Jerimaya 33:3 - FỊAFỊA BAỊBỤLỤ

³ Ị̀ sịịn, anịsakị àrị ị́ pakịrị ḅa. À ḅụụ-buama-aị na ḅụụ-gbiripuma-aị na tẹ ị́ arịḅẹ gberie-sọ nimi-a ḅẹ aị ḍuko ị́ pịrị ḅa.

Jerimaya 33:3 Iomraidhean Croise

Devidi-Anume 145:18

Ori ọ̀ sịn-arị apụ ma na kpeki wararị, karakara tẹmẹ kẹ ọ̀ sịn-arị apụ ma.

Devidi-Anume 25:14

KỊNỊNYANAḄỌ ḅe ḅịḅị pokiarị apụ ma anie ori ikiapụụ tẹ ori ini na ori ọḅọkụ mẹ mịẹ kụrọmarị.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Devidi-Anume 91:15

Ịn ḅarasụa gotẹ ị̀ sịn sakị àrị ịna ḅịḅị ọkị ḅa, ịn ḅụụ-fụka ḅio sọ sakị, àrị ini na sime ḅa. Àrị ịn pụkọ-pakamaḅo tẹ ịn kẹ kụn nyana kiri ḅụ wẹrị ḅa.

Ayịzaya 45:3

Kanakana ḅọị ayọ ḅụ arị ngọ tan-tan ị́ pịrị ḅa; anịtẹso í nimi ḅa mịnẹ yẹrị anie KỊNỊNYANAḄỌ ḅee, tẹ Izirẹlịapụ tẹkẹarị Tamụnọ ḅe ẹrẹ kẹ ị́ sịn tẹẹ.

Ayịzaya 48:6

À Ḍuko ḅọrọma tẹ aị ma mịọkụ kiri ọkị tẹ; ị́ mịẹ-mịẹ jen ọkụ ḅarị ofori tẹ minini ḅa mịnẹ à ḍuko aị ma kuram. Mịọkụ à tọrọkọ ḅo ḅarị ịwọ aị ḍuko ị́ pịrịarị, mịẹ ḅẹ ịwọ aị tẹ jen ene amụ à mịẹfinji ị́ pịrị-a aị.

Ayịzaya 65:24

Ini ị̀ tẹkẹarị sakị ịna ḅịḅị amụ tuu-a ogbo arị ịna atẹkẹ pakịrị ḅa.

Jerimaya 23:35

Anie nakara, ọrụḅọ-ọrụḅọ mḅọ ikiapụ na mḅọ mịnapụ na gbela: ‘KỊNỊNYANAḄỌ ḅe ò tiye pakịrị-ḅịḅị pịrị? Ndẹẹ KỊNỊNYANAḄỌ ḅe ḍuko ye?’

Jerimaya 29:12

Anịtẹso ọmịnị ị̀ sịn ḅa. Ó ḅo tẹ ị̀ tẹkẹ ḅa, tẹ arị ọ́ pakịrị ḅa.

Jerimaya 32:17

“Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị So mẹ na Kiri mẹ na tẹmẹm í opu kụrọ ḅụ; ị́ ḅụụ ḅụụ-fụkama ḅaka gberie sọ ofori.

Jerimaya 32:27

“Yẹrị anie KỊNỊNYANAḄỌ ḅee, tomi mamgba Tamụnọ ḅee; ị̀ ḅụụ ḅụ kụrọ ḅaka gberie-sọ ofori.

Danẹlị 2:18

Ò ḍuko ịn pịrịm in So-ḅio ḅẹ Tamụnọ ḅe tẹkẹ tẹ ò ḍiki-ḅụụjịrị kẹ ịn pịrị tẹ ḅọịye mẹ mịẹ finji ịn pịrị, tẹ ịn ḅarị ịn kẹ osi Babịlọnị ḅụ ḅẹrẹ-ḍuko amadaḅọ ḅe tolumarị apụ ma ḅụ sụa ḅaa ḅịa ḅara.

Danẹlị 2:22

Ò pokolotẹ ḅọị wararị aị mịẹfinjiarị; Ọ̀ kanakana ḅio kikima wararị ye nimi wararị; tẹ ò ḅioju bele ọ̀ kana-koro wararị.

