

Ayịzaya 8:17

KỊNỊNYANAḄỌ ḅe amịna ḅụụ kikima ori atomi pịrị tẹẹ, kụma yẹrị arị ọ̀ kẹ ḅiokpọmarị, tẹ ì ḅiokpọ kẹ ori ọgọnọ gbana wararị.

Jerimaya 18:17

Àrị ị̀ atomi gala-galama ḅa si kẹ ịn tọn apụ tọrọkọ ḅụ, ịrụa saakịarị pakịrị anga ḅoarị fẹrụ kẹ fiin-arị fọọn ọkụ. Arị ọḅụ pịkị in gbin ḅa; À ḅarasụa ịn pịrị ḅịa opu ḅụụ-fụka mẹ ḅoarị sakị.”

Jerimaya 21:10

À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 32:5

Ịn Zẹdẹkaya ọkị-so Babịlonịya mu ḅa, tẹ ori anị anga sime nwenii tẹ arị ori na à mịẹ ḅẹ ye mịẹ ḅa. Ọ̀ nwẹnị Babịlonịya na owu sọ-sọ, owu ọ̀ ḅara iḅi ḅịa. Yẹrị KỊNỊNYANAḄỌ ọkọ ḅẹẹm.”

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Izikẹlị 39:29

À ḅaka ḅara kẹ ị̀ Tẹmẹ kẹ Izirẹlịapụ ma aḅụụ ḅio su ḅa, tẹ gbala-gbala ịn ḅarị jen kẹ ọḅụ pịkị in gbin ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Mayịka 3:4

Sakị mẹ ḅoarị ó peema oloku KỊNỊNYANAḄỌ ḅe sịn ḅarị sakị mẹ, kụma ori ọ́ naa ḅịa; ọmịna atẹkẹ ma sọ, ò poki ḅịa, ó siye mịẹm ẹrẹsị.

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

Ditẹrọnọmị 31:18

Anịsakị tụkụma ḅara ḅụ, àrị ị̀ tọrụ ḅọị ḅa anị ene mẹ ḅụ, siye mẹmgba tẹ ịn mịẹ tẹ ye mẹ gotẹ, gbala ịn tọrụ pịkị oru-atamụnọ da ye mẹ ẹrẹsị.

Ditẹrọnọmị 32:20

Tẹ ọ̀ ḅẹẹm: Àrị in aḅụụ ị̀ tọrụ ḅọị ḅa, arị ịna kunoma sime ḅẹ ḅara ẹrị ḅa gbala ini anie karakaraye mịẹ-a ḅụọ ḅẹ apụ, awọmẹ tẹ minini ḅụụ ḅụ ofori apụ.