Jerimaya 33:2 - FỊAFỊA BAỊBỤLỤ

² KỊNỊNYANAḄỌ ḅe, Kiri mẹ tẹmẹ tẹ anị kẹ anị sime yọ ḅụ wẹrị ḅọ ḅe, ẹkwẹn ị̀ pịrịm. KỊNỊNYANAḄỌ kẹ ẹrẹ fị ḅọ ḅe ḅẹẹm,

Jerimaya 33:2 Iomraidhean Croise

Devidi-Anume 102:16

KỊNỊNYANAḄỌ ḅe siin Zayọnị nama sakị, ori ori opu la ḅara kẹ kịnị ḍie ḅa.

Devidi-Anume 87:5

Zayọnị gbolomaye ḅụ ịn ḅẹẹ ḅa mịnẹ sịẹ-sịẹ mamgba anị ḅẹ apụ sọ ḅa, tẹ Kụrọ mamgba Nyanaḅọ ḅe anị mịẹ kụrọma ḅa.

Paka-so 15:3

KỊNỊNYANAḄỌ ḅe anie ọmụḅọ; KỊNỊNYANAḄỌ ḅe anie ori ẹrẹ.

Paka-so 6:3

À ḅụụ-pakama Ebira-amụ ḍiem, Ayịzịkị ḍiem, pịkị Jekọbụ ḍiem Kụrọmamgba Nyana Tamụnọ ḅara ḅụ, kụma arị ị̀ ẹrẹ, KỊNỊNYANAḄỌ ḅe, ḅara kẹ ị̀ ḅụụ mie pakama tẹ ini ì nimi-a.

Ayịzaya 14:32

Ndẹẹ wa kẹ Filisiteni ḅụ wa dama-ḅo oku-mẹnjịapụ ma pakịrị ḅẹ ḅara? Wa ḍuko ịn pịrị ḅa mịnẹ KỊNỊNYANAḄỌ ḅe Zayọnị nama sịẹma kụrọma tẹ, tẹ ori atomi tẹ tọrụsiẹrịarị apụ ma anịanga ye ịn la ḅịa yọ ḍọkị-ẹrị ḅa.

Ayịzaya 37:26

“Jene-jene amụ ị́ naa-a mịnẹ yẹrị mie-mẹmgba tọn wẹrịm iḅere-iḅerea kụra ḅio? Tẹ mịọkụ arị anị mịẹ tẹ. Yẹrị kụrọ mẹ kẹ ị́ pịrịm ị́ kẹ amịna aḅụụ mịẹ kụrọma, kụrọma tẹ opu ama ma kẹ ḅo sịra sọma.

Ayịzaya 42:8

“Yẹrị kịngẹ anie KỊNỊNYANAḄỌ ị́ Tamụnọ ḅe. Jen tamụnọ ị̀ na ì ebube nyana ḅịa; À ḍụkụ tẹ oru-afụḅara ì tokini nyana ḅịa.

Ayịzaya 43:1

Izirẹlị, ị́ tẹmẹ KỊNỊNYANAḄỌ ḅe ḅẹẹarị, “Ḅarị ḅalafa ma — àrị ị́ ḅọrọma ḅa. Àrị ẹrẹ kẹ ị́ sịn tẹẹ — yẹrị ị́ nyanam.”

Ayịzaya 43:21

Ini anie à tẹmẹ ị̀ ḅụụ pịrị apụ ma, tẹ in nume su-su ì tokini-tokini-tokini ḅa!”

Ayịzaya 62:7

Ịn ḍụkụ tẹ ori ịnyọsara nyana-a, nwenii ò Jeruselemu kẹ tarị anị sime-ḅara wẹrị. Tẹ anị mịẹ tẹ anị tomikiri mẹmgba tokiniarị apụ ama sọ.

