Jerimaya 33:4 - FỊAFỊA BAỊBỤLỤ

⁴ Kẹ gotẹ ọkọ ḅẹẹarị, mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye: “Jeruselemu ḅẹ warị ma na Juda ḅẹ amada-warị ma na tẹ mịẹ opu ama mẹ ḅio ịn kan-sara aị ma gbolomaye ḅụ ini ama ọkị amịẹaị ma mịẹarị sakị, pịkị okologie na,

Jerimaya 33:4 Iomraidhean Croise

Ayịzaya 22:10

Ó Jeruselemu ḅẹ awarị ma kịẹn nimi tẹ ja awarị kan tẹ onu mẹ nama kụrọma ḅẹm,

Ayịzaya 32:13

agarara na ja nangị asịn na ị̀ atomi akiri ḅụ so-pakarị. Tomi sime tẹ ḅioḅẹlẹ sime awarị mamgba na ḅin tẹ ḍumo sime, sime ama mẹ na gotẹ owuu.

Ayịzaya 32:14

Ama-da warị mẹ so ini anị kuroma mangị ḅa, tẹ sịḅịda opu ama mẹ ḅio kpọkpọ gbọrụḅọ-sọ kọn ḅịa. Sime yọ na ọmụ-aị koko awarị ma na tẹ ịn gbaịn sime aị ma kan sara gbamaso ḅa. Piri ḅio ḅọ anama ma anịanga mẹnjị-mẹnjị ḅọrọ ḅa, tẹ anana ma anịanga osuka fị ḅa.

Jerimaya 32:24

“Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 6:6

Kụrọmamgba nyana KỊNỊNYANAḄỌ ḅe tọn tẹẹ, mịnẹ mịna amadapụ ma sịn pẹlẹ-pẹlẹ-gbin tẹ kiri kpolima-kpolima Jeruselemu ikelema ḅa, kẹ ama mẹ ọkị ḅẹ ḅara. Ò ḍuko tẹẹ, “À fomu-ḅara kẹ mị opu ama mẹ pịrị ḅa, kịnị ponoma anị ḅio ḅin wararị ẹrẹsị.

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Izikẹlị 21:22

Mịọkụ! Ori ori ama-ḅara in ‘Jeruselemu’ ẹrẹ kẹẹ wararị ḍiein mẹ ọlọ wararị! Anị ḍuko ọ̀ pịrịarị ò mu onu jine gbin ḅẹ ejimina ma kẹ kirikiri ḅụ sịẹma wẹrị onu aḅọkọ ma ḅụ, ọmụ oloku kọn, pịkị lịka sarasara gelema, pịkị nkọrọ soku-soku sara.

Izikẹlị 26:8

Kpongbo-kiri ḅẹ ama ma ḅio angarị apụ ma ini ịn ḅaa ḅa owu ḅio. Ị́ na fịya-a apụ ma nkọrọ soku-soku tẹ mkpu mịẹ-mịẹ tẹ onu nama tẹ kẹ í kiki ḅa.

Izikẹlị 4:2

Anịtẹso ama ọkị ḅẹ apụ mịẹ-mịẹ ye mị, nangwọ-nangwọ tẹ olulu soku onu mẹ ikelema, kiri soku-soku tunduruma ikelema, ọmụapụ sime-yọ nama, tẹ pịkị sịkọpẹlẹ-a ḅara kẹ onu mẹ jine-jine ḅịkịma ḅẹ ejimina amẹẹ kẹ anị ikelema.

Habakọkụ 1:10

Ini amadapụ ḍiki-iderima ḅara kẹ ini na mịẹarị tẹ fịrịmẹnjị-opuapụ ḍẹrịarị. Gbọrụ kụrọnị-anga sọ in kiki-kiki-a; ini aḅaịn soku kpolima anị bịan si tẹ anị ọkịarị.

Ditẹrọnọmị 20:20

Opu asịn ma tẹ ó nimim fịye sụa-a opu asịn mie ọmịnị inetẹ ḅaa tẹ pẹlẹ-gbin ḅarịye, mịẹtẹ ọmịnị inetẹ opu ama mẹ tẹ ọmịnị na ọmụgbin-arị ama mẹ ikelema-koro tẹ owu kẹ anị paka ḅẹ kọrịnama kọrị tẹ owu kẹ anị paka nwenii anị ḅịkị ḅẹ ḅara.