Danẹlị 2:23

Ì elemu aḍapụ ma Tamụnọ, àrị í tokiniarị pịkị ị́ kụn-arị. Í nimi na ịnyọ na kẹ ị̀ pịrị tẹ; ị́ ị̀ tẹkẹ pakịrị tẹẹ pịkị wa ḍuko amadaḅọ ḅe pịrị ḅẹ ye kẹ wa ḍie tẹẹ.

Jowẹlị 2:32

Kụma KỊNỊNYANAḄỌ ḅe ḅara ḅarasụa ḅii apụ mamgba ḅọrọma ḅa. Anie KỊNỊNYANAḄỌ ḅe ḅẹẹ ḅara mẹ, ‘Jeruselemu ḅụ simearị ja apụ mangị-so ḅa; yẹrị sẹlẹ-ọkị tẹ apụ ma fịị-a so ḅa.’ ”

Emọsị 3:7

Gbala-gbala Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gberie-sọ mịẹ-mịẹ-a, ọ̀ tarị anị kẹ giregire ḅara kẹ ori afịrịmẹnjị-ịkịankoroapụ ma ḍie-a ogbo.

Mayịka 7:15

KỊNỊNYANAḄỌ, ị́ ḅụụ-gbiripuma kọrịnama kọrị wa pịrịị. Ijiputi ḅụ ị́ wa pakama-ḅo ene ma ḅụ ị́ kọrị wa pịrị ḅara.

Matiyo 13:35

Ò gotẹ miemẹ mịẹ ye, kẹ mịẹtẹ ịkịankoroḅọ ḅe ḍuko ḅọrọma tẹ ye mẹ paka tẹ ye sọ ḅẹ ḅara, “Arị ẹkwẹn ịn pịrị ḅarị sakị, arị egberi gbaa ḅa; à ḍuko ḅarị aị ma tomikiri bịan tẹmẹ kụra-ḅio kịnị amụ nimi-a aị.”

Fịrịmẹnjịapụ 2:21

Anịtẹso ḅarasụa ḅii ḅụ KỊNỊNYANAḄỌ ḅe ẹrẹ mẹ sịn ḅọ, sịn ḅọ ḅọrọma ḅa.

1 Kọrịntị 1:2

Mị ḍiri mẹ kẹẹ tẹ kẹ Tamụnọ sọsị mẹ tẹ Kọrịntị ḅụ simearị apụ ma, inimgba tẹ Tamụnọ sịnm ḅo ọ̀ fịafịa atomi sọ ḅẹẹ apụ ma fịrịmam, anie sime ọ̀ pịrị apụ ma, Kịrayịsị Jizọsị na, ḅẹ anga, ḅẹ anga ḅụ simearị atomi ma, tẹ sunsin KỊNỊNYANAḄỌ Jizọsị Kịrayịsị pịrịarị apụ ma na gbọrụ ḅụ sime ḅụ, ori anie ịn Nyanaḅọ pịkị wa Nyanaḅọ.

Ẹfisọsị 3:20

Ori ḅe tẹ amịna kụrọ wamịna ḅụụ ḅio kọrịnama kọrịarị ḅọ ḅe, tẹ wa inetẹ ḅii, anịanịa kuroma, ḅẹ ḅara nẹngị lama ḅarị ḅara mịẹ ḅẹ ḅọ ḅe,

Ditẹrọnọmị 4:29

Kụma anịjụ ḅụ ọ́ KỊNỊNYANAḄỌ ọmịna Tamụnọ ḅe ḍọkị ḅa, tẹ ọmịnị ọ̀ ḍọkị-ẹrị ḅa, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ ọ̀ ḍọkị ḍọkị.

Ditẹrọnọmị 4:7

Kẹ gotẹ ọkọ ḅẹẹarị, tọ gburo-gburotẹ opu sịẹ emi, tẹ oru-tamụnọ nyana tẹ KỊNỊNYANAḄỌ wamịna Tamụnọ ḅe wa ọ̀ sịn sakị sịn sakị ḅụ wamịnị na kpeki ḅara kẹ anị kpeki?

Mịẹfinji 2:17

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi mẹ nyana apụ ma à ḅọị wararị mana mẹ ḅẹ aị kẹ ịn pịrị fị ḅa. À pịkị pịna-pịna ḍụḅarị, tẹ ịwọ ẹrẹ anị ḅụ kẹẹ wararị ye, anie anị nyana wararị ḅọ sikima tẹ gbọrụḅọ-sọ inetẹ nimi, nimi-a ye, mẹ kẹ ịna ḅụ ọrụḅọ-ọrụḅọ pịrị ḅa.