Jerimaya 10:16

Jekọbụ Tamụnọ ḅe ori ịn kịka-a; Ori anie ḅẹẹye-ḅẹẹye tẹmẹḅọọ, tẹ Izirẹlị sẹlẹ ọkị tẹ ini ò soku-ḅẹ atomi sọm. Kụrọmamgba nyana KỊNỊNYANAḄỌ anie ori ẹrẹ.

Jerimaya 16:21

“Ọkọ ẹrẹsị, mie ḅụ,” KỊNỊNYANAḄỌ ḅe mẹẹ, “mị gbọrụ sakị mẹ ḅụ à gbọrsịḅị sịẹ-sịẹ ma mịẹ tẹ ini ị̀ kụrọ na ì opu na nimi ḅa; in nimi ḅa mịnẹ yẹrị anie KỊNỊNYANAḄỌ ḅee.”

Jerimaya 32:18

Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.

Jerimaya 51:19

Jekọbụ Tamụnọ ḅe ori ịn kịka-a; ori anie ye goyegoye mịẹ ḅọ ḅe, tẹ ori Izirẹlị sẹlẹ-ọkị tẹ ịn karakara mịẹ tẹ sime ọ́ pịrị apụ sọọ. Kụrọmamgba nyana KỊNỊNYANAḄỌ ḅe anie ori ẹrẹ.

Emọsị 5:8

KỊNỊNYANAḄỌ ḅe lolia ma tẹmẹm, Piliyadisi na Oriyọnị na nwẹn-sịn alolia ma. Ọ̀ kanakana pịkị-ḅo eneḅaka bele sọmarị, tẹ eneḅaka kẹ ḅo ḍin mịẹarị. Ori abajị ḅio ḅẹ aminji ma sịn ḅo tẹ arị ọsụma kiri mẹ ọgọnọ sararị. KỊNỊNYANAḄỌ ḅe anie Ori ẹrẹ.

Emọsị 9:6

KỊNỊNYANAḄỌ ḅe So-ḅio ò sime yọ namarị, tẹ So-tọrụ mẹ kẹ fongolo koro tẹ isun sọma tẹ kẹ kiri mẹ gbaịn wararị. Ori abajị aminji ma sịn ọkị tẹ arị kẹ ọsụma kiri mẹ ọgọnọ sararị. Ori ẹrẹ anie KỊNỊNYANAḄỌ ḅe!

Hiburu 11:10

Kẹ gotẹ ọkọ ḍukoarị, Ebira-amụ ọ̀ Tamụnọ ḅarana tọn tẹ nama ama mẹ koru simem, anie sime gbamaso aḍụḅarị kẹ suku sakị ama mẹ.

Hiburu 11:16

Anie nakara, iḅi anie nẹngị ama mie ịna pọkọsọlịma ye, anie so-amakiri mẹẹ. Tẹ mie ḅụ, ịn Tamụnọ kẹ ịna Tamụnọ sịn-arị ye mẹ ịna ḅụụ-jịrịma-a, kẹ gotẹ ọkọ ḍukoarị, ori ama tẹlẹma ịn wẹrịma tẹ.

Mịẹfinji 21:10

Tẹmẹ ḅe nwẹnị ị̀ ḅụụ sọ, tẹ ḅẹrẹtọn ị̀ pịrị, tẹ enjẹlị ḅe nwẹnị ị̀ kẹ mu gele lamatẹ gbọrụ tụndụ ọgọnọ ḅẹ kunoma jụ la tẹ Jeruselemu, Fịafịa Opu Ama mẹ, kẹ ì ḍie, anị Tamụnọ ḅara sime tẹ So-ḅio koro-ḅoarị,

Mịẹfinji 21:2

Tẹ à nwẹnị Fịafịa Opu Ama mẹ, anie Ịwọ Jeruselemu mẹ, ẹrị, Tamụnọ So-ḅio anị kẹ fịrịmarị, tẹ ịn kẹ diḅọ pịrị ḅẹ-muarị ịwọ ẹrẹḅọ tẹlẹma kẹrẹịnma ḅara kẹ anị tẹlẹma kẹrẹịnma wararị.